Jeremiah 42:22 - Bible Ni Thothup

²² Ere aram e nge par u wun’med e ran’ey: bay m’ad u fithik’ e mael fa uyngol ara liliy u daken e re gi but’ ni gimed ba’adag ni ngam pired riy.”

Jeremiah 42:22 Σταυροειδείς Αναφορές

Isaiah 30:3

Ma re pilung nem e dabiyag rok ni nge ayuwegrad, ma yoror ni bayi tay yu Egypt ngorad e bayi ngal’ nib riya’;

Jeremiah 24:10

Bay gu fek e mael i yib ngorad, uyngol, nge liliy nge taw ngilan’ ndakriy bagyad u daken fare binaw ni gu pi’ ngorad nge pi chitamangirad ni kakrom.”

Jeremiah 42:17

Gubin e girdi’ nike leamnag ni nge yan i par nga Egypt e ra yim’ u fithik’ e mael fa uyngol ara liliy. Dariy bagyad nra par nib fos, ma ku dariy be’ nrayag ni thay ko riya’ ni gu ra fek i yib ngorad.’

Jeremiah 43:11

Bayib Nebukadnezzar nge gel ngak yu Egypt. Girdi’ ni kan bucheg wa’athan ni ngarmad’ ko liliy e ireram e n’en ni yad ra yim’ riy, pi’in ni kan turguy ni ngan fekrad nga bang ni kalbus e yira fekrad, ma pi’in ni kan turguy ni ngarmad’ u fithik’ e mael e yira li’rad u fithik’ e mael.

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Ezekiel 33:27

“Mu weliy ngorad ni Gag SOMOL, ni Th’abi Tolang e gu be ning chiylen ngorad nrogon feni riyul’ ni Gag fare Got ni gu be par ni gub fos, e aram feni mich ni pi’in yad be par u lan fapi binaw ni kan gothey e bay nthang e pogofan rorad. Ma pi’in yad be par u wuru’ e binaw i yan e bayi longuyrad e gamanman ni malboch. Ma pi’in yad be mith u daken e pi burey ngu lan e yiy i yan e bay yib e liliy ngorad ngarm’ad.

Ezekiel 6:11

I SOMOL ni Th’abi Tolang e ga’ar, “Mu pirdi’iy ngorngorem mag fafalig nga but’! Mu yor nag e gafgowan’ ni bochan gubin e kireb nge pin’en nib sunsonogor nike rin’ piyu Israel. Bay ram’ad u tan e mael ara uyngol ara liliy.

Ezekiel 6:12

Pi’in yad bay u orel e bay ra m’argad ngarm’ad; ma pi’in yad ba chuchugur e bay ram’ad u fithik’ e mael; ma pi’in nra fosgad e bayi math e pogofan rorad ni bilig. Ma bay ra thamiyed ga’ngin gelngin e damumuw rog.

Hosea 9:6

Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.