Jeremiah 31:3 - Bible Ni Thothup

³ mu gu par u palog nggu m’ug ngorad. Gimed e girdi’ nu Israel, gubin ngiyal’ ni ug par ni gimed ba t’uf rog, ere bay ug par ni gu be dag ngomed e t’ufeg rog ni dabimus.

Jeremiah 31:3 Σταυροειδείς Αναφορές

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Psalms 25:6

SOMOL, gu leamnag fanam gol nge rogon fare t’ufeg rom ni dabimus ni kam dag ni kab kakrom i yib.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Isaiah 43:4

Gu ra tay bogi nam ni polo’ nga luwam ni fan e nggu ayuweg e pogofan rom, ya ri gab fel’ u wun’ug ma bochan e ri ga ba t’uf rog rog ma aram e gu be gagiyeg nagem ngu’un tay fam.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Isaiah 49:14

Machane girdi’ nu Jerusalem e lungurad, “I SOMOL e ke n’agdad! Ke pag taldad.”

Hosea 11:1

Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Hosea 11:4

U fithik’ e runguy nge t’ufeg rog miyad chuchugur ngog. Gu chibiyrad ngalang nggu faray owcharad; gu lumel nga but’ nggu duruw’iyrad.

Malaki 1:2

Be ga’ar SOMOL, “Gubin ngiyal ni gimed bt’uf rog.” Miyad fulweg nra ga’ar gad, “U rogon ni kam dag ngomad ni gamad bt’uf rom?” Me fulweg SOMOL ni ga’ar, “I Esau nge Jakob e ruw i walag ni pumo’on, machane ba t’uf Jakob rog nge pi’in owchen,

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 9:13

Ni bod ni be yog e babyor nib thothup ni be ga’ar, “Ba t’uf rog Jakob, machane kug fanenikay Esau.”

Deuteronomy 10:15

Machane feni t’uf e pi chitamangimed rok SOMOL, ma aram me mel’egmed u fithik’ gubin e girdi’, ke par riy ni aram rogon ni gimed e girdi’ rok.

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

Deuteronomy 4:37

Ba t’uf pi chitamangimed rok me mel’eg e pi’in ni owcherad u fithik’ e girdi’ ni nge mang e tirok e girdi’, ma gelngin nrib gel e maruwel ngay nge fekmed nga wuru’ yu Egypt,

2 Timothy 1:9

Ke thapegdad ngak ma ke piningdad ni ngad manged girdi’en, ni gathi bochan e tin ni bfel’ ban’en ni kad ngongliyed, machane bochan e tin ke leamnag nge runguy rok ngodad. I runguydad u daken Kristus Jesus u m’on ndawori sunumiy e fayleng riy,

James 1:18

Mi ir e turguy u wan’ ni nge fakaydad u daken e thin rok nib riyul’, ni bochan e ngad pired ni gadad bm’on u fithik’ urngin e tin ni sunumiy ban’en ni tin ni bay e pogofan rok.

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

1 John 4:19

Ba t’uf Got rodad nge girdi’ ni bochan e Got e som’on ni at’ufegdad.