Jeremiah 47:7 - Bible Ni Thothup

⁷ Machane uw rogon ni nge toffan, ni ku gu mu’ i pi’ e maruwel rok ni nge rin’? Kug motochiyel ngak ni nge cham nga Ashkelon nge girdi’ nma par u dap’el’ay.”

Jeremiah 47:7 Σταυροειδείς Αναφορές

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 13:3

I SOMOL e pining e salthaw rok nib falu’ ma ba m’uthan’rad ni ngar chamgad ko fare mael nib thothup ngar gechig naged e pi’in ba damumuw ngorad.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Jeremiah 48:10

Mu bucheg wa’athan e pi’in darir rin’ed e maruwel rok SOMOL u polo’ i gumicha’rad! Mu bucheg wa’athan e pi’in da rir thanged e pogofan.

Ezekiel 14:17

“Ara ggirngiy e mael nga daken fare nam mu gu l’oeg talin e cham nib almarin nge thang mit e girdi’ nge gamanman ni ta’ab rogon,

Ezekiel 21:14

“Fak e girdi’, chiney e ngam yi’iy. Mu waynag pa’am me cham fare gi saydon bayay nge bayay. Irera’ fare saydon nma cham, ma k’aring e marus mma thang e pogofan.

Ezekiel 21:30

“‘Mu sulweged e saydon romed nga tafen! Bay gu pufthin nagmed ko gin nsunmiymed riy, u lan e re binaw nni gargelegmed riy.

Ezekiel 21:9

“Fak e girdi’, mu yi’iynag e n’en ni nge buch. Mog ko girdi’ e n’en ni gu be yog I Gag SOMOL e gu be ga’ar: Ba saydon, ba saydon ni kan uthum ma ka ni gichiy.

Ezekiel 25:16

Ere gu be yog ni bay gu cham ngak piyu Filistia nggu thirifrad u but’. Bay gu thang mit gubin e girdi’ ni magach u rom ko tafel’fel’ u Filistia.

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Mikah 6:9

En nra i par ni bay madgun SOMOL u wan’ e ba gonop. Be non ngak e girdi’ u lan fare binaw ni be ga’ar, “Mu telmed e pi’in kam mu’ulunggad ngalan binaw!

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”