Jeremiah 4:13 - Bible Ni Thothup

¹³ Amsap, pi to’ogor e karbad ni bod yungi manileng. Chariot rorad e bod e nanyor, ma pi os rorad e ba machrag ko arche’ ni eagle. Kad mu’gad! Riya’ gadad!

Jeremiah 4:13 Σταυροειδείς Αναφορές

2 Samuel 1:23

“Saul nge Jonathan e ri yow bfel’ ma yow ba t’uf; u ranow u ta’bang ko biney e tamilang, ma ku ra m’ow u ta’bang. Yow ba machreg ko arche’ ni eagle, ma yow ba gel ko layon!

Isaiah 13:5

Yad be yib u bogi nam nib palog u tungun e fayleng. SOMOL e be yib u fithik’ e damumuw rok ni nge gathay e nam ni ga’ngin.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Isaiah 3:8

Arogon, Jerusalem e ke riya’! Ma Judah e ke puth! Urngin e tin yad be yog ma yad be rin’ e ba togopluw ngak SOMOL; bgagyal ni yad be gernag Got!

Isaiah 5:28

Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Jeremiah 10:19

Girdi’ nu Jerusalem e yad be yor ngalang ni yad be ga’ar, “Kaygi almarin e maad’ad ni kadted! Ma’ad’ad u dowdad e dabi fos. Ya ud leam niged ni irera’ ban’en nrayag nda athamgiliyed!

Jeremiah 4:12

nifeng nma yib ni SOMOL e ke tirigiliy e kabgel gelngin ko ginem! I SOMOL e ir e keyog ni nge aw e gechig nga daken e girdi’ rok.

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Jeremiah 46:18

I Gag fare SOMOL ni Gubin ma Rayag Rok, e gub pilung. I Gag fare Got nib fos. Bod rogon e Burey ni Tabor nib tolang ko pi burey nge fare Burey ni Karmel nib sak’iy ngalang u daken e day, e aram feni gel e cha’ nra cham ngomed.

Jeremiah 48:40

I SOMOL e micheg ni ba nam e bayi garpow u daken yu Moab ni bod ba eagle nike pithig pon,

Jeremiah 49:22

To’ogor e ra cham nga Bozrah ni bod ba manuw ni ngalol nga but’ nike pithig pon. Rofen nem e pi salthaw nu Edom e ra dugowgad ni bod be’ ni bpin nike k’ad amithun e gargel.”

Jeremiah 6:23

Ka ra feked e gat’ing nge saydon rorad; ri yad ba kireb ma darir runguyed be’. Yad ra yan u daken e pi os rorad, ma be yan lingrad ni bod lingan e regur ni be cham e day riy. Ka ra fal’eged rogorad ni ngar maelgad nga Jerusalem.”

Jeremiah 9:19

Mu telmed nga laman e meyor ni yibe tay u lan yu Zion ni be lunguy, “Kan thirifdad u but’! Kad pired ni kari m’ay fadad! Thingar da chuwgad ko nam rodad; pi naun rodad e ka ni buthug nga but’.”

Lamentations 4:19

Ra tulfed gamad nib pay ni bod e arche’ ni eagle nike ngalol u lang nga but’. U ra gayed gamad u fithik’ e yochi burey; mug gin gad ma kan kolmad u daken e ted.

Ezekiel 26:10

Pi os rorad nib yo’or e bayi pug e fiyath ngalang ni bod bang i manileng ni tharaymed. Ma lingan e os rorad ni be girengiy e waygon nge chariot e bay i rurug e rungrung romed ko ngiyal’ ni bay rabad u langan e garog ko fare binaw nike mogothgoth.

Ezekiel 38:9

Ir nge salthaw rok nge boch e nam nib yo’or ni yad mu’un ngak e bay ra chamgad ni bod bangi yoko’ ngar upnguyed fare binaw ni bod bang i manileng.”

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.

Daniel 7:4

Bin som’on e bod ya’an ba layon ma bay pon ni bod ba arche’ ni eagle. Ma nap’an ni ku gu be changar, min pof pon. Min suwonnag fare gamanman nge sak’iy ni bod ba girdi’. Min pi’ laniyan’ e girdi’ ngak.

Hosea 8:1

I SOMOL e ga’ar, “Mu thoyed e yabul ni ngan nang ni pi to’ogor e yad be ngolol i yib nga daken e nam rog ni bod e manuw! Girdi’ rog e kar th’abed fare m’ag ni gu ngongliy u thilmad yad be togopluw ko machib rog.

Mikah 2:4

Nap’an nra taw ko ngiyal’nem, ma ba’aray ba tang ni bay i yin’ e girdi’ ni murung’agen e gafgow nike yib ngomed. Bayi ga’ar e re tang nem: Ke mul urngin u pa’dad! I SOMOL e ke fek e binaw rodad u pa’dad. Ke pi’ ngak e pi’in kar koled gadad kad manged kalbus rorad.”

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Habakkuk 1:8

“Pi os rorad e bmachreg ko gamanman ni leopard, ma kabgel e damumuw rorad ko gamanman ni wolf nike yib e bilig ngorad. Pi girdi’en e yan u os rorad e rabad u bang nib orel; tungun ay e pi os rorad e be ker e but’. Yad be ngolol nga but’ ni bod e arche’ ni eagle ni nge og ko n’en ni nge longuy.

Zekariah 6:1

Yaney ni pilyeg e changar rog e gguy aningeg i chariot nike yib u thilin l’agruw i burey nib bronze.

Matthew 24:30

Ma aram e bayi m’ug e pow ko en ni Fak e Girdi’ u lanelang; ma aram e urngin e ganong nu fayleng ni bay ra yorgad, ma bay ra guyed e en ni Fak e Girdi’ ni be yib nga but’ u daken e manileng ni bay gelngin ma rib galgal ram’en.

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.