Jeremiah 32:17 - Bible Ni Thothup

¹⁷ “SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 32:17 Σταυροειδείς Αναφορές

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

2 Kings 19:15

me meybil ni ga’ar, “SOMOL, ni Got rok yu Israel, ni ga bay u tagil’im ngalang ko kerubim, kemus ni gur e Got ni ga be gagiyegnag urngin e nam nu fayleng. Gur e mu sunumeg e fayleng nge tharmiy.

2 Kings 3:18

Miki ul ul’ Elisa ngay me ga’ar, “Machane ran’ey e rib mom ngak SOMOL ni nge rin’; ma ku bayi ta’med ngam gelgad ngak e pi Moab.

Nehemiah 9:6

Miyad meybil ni aray rogon, “Gur SOMOL, e kemus ni gur e SOMOL; gur e mu sunumiy lanelang nge pi t’uf ni bay u lanelang. Gur e mu sunumiy e but’ nge day nge urngin ban’en ni bay riy; me gur e mpi’ e yafos ko gubin ban’en; pi engel nu tharmiy e yad ma siro’ ngom ma yad ma liyor ngom.

BABYOR NI JOB 42:2

SOMOL, gu manang ni gubin mrayag rom; ni gubin e tin ga ra finey mrayag rom ni ngam rin’.

Psalms 102:25

Kakrom ma ga sunmiy e fayleng, ma pi tharmiy e mu ngongliy nga pa’am.

Psalms 136:12

nga rifrifen pa’ nib gel’, nge pa’ nib gel gelngin; t’ufeg rok e ba manemus.

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Isaiah 42:5

Got e sunumiy lanelang me filath; me sunumeg e fayleng nge urngin e tin nib fos ni bay riy; me pi’ e yafos nge pogofan ngak urngin e girdi’ riy. Ma chiney e SOMOL ni Got e be ga’ar ngak e tapigpig rok,

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 59:1

Dab mu leamnag ni SOMOL e kaygi me’waer ni nge aywegnem fa kari bling ni nde rung’ag lamam ni ga be ning e ayuw!

Jeremiah 1:6

Ma aram me lungug, “SOMOL ni Th’abi Tolang, da gu nang rogon e welthin; ya kayigi gel fanag bitir.”

Jeremiah 14:13

Ma aram me lungug, “SOMOL ni Th’abi Tolang, ga manang ni be weliy e pi profet ngak e girdi’ ni dabki yib e mael ara uyongol, ya ke lungurad kamog ni kemus ni gapas e bayi par u daken e nam romad.”

Jeremiah 21:2

“Wenig ngom mu non ngak SOMOL ni pa’mad, ni bochan Nebukadnezzar ni Pilung nu Babylon nge salthaw rok ni ka ra m’aged e mael ko binaw romad. Sana bayi fal’eg SOMOL reb fapi maang’ang ni fan ngomad, nge yag ni pagmad Nebukadnezzar.”

Jeremiah 27:5

“Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

Jeremiah 32:27

“I Gag fare SOMOL, ni Got ko gubin mit e girdi’. Dariy ban’en nib mom’aw ngog.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Jeremiah 4:10

Ma aram mug ga’ar, “SOMOL, ni Th’abi Tolang, karim bannag e girdi’ nu Jerusalem! Ya mog ni gapas e nge yib, ma saydon e kan tay nga k’anganrad.”

Jeremiah 51:15

I SOMOL e ngongliy e fayleng nga gelngin; ni gonop rok e sunmiy e fayleng ngay me filath e pi tharmiy.

Jeremiah 51:19

Fare Got rok Jakob e de bodrad; ya ir e sunmiy urngin ban’en, ma ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Ezekiel 11:13

Kangiyal’ i n’em ni gu be yi’iy, me thig Pelatiah nga but’ nike yim’. Mug paraw nga but’ nggu an owcheg nga daken e but’ nggu tolul ni lingug, “ SOMOL ni Th’abi Tolang, danga’! Mog ngam li’ urngin e girdi’ nike magach u Israel?”

Ezekiel 9:8

Yigo’ gag ni gu bay u rom ko ngiyal’ ni yibe thang e pogofan ko girdi’. Mug pageg nga but’ ni kug an owcheg nga daken e but’ ma gu tolul ni lungug, “ SOMOL ni Th’abi tolang, kari er feni gel e damumuw rom ngak yu Jerusalem ni ngam thang e pogofan rok gubin e girdi’ ni kar magachgad u lan yu Israel?”

Daniel 2:22

Ma yib i dag e pin’en nib to’ar mab mith, ma manang e n’en ni be par u fithik’ e lumor nib mith; ya ir e be par u fithik’ e tamilang.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,

Zekariah 8:6

“Ran’ey e sana ra leamnag e pi’in ni magach ko fare nam ni dabiyag, machane dariy ban’en ndabi yag rog.

Numbers 11:23

Me fulweg SOMOL ni ga’ar, “Gur bay ban’en ndabiyag rog? Daba’ e bay mu guy ko ra yib i m’ug nib riyul’ e tin kugog ngom fa dangay!”

Matthew 19:26

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e urngin ban’en mrayag rok.”

Mark 10:27

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e rayag rok; ya Got e gubin ban’en mrayag rok.”

Luke 1:37

Ya dariy ban’en ndabiyag rok Got.”

Luke 18:27

Me fulweg Jesus ni ga’ar, “N’en ndabiyag rok e girdi’ e rayag rok Got.”

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

Acts 17:24

I Got ni ir e sunumiy e fayleng nge urngin ban’en ni bay riy, e ir e Somol u tharmiy ngu but’, ma der ma par u lan e Tempel ni girdi’ e toy.

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”