Jeremiah 2:21 - Bible Ni Thothup

²¹ Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

Jeremiah 2:21 Σταυροειδείς Αναφορές

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Psalms 105:6

Gimed pifak Abraham ni tapigpig rok, pi pumo’on ni fak Jakob, ni ir e mel’eg!

Psalms 44:2

rogon ni go’ gur ma ga tuluf fa pi girdi’ ni dar nanged Got nga wuru e nam rorad, ma ga tay e tirom e girdi’ nga taferad ngar suwyed; nge rogon ni mu gechignag boch e nam, ma ga gagiyegnag e girdi’ rom nge fel’ rograd.

Psalms 80:8

Kam fek ba pa’ i grape u Egypt; ka mu tuluf girdi’en e fapi nam ma ka mu yung nga daken e binaw rorad.

Psalms 80:9

Kam tamilangnag mit ni nge tugul; ke yan lik’ngin nib to’ar’, ke fana’ daken e fare nam.

Exodus 15:17

Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.

Isaiah 1:21

Fare binaw ni i par nib yul’yul’ e be ngongol e chiney ni bod be’ ni bpin nib gathar! Bay ba ngiyal’ ni girdi’ nib mat’aw e i par riy, machane chiney e kemus ni go’ pi’in tamathang pogofan e kar magechgad riy.

Isaiah 27:2

Rofen nem e bayi yog SOMOL fare milay’ rok ni grape nib felan’ ngay ni nge ga’ar,

Isaiah 41:8

“Machane i gur Israel ni tapigpig rog, gimed e pi girdi’ ni ku gu mel’egmed, ni gimed e pi’in owchen Abraham ni fager rog.

Isaiah 5:4

Gur kabay ban’en ni gu pag nda gu rin’ ngay? Ere mangfan nike yib wom’ngin nib mugnin, ma gathi tin ni bfel’ e wom’ngin ni bod ni ug leamnag?

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Jeremiah 11:16

Immoy bingyal’ ni ug gog ni yad bod bake gek’iy ni olive nib dammal yuwan mab yo’or wom’ngin ni fefelel’; ma chiney e bay gu tolul nib lingan dirra’ mu gup’ e nifiy nga yuwan mu gu tet’ar papa’ngin.

Jeremiah 11:17

“I Gag, fare SOMOL ni Gubin ma Rayag Rok, e gu yung yu Israel ngu Judah; machane chiney e kugog ngorad ni nge yib e riya’ ngorad. Ka ra girngiyed e ran’ey nga dakenrad ni bochan e kireb ni ka ra ngongliyed; kar puged e damumuw rog ko maligach ni yad be pi’ ngak Baal.”

Jeremiah 5:10

Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.

Lamentations 4:1

Gol rodad ni immoy nib galgael e ke yim’ ram’en; fapi malang ko fare Tempel e ke wagagey u lan e yupa’ i kanawo’.

Ezekiel 15:2

Ni ga’ar, “Fak e girdi’, urgon i ta’rebnag ba kenggin e grape ko kenggin ba ke gek’iy? Ba mang e bfel’ u papangin e gek’iy ni grape ni yira ta’rebnag ko pi gek’iy u loway?

Matthew 21:33

Me ga’ar Jesus, “Kum telmed nga reb e fanathin. Immoy be’ ni bay e binaw ntafen ni yung bangi grape ngay, me yororiy, nge mu’ me ker ba low ni luwan ban’en ni nge uduy wom’ngin e grape riy, me tay tafen e damit riy nib tolang. Me pi’ fa gi woldug ngak e pi’in kar ninged ngak ni ngu’ur ayuweged ma yad be fek boch i wom’ngin, ma yad be pi’ boch ngak e en ni ir e milay’ rok ni puluwon. Ma aram me yan ko milekag.

Mark 12:1

Me ere non Jesus ngorad u fithik’ e fanathin ni ga’ar: “Immoy be’ nib mo’on ni yung bmilay’ i grape, nge mu’ me yororiy, me ker e low ni luwan e n’en ni nge uduy wom’ngin e grape riy, me tay tafen e damit riy nib tolang. Me pi’ fa gi woldug ngak e pi’in kar ninged ngak ni ngu’ur ayuweged ma yad be fek boch i wom’ngin ma yad be pi’ boch ngak ni puluwon, ma aram me yan ko milekag.

Luke 20:9

Ma aram me weliy Jesus e re fanathin ni ba’aray ngak e girdi’: “Immoy be’ nib mo’on ni yung ba mmilay’ i grape, me pi’ ngak e pi’in kar ninged ngak ni ngu’ur ayuweged, ma yad be fek boch i wom’ngin, ma yad be pi’ boch ngak ni puluwon, ma aram me yan ko milekag nib n’uw nap’an.

John 15:1

“I gag e bin riyul’ i kenggin e grape, ma Chitamag e ir e be ayuweg e woldug ni grape.

Deuteronomy 32:32

Pi to’ogor rorad e yad bod feni kireb yu Sodom nge yu Gomorrah, yad bod e woldug ni grapes nma yib wom’ngin nib mo’oy ma ba yub,

Deuteronomy 4:37

Ba t’uf pi chitamangimed rok me mel’eg e pi’in ni owcherad u fithik’ e girdi’ ni nge mang e tirok e girdi’, ma gelngin nrib gel e maruwel ngay nge fekmed nga wuru’ yu Egypt,

Joshua 24:31

Piyu Israel e ur pigpiggad ngak SOMOL u n’umngin nap’an ni kabfos Joshua, ma nap’an ni yim’ mu ur pired ni yad be pigpig ngak SOMOL u n’umngin nap’an ni kabfos e pi’in yad be yog e thin rok piyu Israel ma yad manang urngin ban’en ni i rin’ SOMOL ni fan ngak piyu Israel.