Jeremiah 20:7 - Bible Ni Thothup

⁷ SOMOL, ka mu ban nigeg ku gu aw ko ban. Gur e ga ba gel ngog, are ka rim gel ngog. Urngin e girdi’ ni yad be moning nigeg; polo’ e rran ni yad be minmin ngog.

Jeremiah 20:7 Σταυροειδείς Αναφορές

2 Kings 2:23

Me chuw Elisa u Jeriko nge yan nga Bethel, ma nap’an ni be yan me yib bogi pagel u lan fare binaw nga wuru’ nguur oged tharan ni be lungurad, “Midro’, mu chuw u roy!”

BABYOR NI JOB 12:4

Mus ngak e pi tafager rog ma ku gu mang bmakak’ar ngorad; yad be minmin ngog, ni yug aram rogon ni gub mat’aw ni dariy thibngig; ma immoy bingyal’ nma fulweg Got taban e meybil rog.

BABYOR NI JOB 30:9

Chiney e karbad yad be minmin ngog; ri dakriyfag ku gu mang ba gosgos u wan’rad.

Psalms 119:51

Pi tolngan’ e gubin ngiyal’ ni yad ma moning nigeg, machane dawor gu digey e motochiyel rom.

Isaiah 8:11

U gelngin SOMOL nib gel e yog ngog ni dab gu lek fare wo’ ni be lek e girdi’. I ga’ar,

Jeremiah 15:10

Ba gel e gafgow ni gu be tay! Mang ni gargel nigeg e chitinag ngalan e biney e tamilang? Dabisiy ni nggu tugthin mu gu malu’ag thin ngak urngin e girdi’ ko re nam ney. Dawor gu pi’ e salpiy ngak be’ ni nge maruwel ngay nge mu’ me fulweg ngog, ma dawor gu ning e salpiy ku be’ nggu maruwel ngay nge mu’ mu gu fulweg; machane urngin e girdi’ ni yad be yibil ni yigi buch ban’en rog.

Jeremiah 15:18

Mangfan ni ngu’ug par ngu’ug gafgow? Mangfan ndabi gol e maad’ad u dowag? Mangfan nder fos? Mog, ka mu leamnag ni ngam t’ar lanin’ug ni bod rogon ba lul’ ni mlik’ ko ngiyal’ nike taw nga nap’an e gowel?”

Jeremiah 17:16

Machane SOMOL, gathi gu be towasar ngom ni ngam girengiy e riya’ nga dakenrad; da gu finey bangiyal’ ni ngar gafgow gad. SOMOL, I gur e gamnang e ran’ey, gamnang ko mang e u gog.

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

Jeremiah 29:26

“I SOMOL e mang nagem prist ngam mun’ lon Jehoyada, ma chiney e gur e ka mu ga’ u Tempel. Ma maruwel rom ni ngam guy ko mini’ e be ngongol i aliliy be dake profet nag ir e ngan chennag min the’ bang i wasey nga bilel’gun.

Jeremiah 38:19

Me fulweg Zedekiah ni Pilung ni ga’ar, “Gu be rus ngak e girdi’ nu Israel ni kar milgad ngak piyu Babylon. Ya richey mi ni pi’eg nga pa’rad ngu’ur gafgow nigedgag.”

Lamentations 3:14

I minmin e girdi’ nga ya’ag ni polo’ e rran; ni kug mang ba makak’ar ngorad ni yad gubin.

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

Hosea 9:7

Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Mikah 3:8

Machane gag e ke sug nageg SOMOL ko kan nthothup rok nge gelngin, ya nge yag ni gu turguy e tin nib mat’aw, ma nge dab ku gu rus nggu weliy ngak e girdi’ nu Israel e denen ni yad be ngongliy.

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

Luke 23:11

Me par Herod nge pi salthaw rok ngu’ur moninggad ngak Jesus miyad be darifannag. Miyad yin’ ba mad nib n’uw ma bfel’ nga daken miyad pi’ ngan fulweg ngak Pilate.

Acts 17:18

Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

Acts 17:32

Ma nap’an nrung’aged e n’en ke weliy Paul ni murung’agen e fos ko yam’, me moning boch i yad ngak, machane boch i yad e ga’ar, “Gamad ba’adag ni ngam weliy ngomad murung’agen e ren’ey bayay.”

1 Korinth 9:6

Fa kemus ni go’ Barnabas nge gag e nggu muruwliyew e salpiy ni fan ko par romow?

Hebrews 11:36

Ma boch i yad e un moningnag ma yibe toy, ma boch i yad e ni m’ag nga nin’ nga kalbus.