Jeremiah 2:15 - Bible Ni Thothup

¹⁵ Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.

Jeremiah 2:15 Σταυροειδείς Αναφορές

BABYOR NI JOB 4:10

Pi’in nib kireb e yad be tolul ma yad be wa’achar ni bod e layon, machane Got e be thang lungrad ma be tet’ar nguwelrad.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Isaiah 1:7

Nam romed e ka ni kirebnag, ma pi binaw romed e ka ni urfiy. Gimed be guy girdi’en yugu boch e nam nike mangyad e ke gelfarad ko nam romed yad be gathay gubin ban’en riy.

Isaiah 24:1

I SOMOL e bayi kirebnag e fayleng nge par ni dakriy ban’en riy. Bayi lolopoy daken e fayleng me wagaynag e girdi’ riy.

Isaiah 5:29

Salthaw e ke mada’ lungrad ngalang ni bod lungun e pi gamanman ni layon ni ka ra li’ed ba gamanman ni yad be fek i yan ngabang ndariy be’ nrayag ni lag rorad.

Isaiah 5:9

Ku gu rung’ag lungun SOMOL ni Gubin ma Rayag Rok ni be ga’ar, “Urngin e pi naun ney nib ga’ ma ba manigil e ra par nike mogoth ni dakriy gathon.

Isaiah 6:11

Me lungug, “SOMOL, uw n’umngin nap’an ni nge par ni aray rogon?” Me ga’ar, “Nge mada’ ko ngiyal’ nike mogoth fapi binaw ni dakuriy be’ riy; ma pi naun ni bay riy e dakriy be’ nma par riy, nge ngiyal’ ni kann’ag e re nam ney ni dakriy ban’en ni bfel’ ngay.

Jeremiah 10:22

Mmotoyil! Ke taw e thin! Ke chub lingan’ ba nam i er ko lel’och; salthaw riy e bayi pingeg e pi binaw nu Judah nge ngal’ ni bang i ted ni desert, ni aram e gin ma par e jackal riy.”

Jeremiah 25:30

“Jeremiah, gur e thingar mu weliy gubin ban’en ni kugog. Ni ngar mog ko pi girdi’ ney ni nge lungum, ‘I SOMOL e bayi non nib ga’ laman u tharmiy ni bod e dirra’ ko yungin th’abi tolang u tharmiy. Bayi non nib almarin nib togopluw ko girdi’ rok; me tolul nib ga’ laman ni bod be’ ni be pirdi’iy e grape. Urngin e girdi’ nu fayleng ni yad ra rung’ag laman,

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 26:9

Mangfan ni kamog u fithingan SOMOL ni re Tempel ney e bayi bod yu Shiloh, ma bay ni kirebnag e re binaw ney, ma dakuriy be’ nra par u langgin?” Ma aram me liyegneg e girdi’.

Jeremiah 33:10

I ga’ar SOMOL, “Be yog e girdi’ ni re binaw ney e ke bod bangi daken e ted, ndariy e girdi’ fa gamanman ni be par riy. Ba rriyul’ e n’en ni yad be yog; pi binaw nu Judah nge yu pa’ i kanawo’ u Jerusalem e dariy ban’en riy; ya dariy e girdi’ ara gamanman nma par u rom. Machane ku yuyangi n’ey e ga ra rung’ag bayay riy

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Jeremiah 5:6

Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 51:38

Piyu Babylon e go’ ra tolulgad ni bod e layon miyad gowol ni bod pifak e layon.

Jeremiah 6:8

Gimed e girdi’ nu Jerusalem, mu paged e pi oloboch ney nge mang ba ginaeng ngomed ya ra dangay mu gu ra n’agmed; bay gu pilyeg lan binaw romed nge ngal’ ni bang i ted ni desert, ni bang i n’en ndariy be’ nra par riy.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Ezekiel 36:3

“Mu yi’iy, mag weliy e n’en ni Gag SOMOL ni Th’abi Tolang e gu be yog. Nap’an ni kol fapi nam ni yad bbuguliyoror, e pi burey nu Israel ngar giliw niged, ma gubin e girdi’ ni i minmin ngak yu Israel.

Ezekiel 5:14

Gubin e girdi’ ko pi nam u to’bem i yan e bay u ranod u to’bem ma yad be pilig owcharad romed ma yad be galngeg yad romed.

Hosea 11:10

“Girdi’ rog e bay ra leked gag ko ngiyal’ ni gu ra tolul ni bod ba layon ngak e pi to’ogor rorad. Bay rabad ko ngal i yib ngog ni yad ba gur.

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Amos 3:12

Be ga’ar SOMOL, “Rogon ba layon ni be longuy ba saf me yib be’ nma gafaliy e saf i laeg rok l’agruw raba’ i ay fare saf ara ta’ab raba’ i yuwan tel, e aram rogon ni bayi ayuweg Got piyu Israel ni be par u Samaria — rib lich i yad e bayi fos. Ma chiney e yad ba thig u daken e pi couch ni tolang puluwon.”

Amos 3:4

Gur rayag ni nge tolul ba layon u magerger ni ba ga’ laman ni fa’anra dawori pir’eg ba gamanman ni nge og ngak? Gur rayag ngi i tolul ba layon ni kab bitir u lan tafen ni fa’anra dawori kol ban’en?

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Nahum 2:11

Ere bu uw fare binaw e chiney ni fa’an gowa tafen e layon, ni aram e gin un durwi’iy pifak e layon riy, ni ku aram e gin ma yan e layon ni pumo’on nge ppin ngay ngu’ur ayweged pifakrad riy ni dabi buch ban’en rorad?

Zefaniah 1:18

Rofen nem e rra dag SOMOL gelngin e damumuw rok, ni mada’ nga urngin e silber nge gol rorad e dabyag ni nge aywegrad. Ga’ngin e fayleng ni bayi mogothgoth nga nifiyen e damumuw ni talyag rok. Ma bayi museg e yafos rok urngin e girdi’ nu fayleng nrib tomgin.

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Zefaniah 3:6

Be ga’ar SOMOL, “Kug thirif e pi nam ni polo’ u but’; ma kug gathay e pi binaw rorad ke par e pi yoror nge pi tafen e damit riy ni dakriy woton u but’. Fapi binaw e dakriy be’ riy; ma yupa’ i kanawo’ e dakriy be’ ni be yan riy, ya dariy be’ ni magach.

Zekariah 11:3

Pi tayugang’ e yad be yor u fithik’ gafgowan’; ya ke chuw fel’ngirad! Mmotoyilgad nga laman e pi gamanman ni layon ni yad be tolul, ya ke mogoth e loway ni taferad u charen e lul ni Jordan!

Judges 14:5

Me yan Samson nga Timnah ni yad e chitamngin nge chitiningin. Ma nap’an ni yad be sor i yan ko gin ka ni yung e grapes riy, me rung’ag laman ba layon ni kab bitir nike puw ni mak’ad ngak.