Jeremiah 32:9 - Bible Ni Thothup

⁹ Gu chuw’iy fagi flang rok Hanamel mu gu thabthabilnag e salpiy ni nge yan ngak; me m’ug puluwon ni ragag nge medlip yang e silber.

Jeremiah 32:9 Σταυροειδείς Αναφορές

Genesis 24:22

Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.

Genesis 37:28

Ma fa’ani yib bogi ni’ ntachuway’ ni kanog e Midianite ngorad, miyad girengiy Josef u lan fare low ngalang ngar pi’ed nchuway’ ngak fapi girdi’ ni kanog e Ishmaelite ngorad, mi ni pi’ reliw’ yang i silber ngorad ni puluwon, miyad fek Josef nga Egypt.

1 Kings 20:39

Ma nap’an ni be yib fare pilung ni nge yan, me pong fare profet me ga’ar ngak, “Gur e en ni Pilung, gu be cham u fithik’ fare mael me fek ba salthaw ba to’ogor i yib ngog nike kol me ga’ar, ‘Mmatanagiy e re mo’on ney; fa’anra thay ni mil, ma gra pi’ puluwon ni birom e pogofan fa mu pi’ puluwon ni 3,000 yang e silber.’

Nehemiah 5:15

Gubin e pi’in ur governor gad ni yad ba m’on rog e ur tomal niged e girdi’, ya ur feked e ggan nge wayin ko girdi’ ma yad be yog nra reb e rran ma nge pi’ e girdi’ aningeg i ragag e silber ni salpiy. Mus ngak e pi tagpigpig rorad mu’ur gafgow niged e girdi’. Machane gag e ba thil e ngongol rog, ni bochan e ug tayfan Got.

Ester 3:9

Fa’anra ba m’agan’um ngay i gur Pilung ma ga ngongliy ba motochiyel ni ngan thang e pogofan rorad. Fa’an ga ra rin’, ma gu be micheg ngom ni gu ra pi’ 375 e ton e silber ngom ni ngam tay ko chubgil ko pilung ni ngan maruwel ngay u lan gil’ilungum.”

Exodus 21:32

Fa’anra rugoy fare garbaw ni pumo’on e gagey rok ngak ba sib ni pumo’on ara bpin, ma en ni fak fare garbaw e nge pi’ puluwon ngak e en sib rok facha’ ni guyey e salpiy ni silber, ma fare garbaw ni pumo’on e yira malangnag nge yim’.

Isaiah 55:2

Mang ni kam n’iged e salpiy ko n’en ni dab mu fosgad ngay? Mang ni ka mu wereged puluwmed kem’ay ma dawor mu fosgad? Mu telmed ngog mi gimed rin’ e tin nggog, me yag ngomed e tin th’abi fel’ e ggan.

Ezekiel 4:10

Kemus ni meruk ounces ko flowa e yira pi’ ngom u reb e rran, ni ngam thap riy nga reb e rran.

Hosea 3:2

Ere ragag nge lal e salpiy ni silber nge medlip e dabiy e barley ni gu pi’ nggu chuw’iy fare pin ngay.