Jeremiah 2:5 - Bible Ni Thothup

⁵ Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Jeremiah 2:5 Σταυροειδείς Αναφορές

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Psalms 115:8

Pi’in nra ngongliyed nge urngin e pi’in ke pagan’rad ngorad, e manga ra boded e pi liyos nem ni yad e ra ngongliyed!

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Isaiah 44:9

Urngin e girdi’ ni yad be ngongliy e liyos nma meybil yugu boch e girdi’ ngay e mm’ay farad, ma pi got nrib t’uf rorad e dariy farad. Pi’in yad be meybil ngak e pi got nem e yad mmalmit ma de tamilangan’rad, ma bay ra tamra’gad.

Isaiah 46:12

“Mu telmed ngog, gimed e girdi’ ni gelan’, ni gimed be leamnag ni gel ni ngam ted e kab mal’af.

Jeremiah 10:8

Yad gubin ni yad ba pinat ma yad bbalyang. Mang e yad ra fil rok e liyos ni ren?

Jeremiah 12:2

Mu yungrad, me yib liknginrad; miyad tugul nge yib wom’ngirad. Gubin ngiyal’ ma yad ma yognem nga fel’, ma dam t’uf u lanin’rad.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Jeremiah 2:4

Gimed e pi’in owchen Jakob, ni gimed e pi ganong nu Israel, mmotoyilgad ko thin nike yog SOMOL.

Jeremiah 8:19

Mmotoyil! Gu be rung’ag laman e girdi’ rog ni be yor u ga’ngin yang, “Gur dakimoy SOMOL u lan yu Zion? Gur pilung nu Zion e dekimo’ u rom?” I SOMOL ni pilung rorad e fulweg ni ga’ar, “Mangfan ni gimed be k’aring e damumuw ngog ko pi liyos romed ni gimed be tay fan nge siro’ ni gimed be tay ko pi got romed nu bang ni dariy fan?”

Ezekiel 11:15

“Fak e girdi’, girdi’ ni yad be par u Jerusalem e yad be weliy murung’agem nge pi’in girdi’en e nam rom ni yad ba kalbus u bang. Yad be ga’ar, ‘Pi kalbus e kay gur ma’lafgad nga orel ni nggu’ur liyorgad ngak SOMOL. Ma ke pi’ ngomad fare but’ ni nggu tafned.’

Ezekiel 14:5

Gubin fapi liyos ni kar pingeged yu Israel kar pi’ed keru’rad ngog, machane gu be athapeg ni fulweg rog e ra sulweg lanin’rad ngog.

Jonah 2:8

Pi’in yad be toer ngak fapi liyos ndabiyag ni ngar ayuwegned be’ e kar paged gur ni dakurir yul’yul’gad ngom.

Matthew 15:8

I Got e ga’ar, ‘Pi girdi’ ney e yad be tayfag ko thin ni yad be yog, machane rib mal’af lanin’rad rog.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Roma 1:21

Yad manang Got, machane darir ted fan nrogon ni ngan tayfan, ma darir pininged e magaer ngak. Ma tin ndariyfan e yad be leamnag ma lanin’rad ndariy ban’en riy e be par u fithik’ e lumor.

Deuteronomy 32:21

Tayfan ni yad be tay ko pi liyos rorad e ke karing e puwan’ ngog, gu damumuw ni bochan e yad be meybil ngak yug boch e got ni gathi yad e got. Ere bay gu gagiyegnag ba nam nib balyang girdi’en ngar k’aringed e puwan’ ngorad, ba nam ndariy rogon e girdi’ riy e bay gu maruwel ngorad ngar damumuwgad ni bochrad.

1 Samuel 12:21

Dab um leked e pi got ni go’ bogi ban’en; ya dabiyag ni ngar ayuweged gimed fa ra ayweged e pogofan romed, ni bochane gathiyad e bin rriyul’ e got.