Jeremiah 39:9 - Bible Ni Thothup

⁹ Tomuren, me Nebuzaradan ni ir e ga’ ko salthaw e fek e girdi’ ni magach u lan fare binaw ni kalbus nga Babylon, nib mu’un e girdi’ ngay nra milgad ngak.

Jeremiah 39:9 Σταυροειδείς Αναφορές

Genesis 37:36

Ma ngiyal’nem u Egypt e ke pi’ fapi Midianite Josef ni chuway’ ngak Potifar, ni ir reb e salthaw rok Farao nib tolang, ni ir e kapten rok e pi salthaw nma matanagiy tafen Farao.

2 Kings 20:18

Boch e pi’in nri owchem e bay ni fekrad nga bang ngar manged bogi eunuch ni ngar pigpiggad u lan tafen e pilung nu Babylonia.”

2 Kings 25:11

Me fek Nebuzaradan nga Babylonia e girdi’ ni magey u lan yu Jerusalem, ni girdi’ ni yad ba salap ko maruwel, nge girdi’ nra milgad ngranod ngak e girdi’ nu Babylonia.

2 Kings 25:20

Me fekrad Nebuzaradan ngak e en ni pilung nu Babylonia, ni bay u lan e binaw nu Riblah.

Isaiah 5:13

ere bay ni kolmed ngan fekmed nga wuru’ e nam ni gimed bogi kalbus. Pi’in yad ma yog e thin romed e bayi chugur ni nge li’rad e bilig, ma yug girdi’ e bayi chugur ni ngarm’ad ni balel.

Jeremiah 10:18

I SOMOL e nge yon’med nga wuru e re binaw ney; ni nge parsiymed nge taw ko ngiyal’ ndakriy be’ nra magey. I SOMOL e be non.

Jeremiah 16:13

Ere aram e bay gon’med nga wuru’ ere binaw ney nga daken reb e but’ ndariy bigmed ara pi chitamangimed ni manang murung’agen. Nu rom e bay um tedfan boch e got riy ni rran nge nnep, me gag dab ku gu dag e runguy rog ngomed.’”

Jeremiah 24:8

“Ma Zedekiah ni Pilung nu Judah, nge tayugang’ u to’oben i yan, nge ku tin kabay e girdi’ nu Jerusalem ni yad be par ko re but’ ney ara tin kar chuwgad u roy karanod nga Egypt — I Gag SOMOL, e bay gu kirebnag pa’ag ngorad ni yad bod fatinef e fig ndabi fel’ ni ngan kay.

Jeremiah 38:19

Me fulweg Zedekiah ni Pilung ni ga’ar, “Gu be rus ngak e girdi’ nu Israel ni kar milgad ngak piyu Babylon. Ya richey mi ni pi’eg nga pa’rad ngu’ur gafgow nigedgag.”

Jeremiah 40:1

I SOMOL e non ngog u tomuren nike pageg Nebuzaradan u kalbus ni ir e ga’ ko salthaw u Ramah. Ya ni fekeg ngaram ni kan chain nigeg, ni gub mu’un ngak gubin fapi girdi nu Jerusalem ngu Judah nni fekrad ni kalbus nga Babylon.

Jeremiah 40:7

Boch e pi tolang u Judah nge salthaw nde yag nni kolrad. Rrung’aged ni fare pilung nu Babylon e ke tay Gedaliah ni ir e governor ko fare nam ke par ni ir e be tay murung’agen gubin e pi’in nni fekrad nga Babylon ni fapi girdi’ th’abi gafgow ko fare nam.

Jeremiah 52:26

Me fekrad Nebuzaradan ngak e en ni pilung nu Babylon, ni bay u lan e binaw nu Riblah.

Jeremiah 52:27

Mu rom u Riblah ko nug nu Hamath e yog e pilung nu Babylon riy ni nga ni toyrad nge mu’ min li’rad ngarm’ad. Ara’ rogon nni fek e girdi’ nu Judah ni kar manged kalbus ngan chuwegrad ko nam rorad.

Daniel 2:14

Me yan Daniel ngak Ariok ni pilungen e salthaw nma matanagiy e en ni pilung, ni aram e cha’ nra guy ni fare mathang pogofan e dabisiy ni ngan rin’. I kol ayuw u rogon ni nge non,

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Deuteronomy 4:27

I SOMOL e ra weregmed ko pi nam i yan, ri’in i gimed e ra magach nib fos.