Jeremiah 18:8 - Bible Ni Thothup

⁸ ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Jeremiah 18:8 Σταυροειδείς Αναφορές

2 Kronicles 12:6

Fare pilung nge fapi tagafal e rogned ni kar denengad, me lungurad, “N’en ni be rin’ SOMOL e bmat’aw.”

Psalms 106:45

Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

Psalms 135:14

I SOMOL e ra n’ufeg e girdi’ rok; ma ra i kirban’ ngak e pi tapigpig rok.

Psalms 90:13

A SOMOL, uw n’umngin nap’an ni ngki par e damumuw rom? SOMOL mu runguy e pi tapigpig rom!

Exodus 32:12

Mang ni ngam pag piyu Egypt nge yag ni lungurad, ‘I waliy e girdi’ rok nga wuru’ yu Egypt ya ke leamnag ni nge li’rad u fithik’ e burey nge math owcharad ni yad gubin’? Mu pag e damumuw rom nib gel ngam thiliyeg lanin’um, ngam pag ndab mfek e binir e riya’ i yib ngak e girdi’ rom.

Exodus 32:14

Ma aram me thiliyeg SOMOL laniyan’, ma daki fek fare riya’ i yib ngak e girdi’ rok ni fa’ani yog ni nge rin’.

Jeremiah 12:16

Fa’anra m’ag u lanin’rad e taliw ko tirog e girdi’ ma yad ra micheg nga fithingag ni ngar ga’argad, ‘Bod rogon SOMOL ni be par nib fos’ — ni bod ni ka’ar filed ngak e girdi’ rog ni ngu’ur mowgad nga fithingan Baal — ma aram e bay ku ra manged boch e girdi’ rog nge fel’ rograd.

Jeremiah 15:6

Gimed e ka mu n’iged gag; ka mu pi’ed keru’med ngog. Ere ku gu k’iyag pa’ag ku ggad ngomed ka mu masengseng gad, ya kug dabuy e k’adan’.

Jeremiah 26:13

Thingar mu thiliyeged pangimed nge ngongol romed ngam folgad ko thin rok SOMOL ni ir e Got romed. Ma fa’an gimed ra rin’, ma ra thiliyeg laniyan’ ko riya’ nike yog ni bayi girengiy nga dakenmed.

Jeremiah 26:19

Hezekiah ni ir e pilung nu Judah nge girdi’ rok e dar thanged e fan rok Mikah. Ya Hezekiah e yib madgun SOMOL ngak me guy rogon ni nge fel’ u wan’ SOMOL. Ma aram me thiliyeg SOMOL laniyan’ ko fare riya’ ni weliy ni bay girengiy nga dakenrad. Are gadad e chiney e ngad girngiyed e riya’ nib gel nga dakendad.” (

Jeremiah 26:3

Ya sana yad ra motoyil ngom miyad pag e pi kireb ni yad be ngongliy. Fa’an yad ra rin’, ma aram e gu ra thiliyeg lanin’ug ko gechig ni kug leamnag ni ngug girengiy nga dakenrad ni bochan e kireb ni yad be rin’.”

Jeremiah 36:3

Ya dabisiy nra rung’ag piyu Judah murung’agen urngin e riya’ ni ku gu finey ni ngu fek nga dakenrad, ma aram e dabisiy ni yad urngin ni yad ra pi’ keru’rad ko kireb ni yad be ngongliy. Mu gu n’ag fan u wun’ug e kireb rorad nge denen rorad.”

Jeremiah 42:10

‘Fa’anra ba m’ag u wan’med ni ngkum pired u daken e re nam ney, ma bay gu ubungimed ngalang ma gathi nggu buthugmed nga but’; bay gu yungmed ma gathi nggu pugmed ngalang. Fare riya’ ni gu fek nga dakanmed e ke kireban’ug ngay.

Ezekiel 18:21

“Be’ nib kireb e fa’anra tal ndabki denen ngi i fol ko fapi motochiyel rog, me rin’ e tin nib mat’aw ma bfel’, ma dabki yim’; ya kari muduwgil nike yag e yafos ngak.

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?

Ezekiel 33:12

“Fak e girdi’, mu weliy ngak e girdi’ nu Israel ni fa’anra be par be’ nib mat’aw me tabab ko denen, ma tin ni bfel’ ni i rin’ e dabiyag ni nge ayuweg fa’anem ni nge dab kun gechignag. Fa’anra bay be’ nib kireb me tal ndabki rin’ e kireb, ma dabki aw e gechig ngak, ma be’ nib mat’aw e fa’anra tabab i ngongliy e denen, ma dabiyag ni nge dab ni gechignag.

Ezekiel 33:13

Fa’an mang e ku gu micheg e yafos ngak be’ ni bfel’, machane me leamnag nike gaman e tin ni bfel’ nike rin’, me tabab ngi i denen, ma aram e gag e bay gu pagtilin fa pin’en ni bfel’ ni i rin’, ma ir e bayi yim’ ni bochan e denen rok.

Ezekiel 33:14

Fa’anra gu ginaeng be’ nib kireb ni gu be yog ngak nra yim’, machane me tal ndaki denen me pig nge rin’ e tin nib mat’aw ma bfel’ —

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Deuteronomy 32:36

I SOMOL e bayi ayuweg e tirok e girdi’ u pa’ e to’ogor rorad ko ngiyal’ nra guy ni kem’ay gelngirad. Bayi runguy e pi’in yad be pigpig ngak ko ngiyal’ nra guy ni’in i yad e ke magey.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.