Jeremiah 22:12 - Bible Ni Thothup

¹² Ra yim’ u lan fare binaw nni fek ngay, ma dakriy bi’id ni ku ra guy e gin’ey bayay.”

Jeremiah 22:12 Σταυροειδείς Αναφορές

2 Kings 23:29

Nap’an ni kab pilung Josiah, me yib Neko ni Pilung nu Egypt nike fek e salthaw rok ngarbad ko lul’ ni Eufrates ni ngar ayuweged fare pilung nu Assyria. Me guy Josiah ni Pilung rogon ni nge taleg e salthaw nu Egypt u Meggido, min li’ u fithik’ e mael.

2 Kings 23:34

Me tay Neko ni Pilung i Eliakim nib mo’on ni fak Josiah nge mang pilung nu Judah nge yan nga luwan Josiah, me thilyeg fithingan nge tunguy Jehoyakim ngak. Me fek Neko ni Pilung i Joahaz nga Egypt, me yim’ u rom.

Jeremiah 22:18

Ma aram me ga’ar SOMOL u murung’agen Jehoyakim nib mo’on ni fak Josiah ni Pilung nu Judah, “Dariy be’ nra mowawnag e yam’ ni tay ara ga’ar, ‘Kari kireban’ug, fager rog, ke kireban’ug!’ Dariy be’ nra yornag ara dolol’oy ni ga’ar, ‘Ga’ rog ma pilung rog!’

Jeremiah 22:27

Bay mu fineyew ni ngkum guyew e re nam ney bayay, machane dakriy bi’id ni gimew rasul.”

Jeremiah 42:18

“SOMOL ni Got nu Israel e be ga’ar, ‘Ri bod rogon ni map’ e damumuw rog nib gel nga daken e girdi’ nu Jerusalem, e ku aram rogon ni yira pu’og nga dakenmed ni fa’an gimed ra yan nga Egypt. Bayi tamdag ya’amed; girdi’ e bay ur moning niged gimed ma bay ra ted fithingimed ni kemang ba yaba’. Ma dakriy bi’id ni kigimed ra guy e re gin’ey bayay.’”

Levitikus 26:38

Bay mm’ad u lan e re nam ni gimed ba kalbus riy, bayi ful’med fare nam rok e pi to’ogor romed.