Jeremiah 18:20 - Bible Ni Thothup

²⁰ Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 18:20 Σταυροειδείς Αναφορές

BABYOR NI JOB 6:27

Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak, ma kigmed be libeg ni ngam fla’abgad u puluwon e pi tafager nth’abi chugur ngomed!

Psalms 106:23

Nap’an ni yog Got nra thang owchen e girdi’ rok, me Moses nike mel’eg ni tapigpig rok, e sak’iy nga thilin e girdi’ nge Got nge taleg e damumuw rok Got ndabi thang owcharad.

Psalms 119:95

Girdi’ nib kireb e yad be son ni ngar thanged e pogofan rog, machane bay ug leamnag e motochiyel rom.

Psalms 35:12

Kireb e yad be sulweg ngog ni puluwon e manigil, ma ri ma mulan’ug.

Psalms 35:7

Dariy tapgin ni karted e wup ni nggu aw ngay ma kar kired ba low nib to’ar ni nggu mul ngay.

Psalms 38:20

Pi’in yad ma fulweg puluwon e fel’ ni kireb e yad be togopluw ngog ni bochan e gu be guy rogon ni nggu fel’.

Psalms 57:6

Ke pag e pi to’ogor rog bangi nug ni nggu aw ngay; kari paraw lanin’ug. Ka ra kired ba low u lane kanawo’ rog, machane yad e kar mulgad nga langgin.

Psalms 7:15

Machane pi wup ni kar ngongliyed ni fen yug boch e girdi’, e ku yad e yad be aw ngay.

Proverbs 17:13

Fa’an ga ra fulweg taban e fel’ ni kireb, ma dariy e ngiyal’ nra chuw e kireb u naun rom.

Proverbs 26:27

Girdi’ nma tay e wup ni nge aw boch e girdi’ ngay e yad e yad ma aw ngay. Girdi’ nma tabab i lobbiy e malang e yad e ra lobeb nga dakenrad.

Eklesiastes 10:8

Fa’an ga ra ker e low, ma ga ra mul nga langgin; ma fa’an ga ra bilig e rungrung nga barba’, mra k’adem e porchoyog.

Jeremiah 11:14

Jeremiah, dab meybil ngog ara mu wenig ngog ni fan ko pi girdi’ ney. Ya nap’an nra yib e magawon ngorad miyad ning e ayuw ngog, ma dab gu motoyil ngorad.”

Jeremiah 14:20

SOMOL, riyul’ ni ku gu ngongliyed e kireb; ma ku er rogon pi chitamangimad ni ur ngongliyed e kireb, ku gu ngongliyed e kireb nib togopluw ngom.

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Jeremiah 18:19

Me meybil Jeremiah ni ga’ar, “SOMOL, mu telim ko n’en ni gu be yog, ma ga telim ko pin’en ni be yog e pi to’ogor rog ni murung’ageg.

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.

Jeremiah 27:18

Fa’anra rriyul ni yad e profet ni thin rog e kar feked i yib, ma yad ra wenig ngog, ni Gag, fare SOMOL ni Gubin ma Rayag Rok, ni dab gu pag e machaf ni aw u Tempel ngu tafen e pilung ni ngan fek nga Babylon.” (

Jeremiah 5:26

“Girdi’ nib kireb e yad be par u fithik’ e girdi’ rog; yad be pach yad be son ni bod e girdi’ nma pag e nug ni nge kol e arche’ ngay, machane wup ni yad be tay e girdi’ e ngar koled ngay.

Jeremiah 7:16

Me ga’ar SOMOL, “Jeremiah, dab ku um pi’ e meybil rok e pi girdi’ ney. Dab ku um yor ara um meybil ni fan ngorad; ma dab ku um wenig nagrad ngog, ya dab ku gu motoyil ngom.

Lamentations 3:59

Mu fol ngog; ya gamnang e kireb ni kan rin’ nib togopluw ngog.

John 10:32

Me ga’ar Jesus ngorad, “Bo’or e ngongol ni bfel’ ni kug rin’ u p’eowchemed ni Chitamag e pi’ ngog ni nggu rin’; ere bin ngan u fithik’ e ngam malang niged gag ni bochan?”

John 15:25

Machane thangri aw ni aray rogon, ya nge yib i m’ug nib riyul’ e tin kan yoloy ngalan e Motochiyel rorad ni ga’ar, ‘Kar fanenikayed gag ndariy tapgin.’

1 Samuel 19:4

Me yan i weliy Jonathan fel’ngin David ngak Saul ni ga’ar, “Dab mu rin’ ban’en nib kireb ngak e tapigpig rom i David. Ya dariy ban’en nib kireb nike ngongliy ngom; ya urngin e tin ke rin’ e kefel’ rogom riy.