Jeremiah 18:16 - Bible Ni Thothup

¹⁶ Ka ra ted e re nam ney nike tamdag ya’an, ni nge chuwan’iy riy ndariy n’umngin nap’an. Urngin e girdi’ ni bay ranod u to’oben e bay ra gin gad ko n’en ni yad nra guy, bay ur chichingeged lolugenrad nike balyangan’rad.

Jeremiah 18:16 Σταυροειδείς Αναφορές

1 Kings 9:8

Ma bayi par e re Tempel ney nib puth, ma urngin e girdi’ ni bay urbad u charen ngranod e yad ra gin ngay me lungurad, ‘Mang nike yodoro’nag SOMOL e re nam ney nge re Tempel ney?’

2 Kronicles 29:8

Bochan e ren’ey ma ka be par SOMOL nib damumuw ngak yu Judah nge yu Jerusalem, ma n’en nike rin’ ngorad e ke gin ma ke tamdag gubin e girdi’ ngay. Gimed manang e ren’ey nrib fel’ rogon.

Psalms 109:25

Nap’an nra guyeg e girdi’ miyad minmin ngog; miyad chichingeg lolgerad u fithik’ e migrig.

Psalms 22:7

Urngin e girdi’ ni yad ra guyeg miyad moning nigeg; miyad pi’ bolowthrad nga tamilang ngar chingchingeged lolugrad ngog me lungurad,

Psalms 44:14

Kam tabnathin nagmad ku gu makak’argad u fithik’ e pi nam; yad be chichingeg lolugrad ngomad ni yad be girig.

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Isaiah 6:11

Me lungug, “SOMOL, uw n’umngin nap’an ni nge par ni aray rogon?” Me ga’ar, “Nge mada’ ko ngiyal’ nike mogoth fapi binaw ni dakuriy be’ riy; ma pi naun ni bay riy e dakriy be’ nma par riy, nge ngiyal’ ni kann’ag e re nam ney ni dakriy ban’en ni bfel’ ngay.

Jeremiah 19:8

Bay gu girngiy ba riya’ nib ga’ nga daken e re binaw ney ni urngin e girdi’ ni yad ra yan u to’oben ma yad ra da’da’ miyad gin ko n’en ke rin’.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 29:18

Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Jeremiah 42:18

“SOMOL ni Got nu Israel e be ga’ar, ‘Ri bod rogon ni map’ e damumuw rog nib gel nga daken e girdi’ nu Jerusalem, e ku aram rogon ni yira pu’og nga dakenmed ni fa’an gimed ra yan nga Egypt. Bayi tamdag ya’amed; girdi’ e bay ur moning niged gimed ma bay ra ted fithingimed ni kemang ba yaba’. Ma dakriy bi’id ni kigimed ra guy e re gin’ey bayay.’”

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Jeremiah 48:27

Moab, ka gamnang rogon ni um moningnag e girdi’ nu Israel. U mog e thin ni kireb ngorad ni gowa bogi mororo’?

Jeremiah 49:13

I gag e kug micheg ni fare binaw nu Bozrah e ra tamdag ya’an me par ni bangi daken e ted; girdi’ e bayi moningnag mu u roged fithingan nike mang ba yaba’. Gubin e yochi binaw u charen e ra mogothgoth ni dabki fel’ bi’id. I Gag SOMOL e kugog e pi thin ney.”

Jeremiah 49:17

I SOMOL e ke ga’ar, “Riya’ ni nge yib nga daken yu Edom e ba gal e marus riy ni gubin e pi’in yad ra yan u charen e yad ra dada’ ngay miyad rus.

Jeremiah 50:13

Bochan e damumuw rog me par yu Babylon ni dakriy be’ riy; ra par ni dakriy woton u but’, ma gubin e pi’in bay u ranod u rom e bay ra dada’gad ngay nike gin lanin’rad.

Jeremiah 51:37

Re binaw nem e bayi par ni dakriy woton u but’ ni go’ gamanman ni malboch e ma par riy. Nike tamdag ya’an ni dakriy be’ nra par u rom, gubin e pi’in yad raguy miyad ra dugow.

Jeremiah 51:43

Pi yochi binaw u charen i yan e pig ya’an nga bang ke bod lan e ted ni dariy e ran riy, ni dakriy be’ nma par riy fa milekag riy.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Lamentations 1:12

Be yor ngak gubin e pi’in yad be yan u to’oben, “Musap ngog, Dariy be’ ni ka’eta’ ba amith ni bod e birog e amith, Nib amith ni SOMOL e kefek nga dakenag ko fa ngiyal’ nike damumuw.

Ezekiel 12:19

Mog ngak fare nam ni ga’ngin ni irera’ e thin rok SOMOL ni Th’abi Tolang ngak e girdi’ nu Jerusalem ni ku yad be par u daken e re binaw rorad nem: Bay ra t’on gad ko ngiyal ni yad be abich ma yad be dada’ ko marus ko ngiyal’ ni yad be garbad. Re but’ rorad nem e bay gu fathiy e upong u daken, ya gubin e girdi’ ni be par riy e dakriy yarmen ko wodmang.

Ezekiel 27:36

Kam malog ni dabkum sul bi’id, ma pi tasiyobay u ga’ngin e fayleng e kar digowgad, ma kar rusgad nrichey me buch rorad e tin ke buch ngom.”

Ezekiel 36:3

“Mu yi’iy, mag weliy e n’en ni Gag SOMOL ni Th’abi Tolang e gu be yog. Nap’an ni kol fapi nam ni yad bbuguliyoror, e pi burey nu Israel ngar giliw niged, ma gubin e girdi’ ni i minmin ngak yu Israel.

Ezekiel 6:14

Aram rrogon, bay gganam ngug gathay e nam rorad. Bay gu gagiyegnag but’an nge par ni dakriy ban’en ni bfel’ riy, ni mus ko ted u yimuch nge mada ko binaw nu Riblah ko lel’och, dariy bang nma par yu Israel riy ni gu ra pag. Ma aram e gubin e girdi’ nra nang ni Gag fare SOMOL.”

Levitikus 26:32

Bay gu thirif e binaw romed nge m’ay taliwen u but’, nge gin e pi to’ogor ni karab ra pired ngay nga gelngin e re mogothgoth nem.

Levitikus 26:43

Machane som’on e fare but’ e nge chuweg e girdi’ u daken, ya nge yag ni felan’ nge toffan ni bfel’ rogon, ma thingar ranod u fithik’ e gechig nge mus rogon, ni fan e kar pi’ed keru’rad ko motochiyel rog nge tin gog ni ngan rin’.

Mikah 6:16

Bayi buch e pin’ey ya kam folwokgad ko kireb ni i ngongliy Omri ni Pilung nge fare pumo’on ni fak, i Ahab ni Pilung. Ya kam pired ni gimed be folwok ko tin ur rin’ew, ere bay gu kireb nagmed me dabuy gubin e girdi’ dakanmed.”

Matthew 27:39

Ma pi’in yad be yib ngu’u ranod ko gin’em e ur chichingeged lolugrad mu urogned e thin nib kireb ngak Jesus ni be lungurad,

Mark 15:29

Ma pi’in yad be yib ngu’u ranod ko gin’em e ur chichingeged lolugrad mu urogned e thin nib kireb ngak Jesus ni be lungurad, “Aha, i gur faram e mfiney ni ngam buthug e Tempel ngam toy u lan dalip e rran nge m’ay!

Deuteronomy 28:59

mra pag e m’ar ndariy falyen nge liliy nrib kireb ma dabiyag i taleg nge yib ngomed nge pi’in owchamed.

Deuteronomy 29:23

Pi yungi milay’ e bayi par ndakuriy ban’en ni bfel’ ngay ya ke upunguy e sulfur nge sol. Dariy ban’en ni yira yung riy, mus ko pan ma ku dabki tugul riy. Nam romed e bayi par nike bod fa gali binaw nu Sodom ngu Gomorrah ni bay u Admah ngu Zeboiim, ni fa’a ni thirif SOMOL u but’ ko fangiyal’ ni kari damumuw.