Jeremiah 38:11 - Bible Ni Thothup

¹¹ Ma aram me fek Ebedmelek fapi pumo’on nge yan nga tafen e chugum u tafen e pilung nge fek boch e mad nike kaday me m’ag ko gaf nge nguchuruy ngog ngalan e luwed.

Jeremiah 38:11 Σταυροειδείς Αναφορές

Jeremiah 38:10

Me yog fare pilung ngak Ebedmelek ni nge fek dalip fapi pumo’on ni yad bay u rom ngranod ngar girngiyed gag nggu chuw u lan fare luwed ndawor gum’.

Jeremiah 38:12

Me ga’ar Ebedmelek ngog, “Mu tay e pi mad nir nga tan alibem nge dabi th’abem e gaf.” Mu gu rin’ ni aram rogon,

Jeremiah 38:6

Miyad fekeg ngar nguchruyed gag ngalan ba luwed ni fen Malkiah nib mo’on ni fak e pilung, re luwed nem e bay u lan e yoror u tafen e pilung. Ma dariy e ran u lan e re luwed nem, kemus ni rungdu’ e bay u t’ay, mu gu chur nga fithik’ e rungdu’.

Jeremiah 38:7

Machane Ebedmelek, ni be’ nu Ethiopia, nib mo’on nib tolang nma maruwel u tafen e pilung e rung’ag ni kan nguchuruyeg ngalan fare luwed. Ma ngiyal’nem e aram e bay e en ni pilung ko garog ni Benjamin fithingan ni be puf oloboch.

Joshua 6:19

Ma urngin ban’en nni ngongliy ko silber, nge gol, nge bronze, nge wasey e ngan tay ni fan ngak SOMOL, ngan tay ngalan e tamachibgil rok SOMOL.”