Jeremiah 38:13 - Bible Ni Thothup

¹³ miyad girngiyeg ngalang ngar chuweged gag u lan fare luwed. Tomuren e biney mi ni pageg nggu par u lan e yoror.

Jeremiah 38:13 Σταυροειδείς Αναφορές

Genesis 37:28

Ma fa’ani yib bogi ni’ ntachuway’ ni kanog e Midianite ngorad, miyad girengiy Josef u lan fare low ngalang ngar pi’ed nchuway’ ngak fapi girdi’ ni kanog e Ishmaelite ngorad, mi ni pi’ reliw’ yang i silber ngorad ni puluwon, miyad fek Josef nga Egypt.

1 Kings 22:27

Minog ngorow ni ngan tay nga kalbus, ma kemus ni flowa nge ran e ngu’un pi’ ngak nge yan i mada’ ko ngiyal’ ni kugsul nde buch ban’en rog.”

Nehemiah 3:25

Palal nib mo’on ni fak Uzai e ubung e gin migid, i tabab u tabthungen fare yoror nge fare wulyang ko thal ni ngalang ko tafen e pilung u to’oben e yoror ko matnag; Pedayah nib mo’on ni fak Parosh e ubung e gin migid, i yan ko ngek u to’o ben fare Garog ni Ran nge fare wulyang ni be matnagiy fare Tempel. (Re ngin’ey e bay u to’oben e gin ko fare binaw ni yima yog yu Ofel ngay, ni aram e gin nma par girdi’en e maruwel u Tempel riy.)

Proverbs 29:10

Girdi’ nib tathang e pogofan e daburad daken e en nib yul’yul’, ma girdi’ nib mat’aw e yad ma ayweg e yafos rok be’ ni aram rogon.

Jeremiah 26:16

Pi’in yad be yog e thin nge girdi’ e lungurad ngak e pi prist nge pi profet, “Re mo’on ney e dab ni duwgiliy ni ngan li’ ngem’, ni bochan e ke welthin ngodad u fithingan SOMOL ni ir e Got rodad.”

Jeremiah 32:2

Ma aram e ngiyal’ ni be cham e pilung nu Babylon nga Jerusalem, ma gu bay ni kan kalbus nigeg u lan e yoror u tafen e pilung.

Jeremiah 37:21

Me yog Zedekiah ni Pilung ni nga ni loknag e garog ngog u lan e yoror u tafen e pilung, ra reb e rran ma ba yael’ e flowa ni ka ni pi’ ngog ni kan fek u tafen e lum flowa, nge mada’ ko ngiyal’ nike m’ay urngin e flowa u lan fare binaw.

Jeremiah 38:12

Me ga’ar Ebedmelek ngog, “Mu tay e pi mad nir nga tan alibem nge dabi th’abem e gaf.” Mu gu rin’ ni aram rogon,

Jeremiah 38:28

Min teg u lan fare yoror ko tafen e pilung nge mada’ ko rofen nni kol yu Jerusalem.

Jeremiah 38:6

Miyad fekeg ngar nguchruyed gag ngalan ba luwed ni fen Malkiah nib mo’on ni fak e pilung, re luwed nem e bay u lan e yoror u tafen e pilung. Ma dariy e ran u lan e re luwed nem, kemus ni rungdu’ e bay u t’ay, mu gu chur nga fithik’ e rungdu’.

Lamentations 3:58

“Somol, gur e mub mu lageg, ma ga ayweg e pogofan rog.

Acts 23:35

me ga’ar, “Bay gu rung’ag e tin ngamog ko ngiyal’ ni bayi taw e pi’in ngar togopluwgad ngom.” Ma aram me yog e thin ni ngan matnagiy Paul u tafen Herod ni Pilung.

Acts 24:27

Ma nap’an ni chuw l’agruw e duw, me yib Porkius Festus nga luwan Felix nge mang governor. Ma ba’adag Felix ni nge adag piyu Israel daken, ma aram me tay Paul ngi i par u kalbus.

Acts 28:16

Fa’an ni gu tawgad nga Roma, minog ngak Paul nrayag ni nge par u bang ni yow reb e salthaw ni matanagen.

Acts 28:30

L’agruw e duw ni par Paul u rom u ba naun ni ir e be pi’ puluwon, ma urngin e girdi’ nra yib ni nge guy ma be felfelan’ ngorad ni karbad.