Jeremiah 24:9 - Bible Ni Thothup

⁹ Bay gu girengiy ba riya’ nga dakenrad ni urngin e nam nu fayleng e bay rrusgad ngay. Girdi’ e bay i gosgos ngorad, ma yibe moning nagrad, ma fithinganrad e bayi mang ba yaba’ u gubin yang ni ku gu weregrad riy.

Jeremiah 24:9 Σταυροειδείς Αναφορές

1 Kings 9:7

ma aram e nggu chuweg yu Israel ni girdi’ rog ko re nam ney ni gag e kug pi’ ngorad. Ma kug ra n’ag e re Tempel ney ni gag e kug thothupnag ni aram e gin ni ngu’un liyor ngog riy, ma girdi’ u gubin yang e bay ur moninggad ngak yu Israel ma yad be darifan nagrad.

2 Kronicles 7:20

ma aram e gu ra chuwegmed u lan fare nam ni ku gu pi’ ngomed, ma gu ra pag e re Tempel ney ni ku gu tay ni bangi ban’en nib thothup ni ir e ngu’un liyor ngog riy. Girdi’ u gubin yang e bay ra moning niged mu’ur dariyfan niged.

Psalms 69:11

mra gu chuw nga madan e tayam’, miyad moning nigeg.

Isaiah 43:28

Pi’in yad be gagiyeg nagmed e ur darifan niged e naun rog nib thothup. Ma aram mu gu girengiy e riya’ nga daken yu Israel, mu gu pag e girdi’ rog ngu u nog e thin nib kireb ngorad.”

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Jeremiah 15:4

Ma bay gu gagiyegnag urngin girdi’en e pi nam nu fayleng ngar rus gad ko tin ke yib ngak piyu Judah, ni bochan e tin ni rin’ Manasseh u lan yu Jerusalem, ni be’ nib mo’on ni fak Hezekiah u nap’an ni Manasseh e pilung nu Judah.”

Jeremiah 19:8

Bay gu girngiy ba riya’ nib ga’ nga daken e re binaw ney ni urngin e girdi’ ni yad ra yan u to’oben ma yad ra da’da’ miyad gin ko n’en ke rin’.

Jeremiah 25:18

Jerusalem nge urngin e yochi binaw nu Judah, nib mu’un e pi pilung nge pi tayugang’ ngay, e ni pagrad ngar unumed e n’en bay riy, ke gafgow ya’arad, ni kari kireb nra gin owchey ngay, ni aram e bayi yog e girdi’ fithingrad ni kemang ba yaba’ — ni k’aram rogon ke mada’ ko chiney.

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

Jeremiah 29:18

Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Jeremiah 29:22

Nap’an fapi girdi’ nni fekrad ni yad ba kalbus u Jerusalem nga Babylon, e fa’an bayi ba’adag bagyad ni nge buch wa’athan be’, ma yad ma ga’ar, ‘Mang e yigi gagiyeg nigem SOMOL ni bod rogon Zedekiah nge Ahab, ni urfiy row e pilung nu Babylon ko nifiy ni ka yow bfos.’

Jeremiah 34:17

Ere chiney, I Gag SOMOL e gu be yog ni damur folgad rog; dawor mu pi’ed e pufrogon nga Israel ni polo’. Ere kefel’, bay gu pi’ e pufrogon ngomed: nge pufrogmed ngam m’ad, u fithik’ e mael, ko liliy, nge uyngol. Bay gu pag gubin e nam nu fayleng ngar da’da’gad ni marus ko pin’en ni bay gu rin’ ngomed.

Jeremiah 42:18

“SOMOL ni Got nu Israel e be ga’ar, ‘Ri bod rogon ni map’ e damumuw rog nib gel nga daken e girdi’ nu Jerusalem, e ku aram rogon ni yira pu’og nga dakenmed ni fa’an gimed ra yan nga Egypt. Bayi tamdag ya’amed; girdi’ e bay ur moning niged gimed ma bay ra ted fithingimed ni kemang ba yaba’. Ma dakriy bi’id ni kigimed ra guy e re gin’ey bayay.’”

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Jeremiah 44:13

Bay gu gechignag e pi’in yad ma par u Egypt, nri bod rogon ni gu gechignag yu Jerusalem — ko mael, nge uyngol, nge liliy.

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Ezekiel 23:46

Irera’ e n’en ni be yog SOMOL ni Th’abi Tolang ni be ga’ar, “Mu kunuy e girdi’ ni yo’or ngan gafgow nagrow ko marus min fek gubin ban’en rorow.

Ezekiel 25:3

Mog ngorad ni ngar motoyilgad ko mang e gu be yog i Gag SOMOL ni Th’abi Tolang: Karim felfelan’gad ni kam guyed ni fare Tempel rog ni kan m’aynag fan, ma kan gathey e but’ nu Israel, ma kan fek e girdi’ nu Judah nga wuru’ e nam ni kalbus.

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Ezekiel 5:8

Ere I Gag SOMOL ni Th’abi Tolang, e gu be yog ngom ni gag e to’ogor rom. Bay gu pag e gechig nge aw ngom ni gubin e nam mra guy.

Deuteronomy 28:25

“Bayi pag SOMOL e to’ogor romed ngar gelgad ngomed ko mael. Bay mmarod ko mael u ta’bang, machane gimed ra cheal u luwmed ngam milgad ni yug ra bigimed ma gin nra mil ngay. Ma gubin e girdi’ u daken e fayleng ma yad ra yim’ ko marus u nap’an ni yad ra guy e tin ke buch romed.

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.