Jeremiah 3:18 - Bible Ni Thothup

¹⁸ Bayi un Israel ngak Judah, ngar ta’reb gow, ngarbow ko lel’och ngar sulow ko fare binaw ni gu pi’ ngak e pi chitamangimed kakrom ni nge par ni tafara.”

Jeremiah 3:18 Σταυροειδείς Αναφορές

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Jeremiah 16:15

N’en ni bay rin’ed, e bay ur mow gad nga fithingag ni fare Got nib fos ni fek e girdi nu Israel nga wuru’ ba nam ko lel’och nge nga wuru’ gubin e nam ni gu werweregrad riy. Bay gu fulwegrad ko nam rorad, ni fare binaw ni gu pi’ ko pi chitamangirad. I gag SOMOL e gu be non.”

Jeremiah 23:8

Machane bay ra mow niged ban’en nga fithingag ni gag fare Got ni gu be par ni gub fos ni gag e gu fek e girdi’ nu Israel nga wuru’ e nam ni bay ko lel’och, nge nga wuru’ e pi nam ni gu weregrad riy i yan. Ma aram e bay ra pired ko nam rorad.”

Jeremiah 3:12

I yog ngog ni nggu wan gga’ar ngak Israel, “Israel, ni dariy e yul’yul rom, mu sul ngog. Ya gag e gub marnguy ma dab gu par ni gub damumuw; dabi par e damumuw rog ngom ndariy n’umngin nap’an.

Jeremiah 30:3

ya bay ba ngiyal’ ni bayi taw ngay ni nggu fulweg e girdi’ rog ni piyu Israel ngu Judah. Bay gu fulwegrad ko fare but’ ni gu pi’ ngak e pi chitamangirad kakrom, ma bay i milfan ngorad bayay. I Gag SOMOL e gu be non.”

Jeremiah 31:8

Bay gu fekrad u lel’och ngaray, mu gu kunuyrad u tungun e fayleng i yib. Pi’in malmit nge pi’in mugutgut e bay ra uned ngorad ngarbad, nge ppin diyen nge tin ke chugur ni ngar gargel gad. Bay ra sulod ni kar manged ba nam ni ba ga’.

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Jeremiah 50:4

I SOMOL e be ga’ar, “Nap’an nra taw ko ngiyal’nem, ma girdi’ ko galyang i n’em nu Israel ngu Judah e bay ra sulod ni yad be yor ni yad be changar nigeg, ni Gag e Got rorad.

Jeremiah 50:5

Bay rabad ra fithed e wo’ nga Zion mranod ko re wo’ nem. Miyad ngogliy ba m’ag u thilmad ni manemus ni dariy bi’id ni yad ra th’ab.

Jeremiah 7:7

Fa’anra mu thil gad, ma aram e gu ra taymed ngu’um pired u daken e re nam ney ni gu pi’ ngak pi chitamangimed ni kakrom ni ngi i par ni taferad.

Ezekiel 11:17

“Ere mog ngorad e n’en ni gu be yog, I gag SOMOL ni Th’abi Tolang. Bay gu kunkunuyrad ko pi nam ni gu weregrad riy, nggu fulwegrad bayay ko fare binaw nu Israel.

Hosea 1:11

Piyu Judah nge piyu Israel e bay ku ra pethgad ngar ta’rebgad bayay. Ma bay ra duwgiliyed ta’abe’ nge par ni pilung rorad, ma bay ra yo’orgad bayay me fel’ rogorad. Aram rogon e re rran ni ba’aram ni rran rok Jezreel.

Hosea 11:12

SOMOL e ga’ar, “Girdi’ nu Israel e kar liyegned gag ko felfel’ llugun nge ban, ma girdi’ nu Judah e ki yad be togopluw ngog, ni Gag fare Got nib yul’yul’ ma ba thothup.

Hosea 2:2

Pifakag, mu weniggad ngak e chitiningimed, ni yugu aray rogon ni gathi ku ir le’engig ma gathi ku gag figirngin. Mu weniggad ngak nge tal ndabki yan nga figirngin be’ ma dabki i pi’ ir ni chuway’.

Amos 9:15

Bay gu yung e girdi’ rog nga daken e re nam ni kug pi’ ngorad, ma dab kun pugrad ngalang bayay.” I SOMOL ni Got romed e keyog e pi thin ney.

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

Zekariah 2:6

I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.