Jeremiah 48:27 - Bible Ni Thothup

²⁷ Moab, ka gamnang rogon ni um moningnag e girdi’ nu Israel. U mog e thin ni kireb ngorad ni gowa bogi mororo’?

Jeremiah 48:27 Σταυροειδείς Αναφορές

BABYOR NI JOB 16:4

Fa’an mang e gimedgag ma gag e gimed, mra yag ni nggog urngin e tin gimed be yog. Rayag ni nggu gochum u fithik’ e gonop mug welthin ngomed ngam limochgad nga lungug.

Psalms 44:13

Pi’in gamad buguliyoror e kar guyed e n’en ni kam rin’ ngomad, ya yad be moning ma yad be minmin ngomad.

Psalms 64:8

Bayi thangrad ni bochan e pi thin nem; gubin e pi’in nra guyrad miyad chichingeg lolgurad.

Psalms 79:4

Pi nam nib liyegmad e yad be yog e thin ni kireb ngomad; yad be garus ma yad be moning nagmad.

Jeremiah 18:16

Ka ra ted e re nam ney nike tamdag ya’an, ni nge chuwan’iy riy ndariy n’umngin nap’an. Urngin e girdi’ ni bay ranod u to’oben e bay ra gin gad ko n’en ni yad nra guy, bay ur chichingeged lolugenrad nike balyangan’rad.

Jeremiah 2:26

“Bod rogon ba moro’ro’ ni yira kol’, ere gimed e girdi’ nu Israel e bay mu tamra’gad; ni gimed gubin, ni pilung romed nge pi tolang romed, nge pi prist romed nge pi profet.

Lamentations 1:12

Be yor ngak gubin e pi’in yad be yan u to’oben, “Musap ngog, Dariy be’ ni ka’eta’ ba amith ni bod e birog e amith, Nib amith ni SOMOL e kefek nga dakenag ko fa ngiyal’ nike damumuw.

Lamentations 1:7

Ke par ni go’ ir nike mogothgoth e chiney, yu Jerusalem e be sul ngi i leamnag e fla’ab rok kakrom; Nap’an ni aw nga pa’ e pi to’ogor rok, ma dariy be’ ni ayweg. Pi’in kar gelgad ngak e yad be minmin ngak ko waer nike tay.

Ezekiel 25:8

I SOMOL ni Th’abi Tolang e ke ga’ar, “Bochan e keyog yu Moab ni yu Judah e ba ta’reb rogon ko gubin e pi nam,

Ezekiel 35:15

nri bod rogon ni u mu felfelan’ ko mogoth ni tay yu Israel ni gag e suwog. Burey nu Seir, nge ga’ngin e nam nu Edom, e bayi mogothgoth. Ma aram e bayi nang gubin e girdi’ ni Gag fare SOMOL.”

Ezekiel 36:2

ni Th’abi Tolang e nggog ni fan ngorad: pi to’ogor nu Israel e kar minmin gad u wan’rad ma yad be ga’ar, ‘Fapi burey ni kakrom e tafadad e chiney!’

Ezekiel 36:4

Ere chiney e ngan motoyil ko tin nggog i Gag SOMOL ni Th’abi Tolang ngomed e pi burey nge yochi burey, nge gimed e pi lul’ nge loway, nge gimed e yungi n’en ni kan n’ag ni dakriy e fel’ riy, nge gimed e pi binaw u ted ni kan giliwnag ni be moning nagmed e pi nam nib liyegmed.

Zefaniah 2:10

Ireram rogon e girdi’ nu Moab ngu Ammon ni bay ni gechig nagrad ko tolngan’ rorad nge ferad taf nge fan e ur yab’iyed e girdi’ rok SOMOL ni Gubin ma Rayag Rok.

Zefaniah 2:8

Be ga’ar SOMOL ni Gubin ma Rayag Rok, “Kug rung’ag ni be yog e girdi’ nu Moab ngu Ammon e thin nib kireb ma yad be moning nag e girdi’ rog. Yad be yog nib sororad ma bay ra koled u fithik’ e yargal e binaw rok yu Judah.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

Matthew 27:38

Miyad richibiy l’agruw i moro’ro’ ntacham nga l’agruw i kuruth, ni bagayow nga ba’ ni mat’aw rok Jesus ma bagayow nga ba’ ni gilay’ rok.

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.