Jeremiah 21:2 - Bible Ni Thothup

² “Wenig ngom mu non ngak SOMOL ni pa’mad, ni bochan Nebukadnezzar ni Pilung nu Babylon nge salthaw rok ni ka ra m’aged e mael ko binaw romad. Sana bayi fal’eg SOMOL reb fapi maang’ang ni fan ngomad, nge yag ni pagmad Nebukadnezzar.”

Jeremiah 21:2 Σταυροειδείς Αναφορές

Genesis 10:10

Mu’un yu Babylon ko gin ni i gagiyegnag ni som’on nge yu Erek ngu Akkad. Dalip yang i n’ey e bay u lan yu Babylonia.

2 Kings 1:3

Machane me yog ba engel rok SOMOL ngak Elijah, ni fare profet nu Tishbe, ni nge yan i mda’nag fapi tamal’og rok Ahaziah ni Pilung nge fithrad, ni nge ga’ar, “Mangfan ni gimed be yan ni ngam fithed laniyan’ Baalzebub, ni got nu Ekron? Mogned, bochan e gimed be leamnag ndariy e got u Israel?

2 Kings 17:24

Me fek fare pilung nu Assyria e girdi’ ko fapi binaw nu Babylon, Kuth, Ivvah, Hamath, ngu Sefarvaim, nge tayrad ngalan fapi binaw nu Samaria nga ron’ed luwan fapi girdi’ nu Israel ni kani kalbus nagrad u reb e nam. Miyad fek e pi binaw ney ngar pired u rom.

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Exodus 9:28

Mmeybilgow ngak SOMOL, nge taleg e re yoko’ ney ni ba’ e dirra’ u fithik’ nge ayis nike el. Bay gu pagmed ngam marod; ndab kum pired.”

Isaiah 48:2

Ma kam ufgad ngay gimed be yog ni gimed girdi’en fare binaw nib thothup ni fare Got rok yu Israel e gimed be toer ngak, ni fithingan e SOMOL ni Gubin ma Rayag Rok.

Jeremiah 15:11

SOMOL, yibil ni yad be tay e nge yib ngog ni fa’anra da ug pigpig ngom ni bfel’ rogon, nge fa’anra da ug wenignag e pi to’ogor rog ngom ko ngiyal’ ni yib e gafgow nib gel ngorad.

Jeremiah 21:3

Aram me yog SOMOL ngog, ni nggog ko fagal pumo’on ni kan l’oegrow ngog

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Jeremiah 34:1

I non SOMOL ngog u nap’an ni be cham Nebukadnezzar ni Pilung nu Babylon nge salthaw rok, nge yu raba’ i salthaw u gubin e nam ni ku yad be pi’ e ayuw ngak, nge gubin mit e girdi’ u lan gil’ilungun nga Jerusalem nge yochi binaw nib chuchugur ngaram.

Jeremiah 37:17

Me bingyal’ me yog Zedekiah ni Pilung ni ngan fekeg i yan ngak, me fith ngog u rom u tafen ni go’ gamow ni ga’ar, “Mog, bay bbugithin nike yib rok SOMOL?” Mu gu fulweg nug ga’ar, “Ba’, I gur e bay ni pi’em nga pa’ e pilung nu Babylon.”

Jeremiah 37:3

Zedekiah ni Pilung e l’oeg Jehukal nib mo’on ni fak Shelemiah, nge Zefaniah ni prist nib mo’on ni fak Maaseyah nga rognew ngog ni nggu meybil ngak SOMOL ni Got romad ni pa’ e nam romad.

Jeremiah 37:7

ngak Zedekiah, “Fa raba’ i salthaw nu Egypt e karbad ni ngar ayuweged gur, machane bay ra sulod nga taferad.

Ezekiel 7:26

Bayi aw reb e gafgow nga daken reb, ma bayi m’ap ni lul’ murung’agen e tin nib kireb ni be buch. Bay um weniggad ko profet ni ngar daged ngomed e tin ni kar guyed nga m’on. Dakriy ban’en nra machib nag e prist ko girdi’, ma pi’in pi’lal e dakriy e fanow ni ngar pi’ed.

Judges 20:27

Fare Kahol ko M’ag rok Got e immoy u rom u Bethel ko yu rran nem, me Finehas nib mo’on ni Eleazar e chitamngin ma Aron e tutuw rok, e ir e bmilfan fare Kehol ko M’ag ngak. Me fith fapi girdi’ SOMOL ni lungurad, “Nggu warod nggu chamgad ngak e pi walagmad ni yu Benjamin, fa nggu paged?” Me fulweg SOMOL ni ga’ar, “Mu chamgad. Gabul e gu ra pi’rad nga pa’med.”

1 Samuel 10:22

miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

1 Samuel 28:15

Me ga’ar Samuel ngak Saul, “Mangfan ni gu be toffan ma ka mub mmagawon nigeg? Mangfan ni kam piningeg ku gub?” Me fulweg Saul ni ga’ar, “Ke yib e gafgow ngog ni ba ga’! Pi Filistine e kar m’aged e mael ngog, ma ke n’igeg Got. Ra gu fith ban’en ngak ma dakir fulweg, ndakir fulweg taban u l’ugun e pi profet ara u malik’ay. Aray fan ni kug piningem ni ngamog ngog e n’en nthingar gu rin’.”

1 Samuel 28:6

ma aram me fith ngak SOMOL e n’en ni nge rin’. Machane de fulweg SOMOL lungun, nde fulweg u malik’ay, ara ni guy ko Urim, ara Thummim, ara u l’ugun e pi profet.