Jeremiah 18:11 - Bible Ni Thothup

¹¹ Ere mog ngak piyu Judah nge pi’in yad be par u Jerusalem ni gu be leamnag e togopluw ngorad, ma gu be fal’eg rogog ni nggu gechig nagrad. Mog ngorad ni ngar tal gad ndab ku ra pired u fithik’ e denen, miyad thiliyeg pangirad nge pin’en ni yad be rin’.

Jeremiah 18:11 Σταυροειδείς Αναφορές

Genesis 11:7

Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”

1 Kings 22:23

Me ul ul Mikayah ngay nge ga’ar, “Kam guy, i SOMOL e ke pag ba kan nma lifith l’ugun ke yib i lifith l’ugun ngom u l’ugun e pi profet rom ney. Machane ke turguy SOMOL ni riya’ e nge yib ngom.”

2 Kings 17:13

Ma ke l’oeg SOMOL e pi mol’og rok nge pi profet ni ngar ginanged yu Israel nge yu Judah ni ga’ar, “Mu paged e pi ngongol romed ni kireb mi gimed fol ko pin’en ni kugog ni ngan rin’, ni bay u lan fare Motochiyel ni gu pi’ ngak e pi chitamangimed kakrom, ma ku ir e gu pi’ ngomed u daken e pi profet ni tapigpig rog.”

2 Kings 22:13

“Marod ni gimed owcheg nge owchen yu Judah ni yad gubin ngam fithed SOMOL u murung’agen e motochiyel ni bay ko re ke babyor ney. Ke damumuw SOMOL ngodad, ni bochan e pi ga’ rodad kakrom nda ur folgad ko pin’en ni be yog e re ke babyor ney ni ngan rin’.”

2 Kings 5:5

Me ga’ar fare pilung ngak, “Mfek e re gi babyor ney ngam man mpi’ ko pilung nu Israel.” Me yan Naaman nike fek ragag e biyu’ yang e silber, nge nel biyu’ yang e gol, nge ragag madan e madnom.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

Isaiah 57:1

Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

Jeremiah 11:11

Ere chiney, e Gag SOMOL e gu be ginangrad ni nggu wan gu girengiy e riya’ nga dakenrad, ni dabiyag ni ngar thaygad riy. Ma nap’an e yad ra yornag e ayuw ngog, ma dab gu motoyil ngorad.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 19:15

ni SOMOL ni Gubin ma Rayag Rok, ni ir e Got nu Israel e ke ga’ar, “Bay gu gagiyegnag urngin e gechig ni kugog ni bay gu pi’ nge yib nga daken e re binaw ney nge nga daken urngin e pi binaw nib chugur ngay, ni bochan e ka mu gel niged lanin’med ka mu pired ndab mmotoyilgad ko tin kugog.”

Jeremiah 19:3

I SOMOL e yog ngog ni nge lungug, “Mu telmed e pi pilung nu Judah nge girdi’ nu Jerusalem ko tin ngugog, I Gag, fare SOMOL ni Gubin ma Rayag Rok, ni gag e Got rok piyu Israel. Aram e nggu fek i yib ba riya’ nga daken e re gin’ey ni urngin e pi’in yad ra rung’ag murung’agen e ra gin lanin’rad ngay.

Jeremiah 25:2

Gog ngak urngin e girdi’ nu Judah ngu Jerusalem ni lungug,

Jeremiah 25:5

Yad be yog ngomed ni ngam paged kanowo’med ni kireb nge pin’en ni kireb ni gimed be rin’, ya nge yag ni ku’um pired ko binaw ni pi’ SOMOL ngomed nge pi chitamangimed ni ngam tafned ni dariy n’umngin nap’an.

Jeremiah 26:13

Thingar mu thiliyeged pangimed nge ngongol romed ngam folgad ko thin rok SOMOL ni ir e Got romed. Ma fa’an gimed ra rin’, ma ra thiliyeg laniyan’ ko riya’ nike yog ni bayi girengiy nga dakenmed.

Jeremiah 26:3

Ya sana yad ra motoyil ngom miyad pag e pi kireb ni yad be ngongliy. Fa’an yad ra rin’, ma aram e gu ra thiliyeg lanin’ug ko gechig ni kug leamnag ni ngug girengiy nga dakenrad ni bochan e kireb ni yad be rin’.”

Jeremiah 3:1

Be ga’ar SOMOL, “Fa’anra n’ag be’ nib mo’on le’engin, me yan fare pin nge yan i mang le’engin yug reb e pumo’on, ma dabki fulweg fare pin ngak bayay. Biney e rib muduwgil nra ta’aynag e binaw. Israel, machane gur e bo’or pi ilingem, ma ke chiney ma ka mu finey ni ngam sul ngog!

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Jeremiah 35:15

Kug par ni yuggu be l’oeg e pi profet ni tapigpig rog ngomed, ngu u roged ngomed ni ngam paged ngongolmed ni kireb ngam rin’ed e n’en nib mat’aw. Yad be ginangmed ni dab kum tedfan mi gimed pigpig nga yug boch e got, ya nge yag ni ngkum pired u daken fare nam ni kug pi’ ngomed nge pi chitamangimed. Machane damur motoyilgad ngog ara mu tiyan’med ko tin kugog.

Jeremiah 36:3

Ya dabisiy nra rung’ag piyu Judah murung’agen urngin e riya’ ni ku gu finey ni ngu fek nga dakenrad, ma aram e dabisiy ni yad urngin ni yad ra pi’ keru’rad ko kireb ni yad be ngongliy. Mu gu n’ag fan u wun’ug e kireb rorad nge denen rorad.”

Jeremiah 36:7

Ya dabisiy ni yad ra meybil ngak SOMOL miyad pi’ keru’rad ko kireb ni yad be ngongliy, I SOMOL e bay e tin keyog nra buch ko pi girdi’ ney u fithik’ e damumuw rok nib gel.”

Jeremiah 4:1

Be ga’ar SOMOL, “Girdi’ nu Israel, fa’anra gimed ba’adag ni ngam sulod, ma ere mu sulod ngog. Ma fa’anra mu yul’yul’gad ngog nga mu chuweged e pi liyos ni gub fananikay,

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 4:23

Gu sap ko fayleng ma dakriy woton u but’; lanelang e dakriy ban’en ni be mat’ riy.

Jeremiah 4:6

Mu daged e wo’ nga Zion! Mmilgad ni fan e nge dabi buch ban’en romed! Dab mu sowathgad! I SOMOL e ke fek e riya’ nge ba gafgow nib ga’ ko lel’och i yib.

Jeremiah 51:11

I SOMOL e sak’iynag e pi pilung nu Media, ni bochan e ke leamnag ni ngan kirebnag yu Babylon. Aram rogon nra sulweg puluwon e kireb ni kan tay ko Tempel rok. Pi tolang ko salthaw ni yad e yad be cham e rogned nra ga’argad, “Mu uthumed e pi gan e gat’ing romed! Migmed falfal’eg rogon e shield romed!

Ezekiel 13:22

“Sasalap l’ugun romed e be lul’weg laniyan’ e girdi’ nib manigil, ni girdi’ ndagur finey ni nge gafgow. Gimed be tay tanggin e girdi’ ni kireb nge dab rpaged e kireb ni yad be rin’ ngar aywegned e yafos rorad.

Ezekiel 18:23

Be ga’ar SOMOL ni Th’abi Tolang, “Mogned, gimed be finey ma gu ba’adag ni ngug guy be’ nib kireb ni nge yim’? Danga’, ku gu ba’adag ni ngug guy ni nge kolngan’ nge pi’ keru’ ko denen ni be rin’ nge yag e yafos ngak.

Jonah 3:8

Urngin e girdi’ nge gamanman ni thingar ron’ed e mad ni tutuw. Urngin e girdi’ ma thingar tedan’rad ngar meybilgad ngak Got, ma thingar ra paged rarograd ni kireb nge ngongolrad ni kireb.

Mikah 2:3

Ere SOMOL e ke ga’ar, “Kug finey ni ngug girngiy e gafgow nrib gel nga dakenmed, ma dabiyag ni gimed ra mil riy. Ma dabkiyag ni ngu’um marod ni gimed ba uf, ya bay mpired ni kar mu gafgowgad.

Zekariah 1:3

machane chiney e be lungug ngomed, ‘Mu sulod ngog, ma aram mug sul ngomed.

Acts 26:20

Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.

James 4:13

Mu telmed ngog, gimed e pi’in ni be lungumed, “Daba’ ara gabul e ngad milekaggad nga reb e binaw ngad siyobaygad riy u lan reb e duw me yag e salpiy ngodad ni pire’.”

James 5:1

Ere mu telmed ngog e pi’in ni pire’ ban’en romed! Mu yorgad mi gimed dololoy’ ni bochan e gafgow ni bay yib ngomed!