Jeremiah 28:13 - Bible Ni Thothup

¹³ mman ngam ga’ar ngak Hananiah: “I SOMOL e be yog ni gur e gomang e rayag ni ngam t’ar e mat’ ni ren, machane ir bayi yonlon nga reb e mat’ ni wasay.

Jeremiah 28:13 Σταυροειδείς Αναφορές

2 Kronicles 10:11

Mog ngorad ni ngam ga’ar, ‘Chitamag e pi’ e maruwel ngomed nib gel; ma maruwel ni gu ra pi’ e kabgel boch ngay. I toymed ko dimow, me gag e bay gu pirdi’iymed ko dimow ni fen e garbaw ni pumo’on!’”

Psalms 107:16

Ma t’ar e mab nga but’ nni ngongliy ko wasey ni bronze, me t’ar nga but’ yuley i wasey.

Psalms 149:8

miyad michigiy e pi pilung rorad ko chen, nge pi’in yad ma yog e thin rorad ko chen ni wasey;

Isaiah 45:2

“I gag e bay gu fal’eg rogon e kanawo’ rom, bay gu pacheg e pi burey nge yochi burey. Mab ko pi garog ni wasey ni bronze e bay gu t’ar, mu gu th’ab e yu ley i wasey ni bay riy.

Jeremiah 27:15

I SOMOL ma keyog ni gathi ir e ke l’oegrad ni ngarbad ma yad be ban niged gimed u fithingan. Ere bayi tulufmed ngam chuwgad, ma bay ni thang e fan romed, ni gimed nge pi profet ni yad be ban niged gimed.”

Jeremiah 27:2

ni nggu ngongliy ba mat’ ni ren ma yuyil’ i keru’ e gamanman e ir e nggu m’ag ngay nggu tay nga pog.

Lamentations 1:14

“Ke fek babyoren urngin e denen rog ke m’ag nga ta’bang; Ke the’ nga bilel’ugnag, ni tomalngin e rib tomal nike m’aynag gelngig. I Somol e ke pi’eg nga pa’ e pi to’ogor rog, ni dariy gelngig u pulowrad.

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Ezekiel 30:18

Bayi aw e lumor nga daken Tahpanhes u nap’an ni gu ra kirebnag gelngin yu Egypt mu gu m’aynag gelnginrad ni ri yad ba uf ngay. Ra upnguy bang i manileng daken yu Egypt; ma gubin e girdi’ u lan e pi binaw riy e bay ni fekrad ni kalbus.

Deuteronomy 28:48

Aram fan ni bay mu pigpiggad ngak e to’ogor romed ni bayi pi’rad SOMOL ngar togopluwgad ngomed. Bay yib e bilig nge balel ngomed, ma bay mu pired u tamilang ndariy e mad u dakenmed — urngin ban’en mri bayi t’uf romed. Bayi gafgow nagmed SOMOL nib gel ngarim bilged t’ay e gafgow.