Jeremiah 27:3 - Bible Ni Thothup

³ Ma aram me yog SOMOL ngog ni nggu pi’ e thin nge yan ko pilung nu Edom, Moab, Ammon, Tyre, ngu Sidon, ni nggog ko pi’in ni mayan ni owchen reb e nam nga reb ni karbad nga Jerusalem ni ngar guyed Zedekiah ni Pilung.

Jeremiah 27:3 Σταυροειδείς Αναφορές

2 Kronicles 36:13

I Nebukadnezzar ni Pilung nu Babylon e gelfen ngak Zedekiah nge micheg u fithingan Got ni nge par nib yul’yul’. Ma ba gelan’ me siyeg ni nge pi’ keru’ ko denen rok nge sul ngak SOMOL, ni fare Got nu Israel.

Isaiah 23:4

Binaw nu Sidon, mu tamra’gad, kem’ay famed! Day nge nge t’ay e regur e ke n’agmed ma be ga’ar, “Dariy e bbitir ni fakag. Ma dariy e ngiyal’ ni gu chugol pagel ara ppin.”

Jeremiah 27:12

Ku aram rogon ni gog ngak Zedekiah ni Pilung nu Judah ni lungug, “Mu pagem nga pa’ fare pilung nu Babylon. Ngu’um pigpig ngak nge girdi’ rok, ma ga par ni dabi buch ban’en rom.

Jeremiah 27:4

I SOMOL ni Gubin ma Rayag Rok, ni Got rok yu Israel, e yog ngog ni nggog ngorad ni nga rogned ko pilung rorad ni be ga’ar SOMOL:

Jeremiah 28:1

Ku re duw nem, u lan e bin lal e pul ko duw ni gaman e aningeg ngay nike pilung Zedekiah, me Hananiah nib mo’on ni fak Azzur ni profet ko binaw nu Gibeon, e non ngog u lan e Tempel. U p’eowchen e prist nge girdi’ e yog ngog riy

Ezekiel 29:18

“Fak e girdi’, Nebukadnezzar ni Pilung nu Babylon e ke m’ag e mael nga Tyre. Ke gafaliy e salthaw rok kar feked e chugom ni rib tomal ni be meligich u daken lolugenrad ke modro’ nagrad ma ke fath e biyach u porad, machane Nebukadnezzar nge salthaw rok e de yag nra koled yu Tyre.

Amos 1:9

Be ga’ar SOMOL, “Girdi’ nu Tyre e kar denen gad bayay nge bayay, ni erfan nri bay gu gechig nagrad. Kar feked girdi’en ba nam ni polo’ ni kalbus ko nam nu Edom, ma dar ted u tagil’ fare m’ag ko tha’ nra ngongliyed ni nge par ni bfel’ thilrad.