Jeremiah 27:18 - Bible Ni Thothup

¹⁸ Fa’anra rriyul ni yad e profet ni thin rog e kar feked i yib, ma yad ra wenig ngog, ni Gag, fare SOMOL ni Gubin ma Rayag Rok, ni dab gu pag e machaf ni aw u Tempel ngu tafen e pilung ni ngan fek nga Babylon.” (

Jeremiah 27:18 Σταυροειδείς Αναφορές

Genesis 20:17

Ma aram me meybil Abraham ngak Got, me golnag Got Abimelek, nge bpin rok nge pi sib rok ni ppin, nge yag ni kur fakyed boch e bitir bayay,

1 Kings 18:24

Me meybil e pi profet rok Baal ngak, mu gu meybil ngak SOMOL, ma arorow nra pag e nifiy ngay, ni aram e ke fulweg taban e meybil, e ir Got.” Me tolul e girdi’ ni aram e kar pininged e kefel’ ngay.

1 Kings 18:26

Miyad fek fare garbaw ni ka ni fek i yib ngorad ngar ngongliyed rogon, miyad meybil ngak Baal nge mada’ ko misiw’. Miyad tolul ni lungurad, “Baal, mfulweg taban e meybil romad!” Miyad par ni yad be churu’ ma yad be liyeg fare altar ni kar ubunged, machane de fulweg Baal taban e meybil rorad.

2 Kronicles 32:20

Ma aram e Hezekiah ni Pilung nge Isaiah ni profet nib mo’on ni fak Amoz e ra meybilgow ngak Got mar yor nigew e ayuw ngak.

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 42:2

miyad ga’ar ngog, “Wenig ngom ngam rin’ e n’en ngogned ngom! Meybil ngak SOMOL ni Got rodad ni fan ngomad. Meybil ni fen gubin e pi aromad nde yim’. Immoy bingyal’ nri gamad ba yo’or; ma chiney e ga be guy nri’in i gamad e ke magach.

Jeremiah 7:16

Me ga’ar SOMOL, “Jeremiah, dab ku um pi’ e meybil rok e pi girdi’ ney. Dab ku um yor ara um meybil ni fan ngorad; ma dab ku um wenig nagrad ngog, ya dab ku gu motoyil ngom.

Ezekiel 14:14

Fa’an mang e i par fa dalip i pumo’on ni Noah, Danel, nge Job u rom, ma farad mat’aw e go’ yafos rorad e ra ayweg.” I SOMOL ni Th’abi Tolang e keyog e pi thin ney.

Ezekiel 22:30

Gu be changarnag be’ nrayag ni nge ubung bang i rungrung, nrayag ni nge sak’iy ko yungi n’en nike puth e rungrung riy me ayweg e nam ko ngiyal’ ni nge aw e damumuw rog ngay, machane dag pir’eg be’.

Malaki 1:9

Gimed e pi prist, mu fithed Got ni nge gol ngodad ngam guyed. Ya dabi fulweg taban e meybil romed, ma gimed e kireb romed.

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

1 Samuel 7:8

me lungurad ngak Samuel, “Um par ni ga be meybil ngak SOMOL ni Got rodad nge ayuwegdad rok e pi Filistine.”