Jeremiah 41:16 - Bible Ni Thothup

¹⁶ Ma aram e Johanan nge fapi tolang ko salthaw e ra ayweged e pi salthaw, nge ppin, nge bbitir, nge eunuch ni fapi girdi’ ni chuwegrad Ishmael u Mizpah nge fekrad ni kalbus u tomuren nni thang e fan rok Gedaliah.

Jeremiah 41:16 Σταυροειδείς Αναφορές

2 Kings 25:23

Ma pi tolang ko salthaw nge salthaw nu Judah ndar pi’ed yad nga pa’ e salthaw nu Babylonia e fa’an rrung’aged ni aram rogon, miyad yan ngak Gedaliah u Mizpah. Pi tolang ko salthaw nem e Ishmael ni fak Nethaniah, nge Johanan ni fak Kareah, nge Serayah ni fak Tanhumeth ni be’ ko binaw nu Netofah, nge Jezaniah ni be’ u Bethmaakah.

Jeremiah 41:10

Ma aram me kalbusnag e ppin ni pifak fare pilung nge gubin e tin ni magach e girdi’ u Mizpah, ni pi’in ni tayrad Nebuzaradan ni ir e tolang ko salthaw nga tan pa’ Gedaliah. I fekrad Ishmael ni kalbus ngar sorgad i yan ko gin tafen yu Ammon.

Jeremiah 42:8

Ma aram mu gu pining Johanan nge gubin fapi tolang ko salthaw ni yad bay rok, nge gubin fapi girdi’ nga ta’bang.