Jeremiah 48:13 - Bible Ni Thothup

¹³ Ma aram e piyu Moab e bay ra tamra’gad ko fare got rorad i Kemosh, ni ri bod piyu Israel nra tamra’gad ngak Bethel, ni fare got ni i pagan’rad ngak.

Jeremiah 48:13 Σταυροειδείς Αναφορές

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

1 Kings 18:40

Me ga’ar Elijah ngak e girdi’, “Mu koled fapi profet rok Baal nge dabi mil ta’bagayad!” Miyad kol fapi profet ni gubin, me fekrad Elijah ko fare lul’ ni Kishon fithingan nge thang e pogofan rorad.

2 Kronicles 25:15

Ren’ey e k’aring e damumuw ngak SOMOL, ma aram me l’oeg ba profet nge yan ngak Amaziah. Me ga’ar fare profet ngak Amaziah, “Mangfan ni ka mu tayfan bogi got rok boch e nam ni mus ngak e girdi’ rorad ma de yag ni ngar ayuweged yad rom?”

Isaiah 16:12

Girdi’ nu Moab e thay porowrad ko yan nga daken e burey nga tagil’ e meybil nge lan e pi tempel rorad ko meybil, machane dariy ban’en riy ni bfel’ ngorad.

Isaiah 2:20

Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

Isaiah 45:16

Pi’in yad ma ngongliy e liyos e yad gubin ni bay ra tamra’gad; yad gubin ni bay ni darifan nagrad.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Jeremiah 48:12

“Ere chiney e ke taw ko ngiyal’ ni nggu l’oeg e girdi’ nge pu’og yu Moab ni bod e wayin. Bay ra mlik niged fapi melor miyad bilbilig nge yoch yang.

Jeremiah 48:39

Ke wearwear yu Moab! Kar yor gad ngalang! Yu Moab e ke m’ay fan. Ke aw ni dakriy woton u but’ ma gubin e nam u charen i yan e bay ur moning niged. I Gag SOMOL e kugog e pi thin ney.”

Jeremiah 48:46

Ke gafgow e girdi’ nu Moab! Ni girdi’ ni yad ma tay fan Kemosh e kan thang owcharad, ma pumo’on ni pifakrad nge ppin e kan fekrad ni kalbus.

Jeremiah 48:7

“Gur yu Moab, e ke pagan’um nga gelngim nge fel’ rogon rom, ma mus ngom e chiney ma bay ni kolem; fare got rom i Kemosh e bay ni fek ngabang, nib chagil e pi tolang rok ngak nge pi prist.

Judges 11:24

Ere gimed be guy rogon ni ngam fulwegned? Mu ted romed urngin e tin ke pi’ Kemosh ni got romed ngomed. Machane gamad e nge par romad gubin e tin ke pi’ SOMOL, ni Got romad ngomad.