Jeremiah 27:9 - Bible Ni Thothup

⁹ Dab mu motoyilgad ngak e profet ara be’ ni be yog ni manang ko mang e bay nga m’on, ni demturug ko lik’ay ara ngan pining e thagith ko yam’ fa pig. Yad urngin ni bay rogned ngomed ni dab mu folgad ko n’en ni be yog e pilung nu Babylon.

Jeremiah 27:9 Σταυροειδείς Αναφορές

Exodus 22:18

“Mu thanged e pogofan rok ere pin ni tamapig.

Exodus 7:11

Ma aram e fare pilung e pining e pi gonop nge pi ta pig, miyad rin’ ni ku aram rogon.

Proverbs 19:27

Fakag, fa’an ga ra tal i fil ban’en, ma dariy nap’an ma ga pag e tin gamnang.

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Jeremiah 14:14

Ma aram me fulweg SOMOL ni ga’ar, “Tinir e profet ni go’ bogi ban’en e yad be lifith l’ugunrad u fithingag; da gu l’oegrad ara gog ngorad e tin ni ngar rin’ed, ara gu welthin ngorad. Pin’en ni yad be weliy ngomed nni piliyeg e changar rorad ngar guyed, e gathi gag e yib rog, ya bogi yi’iy nib m’ay fan, ma bogi n’en ni sum ko leam rorad.

Jeremiah 23:16

I SOMOL ni Gubin ma Rayag Rok e ga’ar ngak e girdi’ nu Jerusalem, “Dab mu telmed ko tin nra yog e pi profet ngomed; ya yad be ban nagmed ni nge l’agan’med nga bogi ban’en nde riyul’. Yad be weliy ngomed bogi ban’en ni yad e sum ko leam rorad, ma gathi gag e gog ngorad.

Jeremiah 23:25

Fapi profet ni yad ma lifith l’ugunrad e gu manang e thin ni yad be weliy ni be lungurad i gag e gog ngorad u malik’ay.

Jeremiah 23:32

Mu telmed ko tin be yog SOMOL, be ga’ar! Gu ba togopluw ngak e pi profet ni yad be weliy e lik’ay rorad ni go’ ban. Yad ma weliy e pi lik’ay rorad nem ngar waliyed e girdi’ rog nga wuru’ e kanawo’ ko sasalap l’ugun ni yad be weliy ni yad ba uf ngay. Gathi gag e gol’oegrad ara gog ngorad ni ngranod, ma dariy bochu’uw i ayuw ni yad be tay ngak e girdi’. I Gag SOMOL e kugog e pi thin ney.”

Jeremiah 29:8

I Gag SOMOL, ni fare Got rok yu Israel, e gu be gineangmed ni dab mu paged gimed nge ban nagmed e pi profet ni yad ma par u fithik’med ara pi’in yad ma yi’iynag e tin bayib. Dab mu telmed ko lik’ay rorad.

Ezekiel 21:29

Pin’en ni be pig owchemed ngu’um guyed e go’ bogi ban’en, nge fapi yi’iy ni gimed be yog e go’ ban. Gimed ba kireb ma ba kireb e leam romed, ma fare rran romed e nge anog, ni fare rran ni tomuren e gechig romed. Fare gi saydon e nge aw nga belel’ugunmed.

Daniel 4:7

Me yib urngin e pi tamanbey ngog, nge pi tamerong, nge pi llowan’, nge pi’in yad ma bon ko t’uf, mu gu weliy e lik’ay rog ngorad, machane de yag rorad ni ngar weliyed fan ngog.

Mikah 3:7

Pi’in yad be yi’iy nag ban’en e bay ra tamra’gad ya dabi yib i m’ug e tin ni kar yi’iy niged. Bayi m’ingan’rad ni yad gubin, ya bayi tay Got ni dabi yib i m’ug e tin kar yi’iy niged.

Zekariah 10:2

Girdi’ e ma fith lanyan’ e pi liyos nge pi tamanbay, machane fulweg ni yad ma pi’ e go’ ban ni dariy fan. Bochiyad e ma weliy fan e lik’ay, ma kemus ni yad ma olobochiyem; ya ayuw ni yad ma pi’ e dariy fel’ngin. Ere girdi’ e be goroy i yan ni bod e saf nike malog. Kar oloboch gad ni bochan e dariy be’ ni be gafaliyrad.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Acts 8:11

Ke n’uw nap’an ni kar ngatgad ngak ko pig ni i tay, ni aram fan ni kar pired ni kar uthmed telrad ko tin be yog.

Efesus 5:6

Dab mpaged be’ nge ban nagmed ko thin ko balyang; ya damumuw rok Got e ra yib nga daken e pi’in ndarir folgad rok ni bochan e pin’ey.

Deuteronomy 13:2

ni fan e nge waliymed ngam ted fan mi gimed pigpig ngak bogi kan ndawor mu ted fan biid, ku manga ra yib i m’ug ni riyul’ e tin ke micheg ngomed,

Deuteronomy 18:14

Ma aram me ga’ar Moses, “U lan fare nam ni aram e nge milfan ngomed, e girdi’ riy e yad ma falwok ko pi’in yad ma ngongol ni tamerong ma yad ma changarnag e pow ko tin bayib ara bayi buch ban’en, machane SOMOL ni Got romed e dabi pagmed ni ngam rin’ed e tiney.

Joshua 13:22

U fithik’ fa pi’in nni li’rad e girdi’ nu Israel ngarm’ad e immoy Balaam riy ni fare mo’on ni fak Beor nma yi’iy.

Revelation 18:23

Ma gathi bay ku ni guy bayay ram’en e magal rom; ma gathi bay kun rung’ag laman e ppin nge pumo’on ni ngan m’ag e mabgol rorad. Ya girdi’ nma folchuway’ rom e ba ga’ buguwrad u fayleng ni polo’, ma kam bannag e girdi’ ko pi nam u fayleng ko pig rom ni yigo’o bogi ban’en!”

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Revelation 9:21

Ma ku de kolngan’ e pi girdi’ nem ngar pi’ed keru’rad ko cham ni yad be tay ni yad be thang e pogofan, nge pig ni yad be tay, nge ngongolen e darngal, nge moro’ro’ ni yad be ngongliy.