Jeremiah 20:16 - Bible Ni Thothup

¹⁶ Mang e yigi par ni bod fapi binaw ni kirebnag SOMOL nde runguy e girdi’ riy. Manga yigi rung’ag laman e gel’gel’ u fithik’ e amith ni kakadbul, nge laman e yabul ni be thow ni be yog e mael nike yib ko misiw’,

Jeremiah 20:16 Σταυροειδείς Αναφορές

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.

Jeremiah 18:8

ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Jeremiah 26:13

Thingar mu thiliyeged pangimed nge ngongol romed ngam folgad ko thin rok SOMOL ni ir e Got romed. Ma fa’an gimed ra rin’, ma ra thiliyeg laniyan’ ko riya’ nike yog ni bayi girengiy nga dakenmed.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Lamentations 4:6

Gechig nta’ ko girdi’ rog e ba almarin ko pi’in girdi’en yu Sodom, ni fare binaw ni gad Got pa’ ngay nge pil nib tomgin.

Ezekiel 21:22

Ma aram me yan i magey reb e gan e gat’ing u lan e ba’ ni mat’aw i pa’ ni fen yu Jerusalem! Nike yog ngak ni nge yan nge fal’eg rogon e bilgarog, me tolul ni ngan mael, ni ngan gad e bil garog ko pi garog, min fu’og e but’ ngalang, min ker e lra’.

Hosea 10:14

ma bay yib e mael ko girdi’ romed, ma urngin e pi binaw ni kam yaroriyed nib tolang ni fan ko mael e bay ni kirebnag. Ra bod fa rofen ni thirif Shalman ni Pilung fare binaw ni Betharbel u fithik’ e mael. Matin nge bitir e ni pirdi’iyrad u but’ ngarm’ad.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Hosea 13:14

Dab gu ayuweg e pi girdi’ ney u pa’ e fayleng ko yam’ ara gu lagrad u gelngin e yam’. Gur fayleng ko yam’ mfek e riya’ rom i yib! Dabki kireban’ug ko pi girdi’ ney.

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Amos 2:2

Bay gu pi’ e nifiy nga daken e nam nu Moab nge urfiy e pi naun ni bay u Kerioth ni ka ni ngongliy rogon ni fan ko mael. Piyu Moab e bay ram’ad u fithik’ i lingan e mael, ni be tolul e salthaw nge lingan e yabul ni yibe thoy.

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Jonah 3:4

Me yan Jonah ngalan e re binaw nem; me milekag nreb e rran nib polo’, me welthin ni ga’ar, “Ka aningeg i ragag e rran min kirebnag yu Nineveh!”

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Zefaniah 1:16

re rran nem e ra sug nga lingan e yabul ko mael nge laman e pi salthaw ni be tolul ko ngiyal’ ni yad be cham ko fapi binaw nge tafen e damit ni kan yororiy nrib tolang.

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”

Luke 17:29

Ma chirofen ni chuw Lot u lan e binaw nu Sodom, e yib e nifiy nge sulfur u lang nga daken yu Sodom ni aw ni bod e n’uw nge li’ e girdi’ riy ni yad gubin.

Deuteronomy 29:22

“Tin bay i yib e mfen ni pi’in owchemed nge pi girdi’ nu boch e nam nib palog e bay ra guyed e pi riya’ nge gafgow ni bayi pag SOMOL nge yib nga daken e nam romed.

Deuteronomy 29:23

Pi yungi milay’ e bayi par ndakuriy ban’en ni bfel’ ngay ya ke upunguy e sulfur nge sol. Dariy ban’en ni yira yung riy, mus ko pan ma ku dabki tugul riy. Nam romed e bayi par nike bod fa gali binaw nu Sodom ngu Gomorrah ni bay u Admah ngu Zeboiim, ni fa’a ni thirif SOMOL u but’ ko fangiyal’ ni kari damumuw.

2 Peter 2:6

I Got e gechignag e binaw nu Sodom ngu Gomorrah ya ni urfiy e gali binaw nem, ni aram e ke dag ngak e pi’in kireb e n’en nra rin’ ngorad ni fa’anra ur pired nib kireb e ngongol rorad.

Jude 1:7

Mu tafinay niged fare binaw nu Sodom nge binaw nu Gomorrah, nge tin ni bay e binaw u to’oben ni girdi’ riy e i ngongol ni bod e n’en ni rin’ fapi engel nra thum’gad nga wuru’ i mat’wunrad, ya girdi’ riy e ur ngongliyed e ngongol ko darngal, ma i darngalnag e pumo’on e pumo’on: kar gafgowgad ko gechig u fithik’ e nifiy ni dabi math bi’id, ni aram e kar manged puguran ngak urngin e girdi’.