Jeremiah 2:17 - Bible Ni Thothup

¹⁷ Israel, i gur e kam girengiy e biney e pa’ nga dakenam! Ya mu pi’ keru’um ngog, I Gag SOMOL ni Got rom, fa ngiyal’ ni gu be pow’iyem i yan u daken e kanawo’.

Jeremiah 2:17 Σταυροειδείς Αναφορές

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

2 Kronicles 15:2

me yan ni nge mada’nag Asa ni Pilung. Me tolul ngak nib ga’ laman ni be ga’ar, “Asa ni Pilung mmotoyil ngog, nge gimed gubin e girdi’ nu Judah nge Benjamin! I SOMOL e bay romed u n’umngin nap’an ni gimed bay rok. Fa’an gimed ra gay, ma ra pagmed ngam patgad ngak, machane fa’an gimed ra pag, ma ra n’agmed.

BABYOR NI JOB 34:27

ni bochan e dakrir folwokgad rok ma kar sabalbalyang nigedyad ko gubin e tin ni yog.

BABYOR NI JOB 4:8

Kug guy e girdi’ nra gi’ed e but’ ni kireb ka ra yunged e kireb ngay ni bod rogon e awoch, ma chiney e ka ra tired wom’ngin ni kireb.

Psalms 107:7

Ya pow’iyrad u ba kanawo’ nib k’iy, nga bbinaw ni ir e ngar pired riy.

Psalms 136:16

I gafaliy e girdi’ rok u daken e ted ni desert; t’ufeg rok e ba manemus.

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Proverbs 15:10

Fa’an ga ra rin’ e n’en nib kireb, ma yira gechig nagem nib gel; ga ra yim’ ni fa’anra dab mu pag ngan yal’oweggem.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Isaiah 59:13

Kug togopluwgad ngom, ku gu pi’ed keru’mad ngom, ma da gur leked gur. Gamad be gafgownag boch e girdi’ ku gu paloggad rom. Leam romad e go’ ban, thin romad e go’ malfith.

Jeremiah 13:22

Fa’an gimed ra fith ko mang urngin e tiney nike buch romed — nge mang ni ka ni guchthuy e mad romed ka ni molegmed u gelngiy — ma fan e gafarig romed nib kireb.

Jeremiah 19:4

Bay gu rin’ e ren’ey ya girdi’ nu roy e ka ra n’iged gag ma kar ta’ay niged e gin’ey ko incense ni yad be urfiy ngar pi’ed ngak yugu boch e got, ni bogi got ni mus ngorad, ara pi chitamangirad, ara pi pilung nu Judah ma dar nanged murung’agen. Ka ra suguyed e gin’ey nga racha’en e girdi’ ndawori bucheg ban’en,

Jeremiah 2:13

girdi’ rog e ke ngongliy l’agruw i denen: ka ra pi’ed keru’rad ngog, ni gag fare alublub nib machalbog e ran riy; ma ka ra kired boch e low, ni low nike yaba’al yu yang riy ndabiyag ni nge mit e ran riy.”

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Jeremiah 4:18

Judah, kam girengiy e biney nga dakenam u rargom ni um par nge rogon e pin’en ni um rin’. Denen rom e ke k’aring e biney e gafgow; ya ke rag nga gumircha’em.

Jeremiah 44:3

ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.

Jeremiah 5:25

Machane pi denen romed e ke tay e pin’en nib manigil u orel romed.

Ezekiel 39:24

Gu pi’ ngorad e tin ndabisiy ni nge aw ngorad ni fan ni yad ba ta’ay nge gafarig rorad nib kireb, ma aram mu gu pi’ keru’ug ngorad.”

Hosea 13:9

“Gimed e girdi’ nu Israel, bay gu thirifmed u but’! Ma aram e mini’ e rayag rok ni nge ayuwegmed?

Mikah 1:5

Urngin e pin’ey ni bay yib ya girdi’ nu Israel e kar denen gad ma kar togopluwgad ngak Got. I mini’ e ba kireb e rok ko togopluw ni be tay piyu Israel? Yu Samaria, ni aram e tochuch ko fare gi nam. I mini’ e kireb rok ni yibe tayfan e liyos u Judah? Yu Jerusalem!

Numbers 32:23

Ma fa’anra da mu ted u gil’ e n’en ni kam og niged, ma nggog ngomed e chiney ni bay um denengad nib togopluw ngak SOMOL. Dabi maruwar u wun’med; ni yira gechig nagmed ni bochan e denen romed.

Deuteronomy 32:10

“I piri’egrad ni yad be yanyan u daken e ted ni desert, ni bangi ted nder par be’ riy ma ba gel e nifeng riy. Me par ni ir e ke mang yoror ngorad ma be ayuwegrad, ni bod feni t’uf lan mit rok.

Deuteronomy 32:19

“Fa’ani guy SOMOL ni aram rogon, me damumuw, me n’ag pifak ni pumo’on nge ppin.