Jeremiah 3:17 - Bible Ni Thothup

¹⁷ Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Jeremiah 3:17 Σταυροειδείς Αναφορές

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

1 Kings 8:41

“Mra par be’ u ba nam nib orel ni yugu be’ u bang me rung’ag murung’agem nga feni sorom, nge pi maang’ang ni kam rin’ ni fan ngak e girdi’ rom, me yib ni nge liyor ngom me yib ko re Tempel ney ni nge meybil,

Psalms 102:23

I SOMOL e ke me’waer nigeg ni kugub bitir; ke ngochnag e yafos rog.

Psalms 78:8

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Psalms 87:3

Binaw rok Got, mu telim ko pin’en ni bfel’ nike yog ni murung’agem nike ga’ar:

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Isaiah 59:19

Fanangmus ko ngak nge mada’ ko ngal ni gubin e girdi’ riy ni bayi rus ngak nga feni gel gelngin. Bay yib ni bod ba lul’ ni be gireng e ran riy, ma bod bang i nifeng nib almarin.

Isaiah 6:1

Re duw i n’en ni yim’ Uzziah ni Pilung e gag Isaiah e gguy SOMOL nike par nga tagil’ nib tolang ngalang, ma thal ni wuru’ e mad rok e ke sugnag lan e Tempel.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Isaiah 66:20

Bay ra fulweged gubin e girdi’ romed ko fapi nam nib tow’ath ngog. Bay ni fekrad i yib ko burey rog u Jerusalem nib thothup, u daken e os, nge mule nge kamel ngu chariot nge wagon, nri bod rogon yu Israel ni yad ma fek e grain ni maligach i yib nga Tempel ni bay u lan tafen ni kani bangbengnag ke be’ech.

Jeremiah 11:8

Machane dar motoyilgad ma dar folgad. Ya ra be’ ma ka be pi’ nga daken feni gelan’ nga feni kireb. Kugog ngorad ni ngar folgad ko fare m’ag, machane dubrad. Ma aram mu gu fek nga dakenrad urngin e gechig nni weliy u lan fare m’ag.”

Jeremiah 12:15

Machane tomuren ni ku gu chuwegrad, mra yib e runguy rog nga dakenrad; mug fulwegrad ni reb e nam nge reb ko but’ rok nge binaw rok.

Jeremiah 12:16

Fa’anra m’ag u lanin’rad e taliw ko tirog e girdi’ ma yad ra micheg nga fithingag ni ngar ga’argad, ‘Bod rogon SOMOL ni be par nib fos’ — ni bod ni ka’ar filed ngak e girdi’ rog ni ngu’ur mowgad nga fithingan Baal — ma aram e bay ku ra manged boch e girdi’ rog nge fel’ rograd.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Jeremiah 16:12

Machane kireb ni ka mu rin’ed e ke thum’ ngaru’ ko tin i rin’ e pi chitamangimed. Gimed gubin nib gelan’med ma ba kireb e leam romed, ma damur folgad rog.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 17:12

Tempel romad e bod ba tagil’ e pilung nib sorok nib suwon u daken bburey nib tolang ni ka nap’an tobolngin e fayleng.

Jeremiah 18:12

Ma bay ra fulweged ni lungurad, ‘Danga’! Mangfan ni nggu rin’ed ni er rogon? Gamad gubin ni bay gu pi’ed nga daken ngu’ug pired nib gel lanin’mad ma gamad be rin’ e kireb nrogon ni gamad ba’adag.’”

Jeremiah 3:19

Be ga’ar SOMOL, “Israel, gu ba’adag ni nggu tem u lanin’ug ni fakag gur mu gu pi’ e binaw ngom nib manigil, ni aram e gin th’abi fel’ ya’an u ga’ngin yang u fayleng. Gu ba’adag ni ngam pining e matam ngog ma dab ku mu pi’ keru’um ngog bi’id.

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Jeremiah 7:24

Machane der folgad ara rtayan’rad ko tin kugog. Miyad thiliyeg ngu’ur rin’ed e tin be yog e gelan’ rorad ngorad nge leam rorad ni kireb, ma aram ma ra piggad ngari gel e kireb rorad.

Jeremiah 9:14

Ya ra gel niged lanin’rad ngu’ur meybilgad ngak fapi liyos ni fan ngak fare liyos ni Baal, ni bod rogon nike fil pi chitamangirad ngorad ni ngu’ur rin’ed.

Ezekiel 1:26

Ma puluwon fare n’em ni bod ya’an ba th’ib ni kani polpoluy ngalang e bay tagil’ be’ riy nni ngongliy nga bmit e malang ni bfel’ ya’an ma ba t’uf ni sapphire fithingan, ma en nike par ngay e bod ya’an ba girdi’.

Ezekiel 43:7

“Fak e girdi’, irera’ tagl’ig. Bay gu par u roy u fithik’ e girdi’ nu Israel nggu gagiyeg nagrad ni manemus. Dakriy reb e girdi’ nu Israel fa reb e pilung rorad ni ku ra m’ay nag fan fithingag nib thothup ngi i tayfan yug boch e got ara malang ko yam’ rok fapi pilung rorad nike yim’.

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Zekariah 8:8

bay gu fulwegrad u lan e ngek nge lan e ngal ngar pired u lan yu Jerusalem. Bay ra manged pi girdi’eg, ma bay gumang Got rorad, mug gagiyeg nagrad u fithik’ e yul’yul’ nge mat’aw.

Numbers 15:39

Pi matharthar ney e nge mang puguran ngomed, ya nge gubin ngiyal’ ni gimed ra guy me yib ngan’med urngin e tin kugog ni ngu’um folgad riy; nge dab mu pi’ed keru’med ngog ngam leked fiti lanin’med nge tin kam mm’ad ni bochan.

Roma 1:21

Yad manang Got, machane darir ted fan nrogon ni ngan tayfan, ma darir pininged e magaer ngak. Ma tin ndariyfan e yad be leamnag ma lanin’rad ndariy ban’en riy e be par u fithik’ e lumor.

Roma 6:14

Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Galatia 4:26

Machane bin bay u tharmiy e Jerusalem e gathi ir reb e sib, me ir e chitiningdad.

Deuteronomy 29:29

“Bay boch ban’en nike tay SOMOL ni Got rodad nib mith rorad; machane ke dag ngodad e Motochiyel rok ni gadad nge pi’in owchedad e ngad folgad riy ni manemus.

Judges 2:19

Ma yug nap’an nra yim’ e en i gafaliyrad, me sul fa pi girdi’ nga panginrad ngar ngongolgad nib gel e kireb riy ko bin ke thumur e mfen. Miyad pigpig ma yad be tayfan yug boch e got, miyad pi’ nga daken ngu’ur rin’ed e kireb.