Jeremiah 20:4 - Bible Ni Thothup

⁴ I SOMOL e ke ga’ar, ‘Bay gu gagiyeg nigem ngam mang tapgin e marus ni nge yib ngom nge ngak e pi tafager rom, ma bay mu guyrad ni yad gubin ni karm’ad ko pi saydon rok e pi to’ogor rorad. Bay gu tay urngin e girdi’ nu Judah nga tan gelngin e pilung nu Babylon; bayi fek boch i yad nga Babylon ngar kalbusgad, ma boch i yad e bayi thang e pogofan rorad.

Jeremiah 20:4 Σταυροειδείς Αναφορές

2 Kings 25:7

Ra thanged e fan rok fapi pumo’on ni fak Zedekiah u p’eowchen; ma aram me yog ni ngan luf lan mit Zedekiah ni ruw raba’, mi nin’ e chen ngak ngan fek nga Babylon.

Psalms 73:19

Nthang owcherad u lan ta’ab talab; wenegan ni yib ngorad ko tomur e gafgow nib gel!

Jeremiah 13:10

Pi girdi’ ni kireb ney e dubrad ni ngar folgad rog. Ri ta’reb farad gelan’ nge farad kireb, ma yad be tay fan ma yad be pigpig nga yug boch e got. Are ara’fan, ni bay ra boded fa yu lay i zubong ni dabki fel’.

Jeremiah 13:19

Yochi binaw u ba’ ni yimuch yu Judah e ka ni m’ag e mael ngorad; ni deryag ni nge thap be’ ngorad. Gubin e girdi’ nu Judah ma ka ni fekrad nga wuru’ e nam ni kalbus.”

Jeremiah 19:15

ni SOMOL ni Gubin ma Rayag Rok, ni ir e Got nu Israel e ke ga’ar, “Bay gu gagiyegnag urngin e gechig ni kugog ni bay gu pi’ nge yib nga daken e re binaw ney nge nga daken urngin e pi binaw nib chugur ngay, ni bochan e ka mu gel niged lanin’med ka mu pired ndab mmotoyilgad ko tin kugog.”

Jeremiah 20:6

Mi gur, Pashur, nge gubin e girdi’ ko tabinaw rom e bay ni kolmed ngan fekmed nga Babylon. Bay mum’ nga ni k’eygem u rom, ma ku er rogon urngin e pi tafager rom ni yad e kamog ngorad fapi thin nde riyul’.’”

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 29:21

“SOMOL ni Gubin ma Rayag Rok, ni fare Got rok yu Israel, e ke weliy murung’agen Ahab nib mo’on ni fak Kolayah nge Zedekiah nib mo’on ni fak Maaseyah, ni yow be lifith l’ugun row ngomed u fithingan SOMOL. Be yog ni bay i pi’ row nga tan gelngin Nebukadnezzar ni Pilung nu Babylon, ni ir e bayi thang e fan rorow u puluwon owchmed.

Jeremiah 46:5

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.

Jeremiah 52:24

Nebuzaradan, ni pilungen e salthaw e ki fek Serayah ni fare Prist ni Th’abi Ga’, nge Zefaniah, ni fare prist ni ir e mmigid ngak, nge ku dalip i tolang u Tempel ngar kalbusgad.

Jeremiah 52:27

Mu rom u Riblah ko nug nu Hamath e yog e pilung nu Babylon riy ni nga ni toyrad nge mu’ min li’rad ngarm’ad. Ara’ rogon nni fek e girdi’ nu Judah ni kar manged kalbus ngan chuwegrad ko nam rorad.

Jeremiah 6:25

Dabi math’ madgun romad ni nggu warod nga wuru’ e binaw, ara ug warod u lan e yu pa’ i kanawo’; ya pi to’ogor romad e ka ra feked talin e cham kar pired, ma ke th’abmad e marus.”

1 Samuel 2:33

Machane bay gu tay reb i owchem ni dab gu thang e fan rok, ma aram e bay i par ngi i pigpig ngog nrogon e prist. Ma bayi malmit nge chuwan’ ko urngin; ma urngin e pi’in owchen ni kayad bay e bay un li’rad ko saydon.