Jeremiah 27:19 - Bible Ni Thothup

^19-20 Nap’an ni fek Nebukadnezzar ni Pilung e pilung nu Judah nga Babylon, ni aram i Jehoyakin nib mo’on ni fak Jehoyakim, nge boch e pumo’on ni yad ma gagiyeg u Judah ngu Jerusalem, me digey yuler i likeng nge ba teng ni wasay ni bronze, nga bogi cart, nge ku boch e machaf ni fen e Tempel.)

Jeremiah 27:19 Σταυροειδείς Αναφορές

1 Kings 7:23

Me ngongliy Huram ba teang nib lulbuy ko wasey ni bronze, ni medlip nge baley e fit tom’arngin, ma ragag nge lal e fit ga’ngin radan u barba’ nga barba’, ma aningeg i ragag nge lal e fit ga’ngin lukngun.

1 Kings 7:27

Miki ngongliy Huram ragag i cart ni bronze; ra reb ma nel’ e fit n’umngin, ma nel’ e fit radan, ma aningeg nge baley e fit tolngin.

2 Kings 25:13

Me t’ar e girdi’ nu Babylonia fapi duga’ nni ngongliy ko wasey ni bronze ni bay u lan e Tempel, nge ay e pin’en ni yima maruwel ngay u Tempel, nge fare teng ni ba ga’ nni ngongliy ko wasey ni bronze, miyad fek urngin e pin’em nni ngongliy ko wasey ni bronze nga Babylon.

2 Kings 25:17

Fa gal duga’ e ta’reb rogon ya’an, ra reb ma rliw’ nge medlip e fit tolngin, ni ba’ lolugen ni aningeg nge baley e fit tolngin. Ma ra reb i lolugen fa gal duga’ ma kani tay ban’en ngay nib liyeg ni kani kurkuruf ni ba’ ya’an wom’ngin e gek’iy ni pomegranate riy nni ngongliy ko bronze.

2 Kronicles 36:18

Fare pilung nu Babylon e leag e chugom u Tempel, machaf u Tempel, nge tin nib fla’ab fare pilung riy nge pi tolang ko salthaw rok, nge fek gubin ban’en nga Babylon.

Lamentations 1:10

Pi to’ogor e kar iringed urngin e machaf rok. Ni guyrad nranod ngalan e Tempel, Ni gin ni yog SOMOL ndabi yan e Gentile ngay.

Daniel 1:2

Me gagiyegnag SOMOL Nebukadnezzar nge kol Jehoyakim ni Pilung me fek boch e machaf u Tempel. Me fek boch e kalbus nge un ngak nga tempel ko pi got rok u lan yu Babylon, me tay fapi machaf ni fek ngalan e pi senggil ni yima chubgil riy u lan fare tempel ko pi got rok.