Jeremiah 31:4 - Bible Ni Thothup

⁴ Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

Jeremiah 31:4 Σταυροειδείς Αναφορές

2 Kings 19:21

ni be ga’ar SOMOL, “Binaw nu Jerusalem e be minmin ngom i gur Sennakerib, ma be moning ngom.

Psalms 149:3

Mu churu’gad ni gimed be pining e sorok nga fithingan; mi gimed chubeg e drum nge harp ni gimed be pining e sorok ngak.

Psalms 30:11

Ka mu pilyeg e kirban’ rog kemang ba churu’ ni felfelan; ka mu chuweg e gafgow’an rog, ma ka mu longbiyeg ko felfelan’.

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Psalms 69:35

Bayi chuweg yu Zion u pa’ e pi to’ogor rok, me ngongliy rogon e binaw nu Judah bayay, girdi’ rok e bay ra pired u rom ngar tafned fare binaw.

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 30:32

Nap’an ni be gad SOMOL pa’ ngorad bayay nge bayay, ma girdi’ rok e yad be mosiknag ko drum nge harp. Got e racham nib togopluw ngak piyu Assyria.

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Jeremiah 1:10

Daba’ e ku gu pi’ gelngim ni ngam gel ko pi nam nge yungi ban’en nra reb e pilung ma be gagyegnag bang, ni ngam pug ngalang ma ga buthug, ma ga kirebnag ma ga chuweg, ma ga ubung ma ga yung.”

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 18:13

Me ga’ar SOMOL, “Mu fithed urngin e nam ko bay reb e nam ni ka’a yigi yodoro’ fa dariy. Piyu Israel e rib kireb e n’en ni kar ngongliyed!

Jeremiah 24:6

Bay ug guyrad ma bay gu fulwegrad ko re but’ ney. Bay gu ubungirad ngalang ma dab gu buthugrad nga but’; gu ra yungrad ma dab gu pugrad.

Jeremiah 31:13

Ma pi’in nrugod e bay ur churu’ gad ni kar felfelan’ gad, ma pumo’on, ni tin nib pagel nge tin ke pilibthir, e bay ra felfelan’ gad. Bay gu fal’eg lanin’rad mu gu pingeg e meyor ni yad be tay nge ngal’ ni felfelan’, ma kireban’ ni yad be tay e bay gu pingeg ko felfelan’.

Jeremiah 31:21

Mu reg yungi plang u kanawo’ nge par ni pow ko kanawo’; ma ga sul ngam gay fare kanawo’ ni ka mu pag. Gimed e girdi’ nu Israel, e ngam sulod, mu sulod ko fapi binaw ni kam paged.

Jeremiah 31:38

Be ga’ar SOMOL, “Bayi taw nga bangiyal’ min ngongliy rogon fare binaw ni polo’ ni fan ngog, ni ngan tabab ko fare wulyang nu Hananel ni bay ko ngal ko fare garog ni Garog ko Tabthung fithingan.

Jeremiah 33:7

Bay gu gagiyegnag yu Judah nge yu Israel nge fel’ rograd, ma bay gu fal’eg taferad nge bod ko som’on.

Jeremiah 46:11

Gimed e girdi’ nu Egypt, marod nga Gilead ngam gayed e falay! Gubin e falay romed ni keyib i m’ug ni dariy angin; dariy ban’en nrayag ni nge gol nagem.

Lamentations 1:15

“I Somol e ke minmin ko urngin e salthaw rog ni yad ba chacheag; Ma ke pi’ barba’ i salthaw ni ngar li’ed e pumo’on ni bfel’ yangren rog. Ke pirdi’iy e girdi’ rog ni bod e grape ni yima udiy ni ngan fek l’ogwen.

Lamentations 2:13

Ah Jerusalem, gur nri gab t’uf, mang e ku rayag ni nggog? Urogon ni nggu faleg’ lanin’um? Dariy be’ ni ka’ayib ba gafgow ngak ni bod e biney. Ya gafgow rom e ba to’ar ni bod lan e regur; ke math e liyab ngom.

Amos 5:2

Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Luke 15:23

Me ere mfeked i yib e bin th’abi fel’ e pifak e garbaw ngam li’ed, ngad madnomgad!

Acts 15:16

‘I ga’ar Somol: Tomuren e biney e bay gu sul, nggu toy e naun rok David nike puth; ma tin nike kireb riy e bay gu fulweg ngarogon mu ku gu toy bayay.

Judges 11:34

Nap’an ni sul Jefthah nga tafen u Mizpah, me yib be’ ni bpin ni fak nga wean ni nge mada’nag, ni be churu’ ma be chubeg e tambourine. Chipin nem e karimus fak aram.