Jeremiah 48:11 - Bible Ni Thothup

¹¹ Ke ga’ar SOMOL, “Moab e gubin ngiyal’ ni be par ni dar buch ban’en rok ma da nir fek nga bang ni kalbus. Moab e bod e wayin ni kan tay ni dab ni bitbit ngay ma da nir ngal’weg u reb e melor nga reb. Lamen e yug ma par ni bfel’.

Jeremiah 48:11 Σταυροειδείς Αναφορές

Psalms 123:4

Kay gi n’uw nap’an nike moning nagmad e pi’in bo’or ban’en rorad nge pi’in yad be changar ngomad nga but’ ni bogi kireb nib tolangan’rad.

Psalms 55:19

Got, niki i gagiyeg aram ko tobolngin i yib, e ra rung’ag lungug me waer nagrad; ya daburad ni ngar thilgad, ma dariy madgun u wan’rad.

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Isaiah 16:6

Me ga’ar e girdi’ nu Judah, “Ku gu rung’aged rogon feni uf uf e girdi’ nu Moab. Gamad manang ni yad ba tolngan’ ma yad ba ufanthin machane dariy ban’en ni ngar ufgad ngay.”

Isaiah 24:3

Fayleng e bayi par ndakriy e fel’ riy nike kireb. I SOMOL e ke non ma tin keyog e ra yodrom.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Jeremiah 22:21

I SOMOL e non ngom fa ngiyal’ ni bfel’ rogom, machane i gur e mu siyeg ni ngam motoyil. Irera’ e n’en ni um rin’ u n’umngin e yafos rom; dariy e ngiyal’ ni mu fol rok SOMOL.

Jeremiah 48:12

“Ere chiney e ke taw ko ngiyal’ ni nggu l’oeg e girdi’ nge pu’og yu Moab ni bod e wayin. Bay ra mlik niged fapi melor miyad bilbilig nge yoch yang.

Jeremiah 48:29

Moab e ri ba ufanthin! Kug rung’ag feni ufanthin, tolngan, nge girdi’ nma moningnag, nge rogon ni yad ba uf ngorad.

Jeremiah 51:34

Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Nahum 2:10

Nineveh e ke mogothgoth, dakuriy be’ riy, kann’ag! Ke ranran e pi gum’ircha’ ni marus; ke dada’ e bug u ey, dakriy gelingiy; ke ol owchey.

Nahum 2:2

I SOMOL e nge fulweg e fla’ab rok yu Israel nga rogon, ni immoy u m’on ndawor i giliw nagrad e pi to’ogor rorad.)

Zefaniah 1:12

“Ngiyal’nem e bay gu fek ba magal ngug magow u Jerusalem. Mu gu gechignag e pi’in ke pagan’rad ngorad ni yad be leamnag nikar thog naged e tin nge yag ngorad. Yad be ga’ar u lanin’rad, ‘Demturug rogon ma SOMOL e dabi rin’ ban’en.’

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.