Jeremiah 19:2 - Bible Ni Thothup

² nggu warod u langan fare garog ni fithingan e Th’ib Nib Pil ngalan fare Loway ni Hinnom. U rom e nggu weliy riy e thin rok nike pi’ ngog ni nggu weliy.

Jeremiah 19:2 Σταυροειδείς Αναφορές

2 Kings 23:10

miki kirebnag Josiah ni Pilung yu Tofeth ni bay u lan e loway u Hinnom, ni yima meybil riy ngak yugu reb e got, ni fan e nge dakuriy be’ ni nge pi’ fak ni pumo’on ara ppin nga ni urfiy u rom ni maligach ngak fare got ni Molek.

2 Kronicles 28:3

me urfiy e incense u lan e Loway ni Hinnom, ma mus nga pifak ni pumo’on me pi’ ni maligach ni mo’oruf ngak bogi liyos, be yan u ya’an e pin’en nib sonogor ni i rin’ e girdi’ nike tulufrad SOMOL nga wuru’ fare nam nu Israel u m’on nrabad ra tafnayed.

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

Nehemiah 3:29

Zadok nib mo’on ni fak Immer e ubung e gin migid, ni bay u mit e naun rok. Shemaiah nib mo’on ni fak Shekaniah ni tamatnag ko fare Garog ni Ngek, e ubung e gin migid.

Jeremiah 1:7

Machane me ga’ar SOMOL ngog, “Dabmog ni kayigi gel fanam bitir, ya ngam man ngak e girdi’ ni bay gu pi’em ngam man ngorad, ma ga weliy ngorad urngin e tin bay gog ngom ni ngam weliy.

Jeremiah 11:6

Ma aram me ga’ar SOMOL ngog, “Mman ko pi binaw nu Judah nge yupa’ i kanawo’ nu Jerusalem. Ma ga weliy e thin rog u rom ngamog ko girdi’ ni ngar motoyilgad nga rargon fare m’ag ngar folgad riy.

Jeremiah 18:2

“Mman nga p’ening nga tabinaw rok fa’nem nma ma’ th’ib, mu rom e bay gu non ngom riy.”

Jeremiah 26:2

me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Jeremiah 3:12

I yog ngog ni nggu wan gga’ar ngak Israel, “Israel, ni dariy e yul’yul rom, mu sul ngog. Ya gag e gub marnguy ma dab gu par ni gub damumuw; dabi par e damumuw rog ngom ndariy n’umngin nap’an.

Jeremiah 32:35

Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Jonah 3:2

“Mu fal’eg rogom ngam man nga Nineveh, ni fare binaw nib ga’ ngamog lungug ko girdi’ riy.”

Matthew 10:27

Ma n’en ni gu be yog ngomed u fithik’ e lumor e thingar mogned ni rran, ma n’en ni kam rung’aged nde rung’ag e girdi’ e thingar mu weliyed u daken e naun.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Acts 5:20

“Mmarod mu sak’iygad ngalan e Tempel ngam weliyed ngak e girdi’ urngin ban’en ni murung’agen e biney e pangin nib be’ech.”

Joshua 15:8

me sor nga talang nge yan u lan fare Loway ni Hinnom ni bay u ba’ ni yimuch ko fachi burey, ni aram e gin’en u Jerusalem ni immoy fare binaw rok piyu Jebus riy. Miki forthog fare mathil u rom ngalang nga p’ebgul fachi burey u ba’ ni ngal ko fare Loway ni Hinnom, ni bay u ley ni lel’och ko fare Loway ni Refaim.