Jeremiah 28:4 - Bible Ni Thothup

⁴ Bay ku gu fulweg e pilung nu Judah, i Jehoyakin nib mo’on ni fak Jehoyakim, nib mu’un urngin e girdi’ nu Judah ngay nfekrad nga Babylon. Rriyul, ni gag e bay gu kirebnag gelngin e pilung nu Babylon. I Gag SOMOL e gu be non.”

Jeremiah 28:4 Σταυροειδείς Αναφορές

Genesis 27:40

Saydon rom e bayi pi’ e ggan ngom, ma bay mu par ni gur e tapigpig rok walagem. Machane ga ra togopluw ngak, ma ga par ndabki gagiyeg nigem.”

2 Kings 24:14

Me fek Nebukadnezzar e girdi’ nu Jerusalem ko nam rok ni kar manged kalbus, nge urngin e pi tolang ni yad bay u tan pa’ Jehoyakin, nge urngin e pi’in yad ma yog e thin, ni yad 10,000 u gubin. Miki fek urngin e girdi’ ni yad ba salap ko maruwel, nge girdi’ ni yad ba salap ko mongongol wasey, kemus ni girdi’ nib th’abi gafgow e pagrad ngar pired u Judah.

Isaiah 9:4

Ya ka mu t’ar fare mat’ ni ur gafgowgad u tanggin, nge fare ley i gul ni un tay nga daken porad. I gur e kamgel ngak fare nam ni i gafgownag ma be fek ban’en rok e tirom e girdi’, ni bod rogom ni mu gel ngak e salthaw nu Midian kakrom.

Jeremiah 13:19

Yochi binaw u ba’ ni yimuch yu Judah e ka ni m’ag e mael ngorad; ni deryag ni nge thap be’ ngorad. Gubin e girdi’ nu Judah ma ka ni fekrad nga wuru’ e nam ni kalbus.”

Jeremiah 2:20

I SOMOL ni Th abi Tolang e ga’ar, “Israel, ka ba kakrom ni mu n’ag e thin rog; ma ga siyeg ni ngam folwok rog ara mu liyor ngog. U daken urngin e burey nib tolang ngu tan urngin e yu ke gek’iy e u mu tay fan riy bogi got ko yong’ol.

Jeremiah 22:10

Gimed e girdi’ nu Judah, dab mu yor niged i Josiah ni Pilung; ma dab mu mowaw niged e yam’ nike tay. Machane mu yor niged Joahaz nib mo’on ni fak nib almarin; bay nfeked ni dab ku ni fulweg, ni dabki guy bi’id e re nam nni gargaleg riy.

Jeremiah 22:24

I SOMOL e ga’ar ngak Jehoyakin ni Pilung nib mo’on ni fak Jehoyakim ni Pilung nu Judah, “Rogon ni Gag fare SOMOL ni gu ma par nib fos, ni mus ni fa’anra gur fare luwaw ni bay e hung riy u ba’ ni mat’aw i pa’ag, ma gu ra buch’oyem u pa’ag

Jeremiah 24:1

I SOMOL e dag ngog l’agruw dug e fig ni bay u mit e Tempel. (Ren’ey e tomuren nike fek Nebukadnezzar nu Babylon Jehoyakin ni Pilung nu Judah, ni fak Jehoyakim nga Babylon, ni fek nib kalbus u Jerusalem nga Babylon, nib mu’un e tayugang’ nu Judah ngay, nge pi’in ba salap i thir ya’an ban’en, nge pi’in ba salap ko maruwel.)

Jeremiah 24:5

“I Gag SOMOL, ni Got rok yu Israel, girdi’ nu Judah ni ka ni fekrad nga Babylon e yad bod fa tinef e fig ni bfel’, ma bay gu aywegrad ni bfel’ rogon.

Jeremiah 27:8

“Machane fa’ara bay reb e nam ara reb e lungun dabi fol ko motochiyel rok, ma aram e bay gu gechignag e ra nam nem ko mael, nge uyngol nge liliy nge taw ko ngilan’ ni nggu pag Nebukadnezzar nge thirif u but’.

Jeremiah 28:10

Ma aram me fek Hananiah fare mat u pog, nge tet’ar nge yochyang,

Jeremiah 28:2

ni SOMOL ni Gubin ma Rayag Rok, ni Got nu Israel, e ke ga’ar: “Kug kirebnag gelngin e pilung nu Babylon.

Jeremiah 29:1

Gu yoloy e babyor ni nge yan ngak e pi prist, nge pi profet, nge pi’in yad ma gagiyegnag e girdi’, nge urngin e pi’in ni fekrad Nebukadnezzar ni yad ba kalbus u Jerusalem nga Babylon.

Jeremiah 29:2

Gu yoloy e re gi babyor ney u tomuren ni kan fek i Jehoyakin ni Pilung nga kalbus, nge chitiningin, nge pi tolang u tafen e pilung, nge pi’in yad ma gagiyeg u Judah ngu Jerusalem, nge pi’in yad ba salap i ker ya’an bogi ban’en, nge pi’in yad ba salap ko maruwel.

Jeremiah 30:8

I SOMOL ni Gubin ma Rayag Rok e be ga’ar, “Ra taw ko rofen nem, ma bay gu t’ar fare mat’ ni bay u belel’gunrad mu gu chuweg e chen rorad, ma aram bay dab ku ra pired ni yad e sib ko girdi’ nu bang.

Levitikus 26:13

I Gag SOMOL ni Got romed e kug fekmed nga wuru’ yu Egypt ni bochan e nge dabkum pired ni gimed e sib. Kug kirebnag e re gelngin ni ba’aram ni michigiymed u but’, kug ta’med kam marod ni kam puged owchemed ngalang.”

Nahum 1:13

Ma chiney e bay gu taleg gelngin yu Assyria u dakenmed mug th’ab e pi chen nikan michgiymed ngay.