Jeremiah 37:3 - Bible Ni Thothup

³ Zedekiah ni Pilung e l’oeg Jehukal nib mo’on ni fak Shelemiah, nge Zefaniah ni prist nib mo’on ni fak Maaseyah nga rognew ngog ni nggu meybil ngak SOMOL ni Got romad ni pa’ e nam romad.

Jeremiah 37:3 Σταυροειδείς Αναφορές

1 Kings 13:6

Me ga’ar Jeroboam ni Pilung ngak fare profet, “Wenig ngom mu yibliyeg ngak SOMOL ni Got rom, mag wenig ngak nge golnag pa’ag!” Me meybil fare profet ngak SOMOL me gol pa’ fare pilung.

Exodus 10:17

Ere mu n’igew fan u wun’mew e denen rog e ta’yaney, mi gimew meybil ngak SOMOL ni Got romew nge chuweg e re gechig ni ubchiya’ ney rog.”

Exodus 8:28

Me ga’ar Farao, “Bay gu pagmed ngam marod mu pi’ed e maligach ngak SOMOL ni Got romed u lan e ted ni desert, ni fa’anra de palog e gin ngam marod ngay. Ere mpi’ e meybil rog.”

Exodus 8:8

Me pining fare pilung Moses nge Aron, me ga’ar, “Mu meybilgow ngak SOMOL nge chuweg e pi kayru ney, ma aram mu gu pag e girdi’ romew ngranod, nge yag nra pi’ed e maligach rorad ngak SOMOL.”

Exodus 9:28

Mmeybilgow ngak SOMOL, nge taleg e re yoko’ ney ni ba’ e dirra’ u fithik’ nge ayis nike el. Bay gu pagmed ngam marod; ndab kum pired.”

Jeremiah 15:11

SOMOL, yibil ni yad be tay e nge yib ngog ni fa’anra da ug pigpig ngom ni bfel’ rogon, nge fa’anra da ug wenignag e pi to’ogor rog ngom ko ngiyal’ ni yib e gafgow nib gel ngorad.

Jeremiah 2:27

Bay mu tamra’gad ni gimed gubin e pi’in bayi n’en me lungumed ngak ba ke gek’iy, ‘I gur e chitamag,’ ara lungumed ngak ba war, ‘I gur e chitinag.’ Bayi yodoroy ni bochan e ka mu pi’ed keru’med ngog, ma da mpig i chealgad ngam sapgad ngog. Machane fa’an bay mu gafgowgad, mi gimed wenig ngog ni nggu ayuwegmed.

Jeremiah 29:21

“SOMOL ni Gubin ma Rayag Rok, ni fare Got rok yu Israel, e ke weliy murung’agen Ahab nib mo’on ni fak Kolayah nge Zedekiah nib mo’on ni fak Maaseyah, ni yow be lifith l’ugun row ngomed u fithingan SOMOL. Be yog ni bay i pi’ row nga tan gelngin Nebukadnezzar ni Pilung nu Babylon, ni ir e bayi thang e fan rorow u puluwon owchmed.

Jeremiah 37:17

Me bingyal’ me yog Zedekiah ni Pilung ni ngan fekeg i yan ngak, me fith ngog u rom u tafen ni go’ gamow ni ga’ar, “Mog, bay bbugithin nike yib rok SOMOL?” Mu gu fulweg nug ga’ar, “Ba’, I gur e bay ni pi’em nga pa’ e pilung nu Babylon.”

Jeremiah 37:7

ngak Zedekiah, “Fa raba’ i salthaw nu Egypt e karbad ni ngar ayuweged gur, machane bay ra sulod nga taferad.

Jeremiah 38:1

I Shefatiah nib mo’on ni fak Mattan, nge Gedaliah nib mo’on ni fak Pashur, nge Jukal nib mo’on ni fak Shelamiah, nge Pashur nib mo’on ni fak Malkiah e rrung’aged ni gu be weliy ko girdi’ ni

Jeremiah 42:1

Gubin e tolang ko salthaw nib mu’un Johanan nib mo’on ni fak Kareah nge Azariah nib mo’on fak Hoshayah, e rabad e girdi’ u gubin e dodow

Jeremiah 42:20

ni gimed be ngongliy ba oloboch nib ga’. Kam ninged ngog ni ngu meybil ngak SOMOL ni Got radad ni fan ngomed, ma kam michegned ni gimed ra rin’ gubin e tin ni ta’chiylen.

Jeremiah 52:24

Nebuzaradan, ni pilungen e salthaw e ki fek Serayah ni fare Prist ni Th’abi Ga’, nge Zefaniah, ni fare prist ni ir e mmigid ngak, nge ku dalip i tolang u Tempel ngar kalbusgad.

Numbers 21:7

Me yib e girdi’ ngak Moses me lungurad, “Kug denengad ya kug nonod nib togopluw ngak SOMOL nge gur. Mu meybil nagmad ngak SOMOL nge chuweg e pi porchoyog ney romad.” Ma aram me meybil Moses ni fan ko fapi girdi’.

Acts 8:24

Me ga’ar Simon ngak Peter nge John, “Wenig ngomew, mu wenig nigew gag ngak Somol, nge dabi yib ngog reb e pin’en ni be’er ni kamognew.”

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”