Jeremiah 22:21 - Bible Ni Thothup

²¹ I SOMOL e non ngom fa ngiyal’ ni bfel’ rogom, machane i gur e mu siyeg ni ngam motoyil. Irera’ e n’en ni um rin’ u n’umngin e yafos rom; dariy e ngiyal’ ni mu fol rok SOMOL.

Jeremiah 22:21 Σταυροειδείς Αναφορές

2 Kronicles 33:10

Yug aram rogon ni ginaeng SOMOL i Manasseh nge girdi’ rok ko kireb rorad, mar gel niged lanin’rad ndar motoyilgad ngak.

Psalms 129:1

Israel, mog ngomad rogon nike gafgow nigem e pi to’ogor rom ni ka nap’an e kagab bitir.

Proverbs 30:9

Ya fa’anra yug ra yo’or ngog, mrayag ni gog ni dariy angim ngog. Ma fa’anra gu ba gafgow, ma rayag ni gu moro’ro’ nggu m’aynag fan e Got rog.

Isaiah 48:8

Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

Jeremiah 13:10

Pi girdi’ ni kireb ney e dubrad ni ngar folgad rog. Ri ta’reb farad gelan’ nge farad kireb, ma yad be tay fan ma yad be pigpig nga yug boch e got. Are ara’fan, ni bay ra boded fa yu lay i zubong ni dabki fel’.

Jeremiah 19:15

ni SOMOL ni Gubin ma Rayag Rok, ni ir e Got nu Israel e ke ga’ar, “Bay gu gagiyegnag urngin e gechig ni kugog ni bay gu pi’ nge yib nga daken e re binaw ney nge nga daken urngin e pi binaw nib chugur ngay, ni bochan e ka mu gel niged lanin’med ka mu pired ndab mmotoyilgad ko tin kugog.”

Jeremiah 2:25

Israel, mu ayuw, ya ri par e rifrif u em ndakuriy e sus riy, fa mlik’ k’angam ni bochan e ga be lol’oeg yug boch e got. Ma ga be ga’ar, ‘Danga’! Dabkiyag ni nggu sul! Kafram i yib nib t’uf e pi got nu bang rog ma nggu lekrad.’”

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Jeremiah 25:3

“Ke non SOMOL ni kanpan e bin ragag nge dalip e duw nike pilung Josiah ni fak Amon u Judah nge mada’ ko daba’ ni aray e ke gaman rliw’ nge dalip e duw, ma dawor gu pag ni da gog ngomed e tin ni i yog. Machane damur motoyilgad.

Jeremiah 25:4

Damur motoyilgad ma ku damur tiyan’med, ni yug amrogon ni ku be par Got ni be l’oeg e profet ngomed e tapigpig rok.

Jeremiah 25:7

Machane SOMOL e ir e be yog ni fa’anra gimed ra siyeg ni ngam motoyilgad ngak, mi gimed cheal ngu’um kar’nged e damumuw ngak ko pi liyos romed ma gimed e ka mu girngiyed e gechig nga dakenmed.

Jeremiah 25:8

“Ere, bochan e damur telmed ngak, ma aram e be ga’ar SOMOL ni Gubin ma Rayag Rok,

Jeremiah 3:24

Machane pigpig ngak Baal, ni fare got ko tamra’ e aram tapgin ma ke malog e yuran’ i gamanman rodad nge pifakdad ni pumo’on nge ppin, nge gubin e tin i thagnag e pi chitamangidad kakrom ko maruwel ni ur ted.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Jeremiah 32:30

Murung’agrad aram ko tobolngin e girdi’ nu Israel nge girdi’ nu Judah e da i m’agan’ug ko ngongol rorad mu’ur k’aringed e damumuw ngog ko gafarig rorad.

Jeremiah 35:15

Kug par ni yuggu be l’oeg e pi profet ni tapigpig rog ngomed, ngu u roged ngomed ni ngam paged ngongolmed ni kireb ngam rin’ed e n’en nib mat’aw. Yad be ginangmed ni dab kum tedfan mi gimed pigpig nga yug boch e got, ya nge yag ni ngkum pired u daken fare nam ni kug pi’ ngomed nge pi chitamangimed. Machane damur motoyilgad ngog ara mu tiyan’med ko tin kugog.

Jeremiah 48:11

Ke ga’ar SOMOL, “Moab e gubin ngiyal’ ni be par ni dar buch ban’en rok ma da nir fek nga bang ni kalbus. Moab e bod e wayin ni kan tay ni dab ni bitbit ngay ma da nir ngal’weg u reb e melor nga reb. Lamen e yug ma par ni bfel’.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Ezekiel 20:13

Machane mus u rom u daken e ted ma kuyad be togopluw ngog riy. Rth’abed e motochiyel rog miyad pi’ keru’rad ko tin gog ni ngan rin’ nra fek e yafos i yib ko en nra fol riy. Kar dariyfan niged e Sabbath. Ere kug fal’eg rogog ni nggu gechig nagrad ngar thamiyed ga’ngin gelngin e damumuw rog ni nggu thang owcherad u rom u daken e ted ni desert.

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

Ezekiel 20:8

Machane mikyad par ni yad be togopluw ngog ndarir motoyilgad. Dar n’aged fapi liyos rorad nib sunsonogor ara rapged i tayfan fapi got nu Egypt. Kug fal’eg rogog ni nggu gechig nagrad ngar thamiyed ga’ngin gelngin e damumuw rog u rom u Egypt.

Zefaniah 3:2

Der ma motoyil ngak SOMOL ara fel’ u wan’ e fnow. Der ma pagan’ ngak SOMOL ara ning e ayuw ngak.

Zekariah 7:7

Irera’ e n’en ni yog SOMOL u daken e pi profet ni kakrom ko fa ngiyal’ ni kabfel’ rogon yu Jerusalem ni kabsug ko girdi’ ni gathi go’ yochi binaw u charen e ba sug nag e girdi’ ya ku erogon wuru’ e binaw ko ley ni yumuch e nam nge ba’ ni ngal u dapp’e ted.

Deuteronomy 31:27

Gu manang rogon farad gelan’ nge gelngin e togopluw ni yad ma tay. Fa’anra kar togopluwgad ngak SOMOL ni ku gub fos, ma kab gel e togopluw ni bay ur ted ngak u tomuren ni kugum’.

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.