Jeremiah 27:7 - Bible Ni Thothup

⁷ Urngin e nam ni bay ra pigpiggad ngak, ma bay ku ra pigpiggad ngak be’ nib mo’on ni fak nge be’ nib pagel ni fak e re mo’on ni fak nem nge taw ko ngiyal’ nike waer fare nam rok. Ma aram e nam rok e bay i pigpig ko pi nam nib gel gelngin nge pi pilung nib ga’ lungun.

Jeremiah 27:7 Σταυροειδείς Αναφορές

Psalms 37:13

Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

Isaiah 21:9

Aray e karbad! Ni girdi’ ni be yan u daken e os ni kar fochgad ni lal’agruw. Me pi’ fare matnag e thin nge yib, “Ke mul yu Babylon! Gubin e liyos ni yad ma tayfan e ke wagay u but’.”

Jeremiah 27:22

Bay ni fek e pin’em i yan nga Babylon nge par u rom nge mada’ ko ngiyal’ ni bay fin gu changar ngay. Ma aram e bay gu fulweg nggub gu tay ko re gin’ey. I Gag SOMOL e gu be non.”

Jeremiah 34:1

I non SOMOL ngog u nap’an ni be cham Nebukadnezzar ni Pilung nu Babylon nge salthaw rok, nge yu raba’ i salthaw u gubin e nam ni ku yad be pi’ e ayuw ngak, nge gubin mit e girdi’ u lan gil’ilungun nga Jerusalem nge yochi binaw nib chuchugur ngaram.

Jeremiah 44:30

Bay gu pi’ i Hofra ni Pilung nu Egypt nga pa’ e pi to’ogor rok ni yad ba’adag ni ngar thanged e fan rok, ni ri bod ni gu pi’ Zedekiah ni Pilung nu Judah nga pa’ i Nebukadnezzar ni Pilung nu Babylon, ni ir e to’ogor rok ni ba’adag ni nge thang e fan rok.”

Jeremiah 46:13

Nap’an ni yib pilung Nebukadnezzar nu Babylon ni nge cham nga Egypt, me non SOMOL ngog ni ga’ar,

Jeremiah 52:31

Re duw i n’en ni pilung Evil-merodak nu Babylon e runguy Jehoyakin ni Pilung nu Judah, nge chuweg u kalbus. I rin’ ni ara’ rogon ko rofen ni rliw nge lal ko re pul i n’en ni ragag nge l’agruw ko fare guyey nge medlip e duw u n’umngin nap’an nike kalbus Jehoyakin ni Pilung nu Judah u Babylon.

Ezekiel 30:24

Ma aram e bay gu gelnag pa’ e pilung nu Babylon nge gel mu gu tay e saydon rog nga pa’. Machane bay gu t’ar pa’ e pilung nu Egypt, nge gel’gel’ nge yim’ u p’eowchen e pi to’ogor rok.

Daniel 2:37

I gur Pilung e th’abi ga’ u fithik’ gubin e pilung. I Got nu tharmiy e pilung nigem, me pi’ gelngim me tem ni ngu’um par nib sorom ma yibe ta’fam.

Daniel 4:22

“Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Habakkuk 2:7

Gimed ra gin, gimed e pi’in kam koled boch e girdi’ ko mael, ma kam awgad nga fithik’ e malfith, ma bay ni gelfen ngomed ni ngam pi’ed e ris riy. Pi to’ogor e bay rabad mu um t’on gad. Bay ra giliw niged gimed!

Habakkuk 2:8

Pire’ e nam ni kam giliw niged e girdi’ riy, ma chiney e pi’in kar mageygad e bay ra giliw niged gimed, ni bochan e pogofan ni um thanged nge gafgow nrib gel ni ka’um ted ngak e girdi’ nu fayleng nge pi binaw riy.

Revelation 14:8

Me lek e bin migid e engel tomuren fa bin som’on ni be ga’ar, “Ke waer! Fare binaw nu Babylon nib gilbuguwan e ke waer! Ke pi’ e wayin rok ngak girdi’en e pi nam ni urngin, ke pi’ ngorad kar unumed, ni fare wayin rok nib gel, ni wayin ko darngal rok!”

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.