Jeremiah 18:19 - Bible Ni Thothup

¹⁹ Me meybil Jeremiah ni ga’ar, “SOMOL, mu telim ko n’en ni gu be yog, ma ga telim ko pin’en ni be yog e pi to’ogor rog ni murung’ageg.

Jeremiah 18:19 Σταυροειδείς Αναφορές

2 Kings 19:16

SOMOL, mu sap ko n’en ni kani rin’ ngomad. Mmotoyil nga urngin e thin nib kireb ni be yog Sennakerib ni be darifan nigem, ni gur Got ni gab fos.

Nehemiah 6:9

Yad be guy rogon ni nggu rusgad nggu talgad ko maruwel. Mu gu meybil ni lungug, “Got mu gel nigeg e chiney!”

Psalms 109:28

Go manga yad ra yibilayeg, machane ga ra fal’eg wa’athag. Mang e yigi waer e pi’in yad be gafgow nigeg, me mang gag ni tapigpig rom e gu felan’.

Psalms 109:4

Yad be togopluw ngog, ni yug aram rogon ni yad bt’uf rog ni gu ma pi’ e meybil ni farad.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

Lamentations 3:59

Mu fol ngog; ya gamnang e kireb ni kan rin’ nib togopluw ngog.

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.