Jeremiah 4:14 - Bible Ni Thothup

¹⁴ Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 4:14 Σταυροειδείς Αναφορές

Psalms 119:113

Gu be fananikay e pi’in der gaman e yul’yul’ ni yad be tay ngom, ya gag e ba t’uf rog e motochiyel rom.

Psalms 51:2

Mmaluk nigeg nge chuw urngin e kireb rog, ma ga chuweg e denen rog nggu machalbog!

Psalms 66:18

Fa’anra mang e gu sabalbalyang ko pi denen rog, ma dabi motoyil SOMOL ngog.

Proverbs 1:22

“Gimed e girdi’ ni balyang! Uw n’umngin nap’an ni gimed ba’adag ni ngam pired ni ara’ rogomed? Uw n’umngin nap’an ni ngam pired ni gimed be moningnag e gonop nge llowan’? Mingiyal’ e finra mit ban’en ngomed?

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Jeremiah 13:27

Ke guymed ni gimed be rin’ e pin’en nib fananikay. Ke guymed ni gimed be lek yug boch e got i yan nga daken e burey nge lan e flang, ni bod be’ nib mo’on nike darngalnag e bpin rok be’ ni yow buguliyoror fa bod rogon ba os ni pumo’on ni be lek ba os ni bpin. Gafgow gimed e girdi’ nu Jerusalem! Wi’in e gimed ra machalbog?

Jeremiah 17:1

SOMOL e ga’ar, “Girdi’ nu Judah, denen romed e kan yoloy ko pen ni wasay; ma kan ker ngab p’ebgul e diamond nga lanin’med nge nga daken e pi tabthung ko pi altar romed.

Jeremiah 18:11

Ere mog ngak piyu Judah nge pi’in yad be par u Jerusalem ni gu be leamnag e togopluw ngorad, ma gu be fal’eg rogog ni nggu gechig nagrad. Mog ngorad ni ngar tal gad ndab ku ra pired u fithik’ e denen, miyad thiliyeg pangirad nge pin’en ni yad be rin’.

Jeremiah 2:22

Ni mus ni ga ra maluk ko sop nib gel, ma kug be guy e alit u dowam, ni alit ko kireb rom.

Jeremiah 6:19

Fayleng, mmotoyil! Ku gu fek e mogothgoth i yib ngak e pi girdi’ ney, ni mogothgoth ni bay rogon ni ngan pi’ ngorad; ya dar folgad ko thin rog, ma ka ra pi’ed keru’rad ko tin ni ug machibnag ngorad.

Ezekiel 18:31

Mpaged urngin e kireb ni gimed be rin’ mi gimed tay lanin’med nge gum’ircha’med nike be’ech. Mang ni gimed ba’adag piyu Israel ni ngu’um m’ad?”

Zekariah 8:17

Dab mu tanom niged wo’en ni ngam gafgow niged bochi gimed. Dab mu mow gad ni gimed be micheg ban’en ni de riyul’. Gub fananikan e sasalap l’ugun, nge tin nde mat’aw, nge mod yargal.”

Matthew 12:33

“Fa’anra nge yag e wom’ngin ngom ni bfel’ ma thangri yag ba ke gek’iy ni bfel’ rogon ngom, ma fa’anra yag ba ke gek’iy ngom nde fel’ rogon ma wom’ngin e gek’iy nib kireb e rayag ngom. Ya ra ba kaen e gek’iy ma yima poy u wom’ngin nma k’uf riy.

Luke 11:39

Ma aram me ga’ar Somol ngak, “Gimed e pi Farise e gimed ma maluknag e kap nge plet u wuru’, machane ke sugnag e yargel nge kireb lanin’med.

John 13:9

Me fulweg Peter ni ga’ar, “Somol, ere gathi kemus ni rifrif u eg e ngam luknag! Ya ngu’um luknag pa’ag nruw raba’ nge lolugeg!”

Acts 8:22

Ere mpi’ keruum ko bin be’er e pa’ nib kireb ni kam leamnag, ngam wenig ngak Somol nge n’ag fan rom e binir e pa’ ni kam leamnag.

Roma 1:21

Yad manang Got, machane darir ted fan nrogon ni ngan tayfan, ma darir pininged e magaer ngak. Ma tin ndariyfan e yad be leamnag ma lanin’rad ndariy ban’en riy e be par u fithik’ e lumor.

1 Korinth 3:20

ma bang u lan e babyor nib thothup e be ga’ar, “I Somol e manang ni leam nma tay e pi’in yad ba gonop e dariyfan.”

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!