Jeremiah 40:10 - Bible Ni Thothup

¹⁰ I gag e bay gu par u Mizpah nggu mang mit e thin romed u nap’an nra yib yu Babylon ngaray. Ma gimed e ngam ta’reb gad nga mu kunyed e wayin nge wom’ngin e gek’iy nge gepgep ni olive, nga mu cha’riyed nga langgin fare binaw ni ka mu pired ngay.”

Jeremiah 40:10 Σταυροειδείς Αναφορές

2 Samuel 16:1

Nap’an ni ka fini pag David p’ebugul fare burey ke yan boch nga orel, mi yow mada’ Ziba ni fare tapigpig rok Mefiboseth, ma bay boch e gamanman ni dongki nike fek nike suguy daken keru’rad nga 200 yal’ e flowa ni gang’, nge 100 punug e grape ni ka ni gilk’ad, nge 100 punug wom’ngin e gek’iy ni yima kay ni ka fin nt’ar, nge ba tutuw ni keru’ e gamanman nike suguy ko wayin.

1 Kings 10:8

Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

Proverbs 22:29

Mu dag be’ ngog nma rin’ e maruwel ni bfel’, mu gu dag be ngom ni kabfel’ boch ko tin yo’or e girdi’, ma rabung ni nge un ko sabal ko pilung.

Proverbs 27:25

Ga ra th’ab e gargear ni gan e gamanman, mfin mu th’ab e pan u thatharen e burey ma be tugul e gin migid e gergear.

Isaiah 16:9

Ma chiney e gu be yornag e grape nu Sibmah ni bod ni gu yornag yu Jazer. Be map’ lu’ag ni fan nga Heshbon ngu Elealeh, ni bochan e dakriy wom’ngin e woldug nra felan’ e girdi’ ngay.

Jeremiah 35:19

Ere gag, fare SOMOL ni Gubin ma Rayag Rok, ni fare Got rok yu Israel, e gu micheg ni Jonadab nib mo’on ni fak Rekab e gubin ngiyal’ ma bay reb e pumo’on ni owchen ni ir e nge pigpig ngog.”

Jeremiah 39:10

Kemus ni pi’in th’abi gafgow ni dariy taferad e pagrad u lan e nam nu Judah, me pi’ ngorad yung i milay’ ni grape nge flang.

Jeremiah 40:12

Ma aram miyad chuw ko yung i n’en nni weregrad riy, ngar sulod nga Judah. Rabad ngak Gedaliah nga Mizpah, nu rom e ra kunyed e tin yo’or e wayin nge wom’ngin e gek’iy riy.

Jeremiah 40:6

Gu wan gu par ngak Gedaliah u Mizpah nggu par u rom u fithik’ e girdi’ ni magach u lan fare nam.

Jeremiah 43:5

Ma aram me fek Johanan nge gubin fapi tolang ko salthaw gubin e girdi’ ni magach u Judah nga Egypt, nib mu’un gubin e girdi’ ni urmed ko fapi nam nni weregrad riy ni kar sulod nga Judah:

Jeremiah 48:32

Bay gu yornag e girdi’ nu Sibmah, nib gal ko meyor ni gu tay ko girdi’ nu Jazer. Fare binaw nu Sibmah, ga bod kenggin e grape nike yib papa’ngin ke mada’ nga ba’ nem e Dead Sea ke yan i taw nga Jazer. Ma ke chiney ma pi wom’ngin e gek’iy rom u nap’an e yal’ nge grape rom e kan gothgathay.

Mikah 7:1

Kari math e liyab! Ya kug bod be’ nike yim’ ko bilig nder pir’eg wom’ngin e gek’iy ni yima kay nike magey u l’ugun e gek’iy, ma ku er i tay wom’ngin e grape ni dariy. Urngin e grape nge urngin wom’ngin e fig nib fel’ lamen e kan t’ar.

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

Deuteronomy 1:38

Machane ngam pi’ e athamgil nga laniyan’ e ta’ayuw rom i Joshua ni fare mo’on ni fak Nun, ya ir e ra yan ngalan fare binaw. Ma bayi pow’iy yu Israel ngar tafned fare nam.’

Deuteronomy 16:13

“Nap’an ni gimed ra mu’ i n’ag keru’ urngin e grain romed ma kam mu’gad i uduy urngin e grape romed, mi gimed tay fare Madnom ko Nochi Naun ni medlip e rran.