Jeremiah 34:3 - Bible Ni Thothup

³ Dabyag ni ngam mil; bay ni kolem ngan pi’em nga pa’. Bay mmada’nag nge sabal owchamew ngam nnow. Ma aram e bay ni fekem nga Babylon.

Jeremiah 34:3 Σταυροειδείς Αναφορές

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Jeremiah 27:22

Bay ni fek e pin’em i yan nga Babylon nge par u rom nge mada’ ko ngiyal’ ni bay fin gu changar ngay. Ma aram e bay gu fulweg nggub gu tay ko re gin’ey. I Gag SOMOL e gu be non.”

Jeremiah 32:28

Arme nggu pi’ e re binaw ney ngak Nebukadnezzar ni Pilung nu Babylon nge salthaw rok; bay ra gelgad ngar koled,

Jeremiah 32:3

Zedekiah ni Pilung e ke kalbus nageg u rom ni be thibthib nageg ni gu be weliy nike yog SOMOL ni be ga’ar, “I gag e bay gu pag e pilung nu Babylon nge kol e re binaw ney,

Jeremiah 32:4

ma Zedekiah ni Pilung e dabyag ni nge thay nge mil. Bay ni fek ngan pi’ ko pilung nu Babylon; ngari sabal owcharow nge non ngak.

Jeremiah 34:21

Ku bay gu pi’ Zedekiah ni Pilung nu Judah nge pi tolang ko salthaw rok nga pa’ e pi’in yad be finey ni ngar thanged e fan rorad. Bay gu pi’rad nga pa’ fa raba’ i salthaw nu Babylon, ni fa’an kar talegned e cham ngom.

Jeremiah 34:4

Zedekiah, motoyil ko n’en ni gu be yog u murung’agem. Dab ni li’em ngamum’ u fithik’ e mael.

Jeremiah 37:17

Me bingyal’ me yog Zedekiah ni Pilung ni ngan fekeg i yan ngak, me fith ngog u rom u tafen ni go’ gamow ni ga’ar, “Mog, bay bbugithin nike yib rok SOMOL?” Mu gu fulweg nug ga’ar, “Ba’, I gur e bay ni pi’em nga pa’ e pilung nu Babylon.”

Jeremiah 38:18

Machane fa’anra dab mu pi’em nga pa’rad, ma aram e bay ni pi’ e re binaw ney nga pa’ piyu Babylon ngar urfiyed ma dabiyag ni ngam mil rorad.”

Jeremiah 38:23

Mug ga’ar ngak, “Urngin e ppin rom nge bitir rom e bay ni fekrad i yan ngak piyu Babylon, me gur e dabiyag ni ga ra mil rorad. Bayi fekem fare pilung nu Babylon ni kam mang kalbus rok, ma re binaw ney e bay ni urfiy.”

Ezekiel 12:13

Machane bay gu pithig radan e nug rog nge aw ngay. Ma aram e bay gu fek ko fare binaw nu Babylon, ko gin bayi yim’ riy ni dabi guy e re binaw nem nga owchen.

Ezekiel 17:15

Machane fare pilung nu Judah e togopluw me pi e damit nge yan nga Egypt ngar feked e os nge barba’ i salthaw nib ga’. Gur, rayag rok? Ma gur rayag ni thay ni dab ni kol ko binem? Dabyag ni nge th’ab fare tha’ me par ni dab ni gechignag.

Ezekiel 17:16

Me ga’ar SOMOL ni Th’abi Tolang, “Bod feni bmich ni Gag Got ni gu be par ni gub fos. Ra yim’ e re pilung ney nu Judah u lan yu Babylon ni bochan e ke th’ab fare michmich nge fare tha’ nra m’agew e pilung nu Babylon, ir e tay ni nge mang pilung.

Ezekiel 21:25

“I gur e re tagagiyeg nu Israel ni kireb nir, birom e rran, ni rran ko yay ntomur e gechig rom, e ke yib.