Jeremiah 27:5 - Bible Ni Thothup

⁵ “Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

Jeremiah 27:5 Σταυροειδείς Αναφορές

Genesis 1:25

Ara’ rogon ni sunumeg urngin mit e gamanman nib mongmor nge urngin mit e gamanman ni malboch, ni tin gagang’ nge tin b’achig. Me par nge guy e n’en ke ngongliy ma bfel’ u wan’.

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Nehemiah 9:22

“Gur e mu pagrad ngar gelgad ngak e pi nam nge pi pilung, ko yungi nam ni yad bmathil. Ra gelgad ko nam nu Heshbon, ni Sihon e pilung riy, nge nam nu Bashan, ni Og e pilung riy.

Psalms 102:25

Kakrom ma ga sunmiy e fayleng, ma pi tharmiy e mu ngongliy nga pa’am.

Psalms 96:5

Urngin fapi got rok boch e nam e kemus ni bogi liyos, machane SOMOL e ir e sunumeg lanelang ni ga’ngin.

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Isaiah 42:5

Got e sunumiy lanelang me filath; me sunumeg e fayleng nge urngin e tin nib fos ni bay riy; me pi’ e yafos nge pogofan ngak urngin e girdi’ riy. Ma chiney e SOMOL ni Got e be ga’ar ngak e tapigpig rok,

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 48:13

Pa’ag e ngongliy e deaf ko fayleng me filath lanelang. Nap’an ni gu pining e fayleng nge lanelang ma kachingiyal’ nem miyow yib nga pe’owcheg.

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Jeremiah 27:4

I SOMOL ni Gubin ma Rayag Rok, ni Got rok yu Israel, e yog ngog ni nggog ngorad ni nga rogned ko pilung rorad ni be ga’ar SOMOL:

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 51:15

I SOMOL e ngongliy e fayleng nga gelngin; ni gonop rok e sunmiy e fayleng ngay me filath e pi tharmiy.

Daniel 2:38

I tem ni gur e ngu’um gagiyegnag urngin e yungi n’en ni bay e girdi’ riy u fayleng nge urngin e pi gamanman nge arche’. I gur fare llug nni ngongliy ko gol.

Daniel 4:14

Me non ni ba ga’ lungun ni ga’ar, ‘Ngan th’ab e re ke gek’iy nir min fabguy papa’ngin; min gunugunuy yuwan min wereg wom’ngin; ngan tuluf e pi gamanman ni bay u tanggin, nge pi arche’ ni bay u fithik’ i papa’ngin.

Daniel 4:17

Fapi engel ni yugu yad be matanag e yad e kar turguyed. Ere nge nang urngin e girdi’ u gubin yang ni Got ni ir e Th’abi Tolang e bay gelngin ni nge gagiyeg nga daken e pi gagiyeg ni be tay e pi pilung nu fayleng. Rayag rok ni nge gagiyegnag nge pilung be’ ni ir e ke turguy, ni mus ngak be’ ni ir e th’abi sobut’ u fithik’ e girdi’.’”

Daniel 4:22

“Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Daniel 4:25

Bay ni tulufem ngam chuw u fithik’ e girdi’ ma ga yan mpar nga fithik’ e gamanman ni malboch. Bay um koy e pan ni bod ba garbaw, mu um mol u wean ngi i aw e wa’angachal ngom ni medlip e duw. Ma aram e bay mu nang ni Got ni Ir e Th’abi Tolang e be gagiyegnag urngin e gagiyeg ni be tay e pi pilung nu fayleng, ma rayag rok ni nge gagiyegnag nge pilung e en ni ir e ke duwgiliy ni nge pilung.

Daniel 5:18

“Got ni Ir e Th’abi Tolang e gagiyegnag Nebukadnezzar ni chitamam nge mang ba pilung ni ba ga’, me gagiyegnag e girdi’ ngu’ur ted fan me par nib sorok.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Acts 17:24

I Got ni ir e sunumiy e fayleng nge urngin ban’en ni bay riy, e ir e Somol u tharmiy ngu but’, ma der ma par u lan e Tempel ni girdi’ e toy.

Acts 17:26

Ri ta’reb e pumo’on ni sunumiy, me sum rok e re mo’on nem girdi’en urngin e nam, me tayrad ni ngar pired u daken e re fayleng ney ni polo’. I ir e turguy ko tabolngin e re ngiyal’ i n’en nge yungi n’en ni ngar pired riy!

Deuteronomy 2:19

Ma aram e kam chugurgad nga tafen e Ammonite, ni pi’in owchen Lot. Ma dab mu k’aringed lungrad, fa mu tabab niged e mael nib togopluw ngorad. Ya dab gu pi’ bang ni ngam tafned ko fare nam ni kug pi’ ngorad.’” (

Deuteronomy 2:21

Yad ba n’uw ni bod e pi Anakim. Urmed ni yad bo’or, ma yad ba gel. Machane me thirifrad SOMOL u but’, ya nge yag ni par e pi Ammonite ko re nam nem.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Deuteronomy 2:9

Me ga’ar SOMOL ngog, ‘Dab mu magawon niged e girdi’ nu Moab, ni pi’in owchen Lot, ara m’aged e mael ngorad. Kug pi’ fare binaw nu Ar ngorad, ma aram e dakriy bang u taferad ni nggu pi’ ngomed.’” (

Deuteronomy 32:8

En ni Th’abi Tolang e ir e pag e f’oth ko but’ nge pi’ ko pi nam; ir e duwgiliy e gin ngi i par e girdi’ riy. Ra reb e nam me l’oeg reb i chon e tharmiy ngay,

Deuteronomy 4:17

fa gamanman fa arche’

Deuteronomy 4:25

“Yug ra kam pired u lan e re nam nem nike n’uw nap’an nike yib pifakmed nge fak pifakrad, ma dab mu denengad ngam ngongliyed ba liyos ni demturug ko ya’an e mang. Biney e rib kireb u mit SOMOL, mra k’aring e damumuw ngak.

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Deuteronomy 9:29

Ya pi girdi’ ney e irera’ fapi girdi’ ni gur e mturguyrad ni ngar manged girdi’em me gur e mu fekrad nga wuru’ yu Egypt u gelngim nib ga’ nge gelngim nib gel.

Kolose 1:16

Ya pa’ Kristus e sunumeg Got urngin ban’en ngay ni bay u tharmiy ngu but’, ntin yibe guy nge tin ndanir guy, nib mu’un e pi kan ni be gagiyeg ngay, ni tin ni pilung nge tin ni yad be yog e thin, nge tin yad be tay murung’agen ban’en. Pa’ Kristus e sunumeg Got ngay e gin’en ni ba’ urngin ban’en u lanelang riy nib mu’un e fayleng ngay, ni fan ngak Kristus.

Hebrews 1:2

machane tiney e rran ni ir e tomuren e rran e ke non ngodad u l’ugun e en ni Fak. Ir fa’anem ni pa’ e maruwel Got ngay nge sunumeg e fayleng nge urngin ban’en ni bay riy, me ir fa’anem ni Got e ke duwgiliy ni nge mil suwon urngin ban’en ngak ko tomur.

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”