Jeremiah 48:10 - Bible Ni Thothup

¹⁰ Mu bucheg wa’athan e pi’in darir rin’ed e maruwel rok SOMOL u polo’ i gumicha’rad! Mu bucheg wa’athan e pi’in da rir thanged e pogofan.

Jeremiah 48:10 Σταυροειδείς Αναφορές

1 Kings 20:39

Ma nap’an ni be yib fare pilung ni nge yan, me pong fare profet me ga’ar ngak, “Gur e en ni Pilung, gu be cham u fithik’ fare mael me fek ba salthaw ba to’ogor i yib ngog nike kol me ga’ar, ‘Mmatanagiy e re mo’on ney; fa’anra thay ni mil, ma gra pi’ puluwon ni birom e pogofan fa mu pi’ puluwon ni 3,000 yang e silber.’

1 Kings 20:40

Machane mug mit u boch ban’en, me thay fare mo’on nge mil.” Me fulweg fare pilung ni ga’ar, “Kamog rogon e n’en ni nge buch rom, i gur rom e ka mu turguy.”

1 Kings 20:42

Me ga’ar fare profet ngak fare pilung, “Irera’ e thin rok SOMOL: ‘Bochan e kam pag fare mo’on ke mil ni aram facha’ ni kugog ni ngan li’ nge yim’, ma aram e yafos rom e nge thay ni puluwon, ma fa raba’ i salthaw rom e bay ni thirif u but’ ni bochan e kar paged fa raba’ i salthaw rok kar milgad.’”

2 Kings 13:19

Me puwan’ Elisa me ga’ar ngak fare pilung, “Susun e ngam toy nlal fa nel’ yay, ma aram e ra um par ni gab gel ngak yu Syria, machane chiney e kemus ni dalip yay e ga ra gel ngorad.”

Jeremiah 11:3

ni Gag, fare SOMOL ni Got nu Israel e ku gu duwgiliy e buchwa’athan ko pi’in darir folgad u rarogon e re m’ag ney.

Jeremiah 47:6

Mu yorgad ngalang ni gimed be ga’ar, ‘Saydon rok SOMOL! Uw n’umngin nap’an ni ngam dumow? Mu sul ngalan tafen e saydon, mu par u rom ngam toffan!’

Jeremiah 47:7

Machane uw rogon ni nge toffan, ni ku gu mu’ i pi’ e maruwel rok ni nge rin’? Kug motochiyel ngak ni nge cham nga Ashkelon nge girdi’ nma par u dap’el’ay.”

Jeremiah 50:25

Ku gu bing e gin gu ma cha’riy talin e cham rog riy, mu fithik’ e damumuw rog ma kug fek e pi talin e cham rog nga wean, ni bochan e Gag SOMOL ni Th’abi Tolang ma Gubin ma Rayag Rok, e bay e n’en ni nggu rin’ u lan yu Babylon.

Jeremiah 50:27

Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Joshua 10:19

machane gimed e dab mu pired u rom. Mu leked fapi to’ogor u wuryal ngam oggad ngorad; dab mu pagedrad ngar thapgad nga langgin fapi binaw rorad! I SOMOL ni Got romed e ke ta’med ni ngam gelgad ngorad.”

Judges 5:23

Be ga’ar fare engel rok SOMOL, “Mu bucheg wa’athan yu Meroz, mu bucheg wa’athan, mu bucheg wa’athan e pi’in yad be par u rom. Ya darbad ni ngar ayuweged SOMOL, ni ngarbad nrogon e salthaw ngar chamgad ni fan ngak.”

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”

1 Samuel 15:9

Ma de thang Saul nge salthaw rok e fan rok Agag, ma dar li’ed e tin th’abi fel’ e saf, nge garbaw, nge tin th’abi fel’ u pifak e garbaw, nge pifak e saf, nge tin ni bfel’ ban’en; machane ra kireb niged urngin e tin gathi rib fel’ nge tin ndariy fan.