Jeremiah 17:22 - Bible Ni Thothup

²² ara rifeked ban’en nga wuru’ e naun rorad e rofen ni Sabbath. Thangri dabra maruwel gad e rofen ni Sabbath; thingar ra ted ni reb e rran nib thothup, ni bod ni gu ta’chiylen ko pi chitamangirad.

Jeremiah 17:22 Σταυροειδείς Αναφορές

Nehemiah 13:15

Ngiyal’ nem e ug guy e girdi’ u Judah ni yad be uduy logowen e grape ko rofen ni Sabbath. Ma boch i yad e be af e grain, nge wayin, grape, fig, nge ku boch ban’en nga daken e dongki ngar feked ngalan yu Jerusalem; mug ginangrad ni dab ra pi’ed ban’en ni chuway’ e rofen ni Sabbath.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Jeremiah 17:24

“Mog ko pi girdi’ ney ni thingar ra ted gubin e tin ku gu ta’chiylen u gil’. Thangri dabra feked ban’en nib tomal ngalan e garog ko re binaw ney e rofen ni Sabbath. Thingar ted fan fare Sabbath ni bod reb e rran nib thothup ma thangri dab rin’ed ba maruwel.

Ezekiel 20:12

Mu gog ngorad ni ngar ayuweged e Sabbath nib pow ko m’ag u thilmad, ni nge puguran ngorad ni Gag SOMOL e gu thothup nagrad.

Ezekiel 22:8

Ke ma’fan e yungi n’en nib thothup u wun’med, ma damur tedfan fare Sabbath.

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.

Levitikus 23:3

Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Zekariah 1:4

Dab mboded e pi chitamangimed kakrom. Kab kakrom me pi’ e pi profet e thin rog ngorad, ni yibe yog ngorad ni dab kur pired u fithik’ e kireb, nge denen. Machane dar motoyilgad ngog ara rfolgad rog.

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.

Luke 6:5

Me ul ul Jesus ngay nge ga’ar, “En ni Fak e Girdi’ e ir e Somol ko Sabbath.”

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.