Jeremiah 26:19 - Bible Ni Thothup

¹⁹ Hezekiah ni ir e pilung nu Judah nge girdi’ rok e dar thanged e fan rok Mikah. Ya Hezekiah e yib madgun SOMOL ngak me guy rogon ni nge fel’ u wan’ SOMOL. Ma aram me thiliyeg SOMOL laniyan’ ko fare riya’ ni weliy ni bay girengiy nga dakenrad. Are gadad e chiney e ngad girngiyed e riya’ nib gel nga dakendad.” (

Jeremiah 26:19 Σταυροειδείς Αναφορές

2 Samuel 24:16

Nap’an ni deg fare engel rok SOMOL ni nge gathay yu Jerusalem, me thilyeg SOMOL lanyan’ ko gechig ni ngan tay ko girdi’ me ga’ar ngak fare engel ni be thang e fan rorad, “Mu tal! Ya ke gaman!” Ngiyal’nem e bay fare engel u charen e gin ma gunugunuy Araunah nu Jebus e grain riy.

2 Kronicles 32:20

Ma aram e Hezekiah ni Pilung nge Isaiah ni profet nib mo’on ni fak Amoz e ra meybilgow ngak Got mar yor nigew e ayuw ngak.

2 Kronicles 34:21

“Mmarod ngam fith’ed laniyan’ SOMOL ni fan ngog nge fapi girdi’ ni kayad bay u Israel ngu Judah. Ngam nanged mrang’agen e tin be yog e re ke babyor ney. Ke damumuw SOMOL ngodad ni bochan e da i fol e pi chitamngidad ko thin rok SOMOL ma darir rin’ed e tin ni be yog e re babyor ney nthingar nrin’.”

Exodus 32:14

Ma aram me thiliyeg SOMOL laniyan’, ma daki fek fare riya’ i yib ngak e girdi’ rok ni fa’ani yog ni nge rin’.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 37:1

Ma fa’an yigi rung’ag Hezekiah ni Pilung e tin krogned. Me guchthiy e mad rok ni kari taganan’, me yin’ e mad ni tutuw nge yan nga Tempel rok SOMOL.

Isaiah 37:4

Fare emperor nu Assyria e ke l’oeg pilungen e salthaw rok ni nge dariyfannag Got ni be par nib fos. I SOMOL ni Got rom e mang e yigi rung’ag e pi thin nem me gechignag e pi’in i yog. Ere mu meybil ngak Got ni fan ngak e girdi’ rodad nra magach nib fos.”

Jeremiah 26:15

Machane ba’aray ban’en ni ngar mu nanged: fa’an gimed ra li’eg nggum’, me ere gimed nge girdi’ ko re binaw ney e ra yan i aw nib kireb e romed ni bochan e ka mu thanged e fan rok be’ ndawori bucheg ban’en, ya SOMOL e ke l’ugeg ni nggu weliy urngin e pin’ey ngomed.”

Jeremiah 26:3

Ya sana yad ra motoyil ngom miyad pag e pi kireb ni yad be ngongliy. Fa’an yad ra rin’, ma aram e gu ra thiliyeg lanin’ug ko gechig ni kug leamnag ni ngug girengiy nga dakenrad ni bochan e kireb ni yad be rin’.”

Jeremiah 44:7

“Ma aram e Gag fare SOMOL ni Gubin ma Rayag Rok, ni fare Got nu Israel, e gu be fith ngomed e chiney ko mangfan ni gimed be rin’ e binem e ban’en nib kireb ngomed. Gimed ba’adag ni ngam girngiyed e riya’ nga daken e pumo’on, ppin, bbitir nge madway, nge par ni dakriy bigmed nra magay?

Amos 7:3

Me piliyeg SOMOL laniyan’ me ga’ar, “N’en ni kam guy e dabki yodorom.”

Habakkuk 2:10

Machane luguy romed e ke girengiy e tamra’ nga daken e tabinaw romed; kam girngiyed e gafgow nga dakenmed ni bochan e kam kireb niged bo’or e nam.

Zekariah 7:2

Girdi’ nu Bethel e ra l’oeged Sharezer nge Regemmelek nge pi pumo’on ni yad, ko fare Tempel rok SOMOL ni Gubin ma Rayag Rok ni ngar meybil niged e fal’eg wa’athan rok SOMOL

Numbers 16:38

Ke thothup nnap’an e ni pi’ u daken e altar rok SOMOL. Ere mfek fa yu raba’ i fen e nifiy rok fapi pumo’on ni kan thang e pogofan rorad ni bochan e denen rorad. Ngan pirdi’iy e yu raba’ i fen e nifiy nem nge yan i bod yu raba’ i plet nib gilgith, min ngongliy nge mang upongen fare altar. Re upong ney e nge mang ba puguran ngak e girdi’ nu Israel.

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Acts 5:39

machane fa’anra Got e yib rok, ma dabiyag romed ni ngam gelgad ngorad. Ya gimed ra pir’eg ni gimed be cham ngak Got!” Me fol fare ulung ko tin ke yog Gamaliel.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”