Jeremiah 47:6 - Bible Ni Thothup

⁶ Mu yorgad ngalang ni gimed be ga’ar, ‘Saydon rok SOMOL! Uw n’umngin nap’an ni ngam dumow? Mu sul ngalan tafen e saydon, mu par u rom ngam toffan!’

Jeremiah 47:6 Σταυροειδείς Αναφορές

2 Samuel 2:26

Me tolul Abner ngak Joab, “Mog, aram e ngu’ud chamgow e chiney i yan ngaram ni dakriy e tal? Damur guy nra tomur riy ma dakuriy ban’en ni kabay ya kemus ni fanenikan? Gamad boch i pi girdi’en e nam romed. Bu uw n’umngin nap’an mfin mog ngak e pi salthaw rom ni ngar talgad i tulufmad?”

1 Kronicles 21:27

Me yog SOMOL ngak fare engel ni nge fulweg e saydon rok nge tay, me fol fare engel riy.

Psalms 17:13

SOMOL, moy! Mu cham ko pi to’ogor rog ngam gel ngorad! Mu aywegeg ko saydon rom u pa’ e pi’in kireb;

Isaiah 10:15

Machane me ga’ar SOMOL, “Rayag ni nge ga’ar bang i tow i ir e ba ga’ boch ko en nma maruwel ngay? Ba ga’fan ba glayoch ko en nma glayoch? Dar ma chibiy baley i gul be’ ngalang, ya en nma maruwel ngay e ma chibiy ngalang.”

Isaiah 10:5

I SOMOL e ga’ar, “Gu tay yu Assyria nib dumow rog ni nggu gechegnag e pi’in ku gu damumuw ngak.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Jeremiah 15:3

I Gag SOMOL e kug duwgiliy ni aningeg ban’en nib gel e gafgow riy e nge yib ngorad: bay nli’rad ko saydon ngarm’ad; ma dowef rorad e bay yib e pilis ngi i girengiy; bay yib i par e arche’ ngi i longuy; ma gamanman ni malboch e bay yib i longuy e tin ke magey ko dowef rorad.

Jeremiah 25:27

Aram me ga’ar SOMOL ngog, “Mmog ko girdi’, ni Gag SOMOL ni Gubin ma Rayag Rok, ni Got nu Israel, e gu be yog ni ngar unumed nge taw ko ngiyal’ ni ka ra chinggad yad be sul’ugun, miyad aw nga but’ ndabkiyag nra suwongad, ni bochan e mael ni nggu pag nge yib nib togopluw ngorad.

Jeremiah 4:21

Uw n’umngin nap’an ni ngguy e mael nike achngiy ma gu be rung’ag lingan e rappah?

Jeremiah 48:10

Mu bucheg wa’athan e pi’in darir rin’ed e maruwel rok SOMOL u polo’ i gumicha’rad! Mu bucheg wa’athan e pi’in da rir thanged e pogofan.

Jeremiah 50:35

Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Ezekiel 14:17

“Ara ggirngiy e mael nga daken fare nam mu gu l’oeg talin e cham nib almarin nge thang mit e girdi’ nge gamanman ni ta’ab rogon,

Ezekiel 21:30

“‘Mu sulweged e saydon romed nga tafen! Bay gu pufthin nagmed ko gin nsunmiymed riy, u lan e re binaw nni gargelegmed riy.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

John 18:11

Me ga’ar Jesus ngak Peter, “Mu sulweg e saydon rom nga tafen! Ga be finey ndab ku gu unum e n’en ni bay ko fare kap ni aram e gafgow nike pi’ e Chitamag ngog?”

Judges 7:20

Me thoy fa gal nem e ulung e yabul rorad miyad bilig fapi rume’. Miyad fek e mol’ nga ba’ ni gilay’ i pa’rad, ma bay e yabul u ba’ ni mat’aw, miyad tolul ni lungurad, “Ba saydon ni fen SOMOL nge Gideon!”