Jeremiah 48:19 - Bible Ni Thothup

¹⁹ Gimed e pi’in ni gimed ma par u Aroer, mu sak’iy gad u charen e kanawo ngam son gad; mi gimed fith e pi’in yad be mil ni ngar chuwgad, ngam nanged rorad e n’en nike buch.

Jeremiah 48:19 Σταυροειδείς Αναφορές

2 Samuel 24:5

Mar th’abed fare lul’ ni Jordan miyad n’uf e tent rorod ko yimuch u Aroer ngar pired u rom e ngiyal’nem, ni fare binaw ni bay u lulukngun e loway, u lan e gin tafen Gad. Mranod u rom ko lel’och nga Jazer,

1 Kronicles 5:8

nge Bela, nib mo’on ni fak Azaz ni fak Shema, ni be’ ko fare ke girdi’ rok Joel. Re ke girdi’ ney e ur pired u lan yu Aroer ngu lan fare gi nug ni yan u rom ko lel’och nge mada’ nga Nebo nge nga Baal Meon.

Numbers 32:34

Fare ganong rok Gad e ku ra fal’eged fapi binaw min ngongliy e yoror riy ni fan ko mael. Ni binaw nu Dibon, Ataroth, Aroer,

Deuteronomy 2:36

I SOMOL ni Got rodad e pi’ urngin fapi binaw ngalan pa’dad, ni mus u Aroer ni bay u thathren fare loway ni Arnon, nge fare binaw ni bay u lukngun e re loway nem, me yan nge mada’ nga Gilead. Dariy reb e binaw ni dad buthuged e yoror riy.

Joshua 12:2

Reb fa gal pilung e Sihon, ni ba Amorite ni ir e ma gagiyeg u Heshbon. Gil’ilungun e bmu’un baley yu Gilead ngay: ni tabab u Aroer (ni bay u thathren fare Loway ni Arnon) me yan ko fare binaw ni bay u lukngun fare loway nge mada’ ko lul’ ni Jabbok, ni aram e mathil rok yu Ammon,

Judges 11:26

Ke gaman e 300 e duw nike par yu Israel u Heshbon ngu Aroer, nge pi yuchi binaw nib liyeg, nge urngin e pi binaw u teal e Lul’ ni Arnon. Ere mangfan ni ka’aram n’umngin nap’an i yib mdawor mu sulweged e pi yungi binaw ney?

1 Samuel 4:16

Me ga’ar fare mo’on, “Kug thay ko mael, ma kug mil u rom kug mada’ ngaray e daba’.” Me fith Eli ngak ni ga’ar, “Fakag, mang e kan rin’?”